کابل: دفاع وزارت مخې ته د غبرګو چاودنو تلفات نور هم لوړ شول

نن ټکی اسیا (سه شنبه، وږي ۱۶مه ۱۳۹۵ل): د ملي دفاع وزارت وايي چې د یاد وزارت مخې ته د تېرې ورځې دوه غبرګو چاودنو ۳۵ کسان وژلي او تر سلو زیات يې نور ټپیان کړي دي.

د ملي دفاع وزارت خبرپاڼې ادعا کړې چې د چاودونو ډیری قربانیان او ټپیان ملکیان دي.

د سرچېنې په وینا په ټپیانو او وژل شوو کسانو کې یواځې ۵ تنه د ملي دفاع وزارت منسوبین دي.

خو پژواک خبري اژانس لیکلي چې د دوی سرچېنې ښيي چې د تېرې ورځې په غبرګو چاودنو کې ډیری وژل شوي کسان نظامیان دي. یاد اژانس د معلوماتو پر اساس په پرونۍ چاودونو کې د ملي دفاع وزارت د حمایوي ملاتړ قومندان، د دوهمې امنیتي حوزې آمر او مرستیال هم وژل شوي دي.

پر دې سربېره د ښاري امنیت مدیر مولانا صادق، د ولسمشر د ساتونکو ډلې مرستیال جنرال زمان احمدزی او یو شمېر پولیس او د اردو عسکر وژل شوي دي.

د ملي دفاع وزارت مخې ته د چاودنو مسوولیت طالبانو پر غاړه اخېستی او ویلي یې دي چې لسګونه د پولیسو او اردو افسران یې وژلي دي.



2 تبصرې

  1. تاسی باوروکړۍ ! داچه هره ورځ زمونږ مسلمانان ورونه هره ورځ مری ،اوهره لحظه ټپیان کیږی ،زړه می دومره درد کوی اوحافظه می هم کار پریږدی،وجود می کمزوری شی ، لکه هرګذار،هره ګولۍ چه زما په زړه لږیګی ، یاالله څه وکړم ،هیڅ می پروس پوره نه دی ،اوځما په څیر به بیشمیره خلك هم پدی غمیزه ،کړیږی او ژړیږی ؟ خوځنی خلك ،چه تعداد ئې ډیر کم دی ،اوصفتونه ئې هم دغلو، ظالمانو ،مزدورانو ،غاصبانو ،حرامخورو ،متعصبینو،بد اخلاقو اوبدماشانو دی ؟ دوی نه زړه لری ،نه درد ،اونه احساس،نه ورورګلوی ، نه خواخوګی ، لری ! اوسترګی هم نه شرمیږی ، حیا،ننګ اوغیرت ،خولا په ځای پریږده ! ددوی مثال دابریښی لکه څوك مړی پیدا کی خلك ئې دتکفین ،تدفین، په غم کی وی خو غله اوقطاع الطریق ئې ،جیبونه،اوبیکونه .تالاشی کوی ، هغه متل دی چه! ( بز درغم جان کندن وقصاب درغم چربو ) ای ظالمانو هره ورځ،هره اونۍ،اوهروخت ددځمکی اواسمان ،څخه او دهر کور،کلی ښار ،اوسمت څخه دا اوآز راځی ؟چه نورورك شئ خائنانو ،ځئ ، ورك ورك شئ، خوددی ارګ ناستو غوږونه :کاڼه سترګی ړندی، زړوونه مسخه شوی ، الله اکبر،الله اکبر ، والسلام .

  2. الحاج استاذ بیانزی

    سید ګل اغا صاحب سلامونه می ومنه !
    هر نفس د مرګ څکونکی او د هر چا مرګ په تقدیر کی لیکلی چه له څه او جیری به وی ، که مونږ په دغو عقیده او باور لرو او که یی نه لرو دغه کیدونکی دی هغوی چه باور نه پری لری هم په عملی بڼه کی یی ګوری یعنی باور نه لرل د هغو خپله بدمرغی ، ناپوهی ، ناغیړی او بدمرغی ده .
    په هر صورت هغوی چه عقیده لری ، هغوی ته وایم ، او د ځان او ستاسی په اړه وایم ، چه تل ژوندی نه پاتی کیږم ، کفار پریږدی هغوی خو خپله شیطانان دی په اړه یی سل په سلو باور لرو چه جهنمی دی که په کفر کی مړه شی اما د مسلمانانو په اړه خاتمه مسطوره ده ځينی په ښکاره مسلمانان او ځینی بیا منافقین وی او د ځینو خو نومونه د مسلمانانو وی زړونه او مغزونه یی تر اصلی کفارو هم بدتره ( اسفل سافلین ) وی ، زه وایم مونږ به ځانو او ټولو مسلمانانو ته د پوره ایمان سره د غیرت او شهامت مرګ ورکړی د زرو ګلو د بی غیرتی ، بی ایمانه ، بی وجدانه او د غلامی له ژوند څخه دغیرت ، ایمان ، تقوی او خپلواک ژوند که یوه ګړۍ هم وی او هغه هم په زولنو او زندانو کی وی ډیر ناوړه ، بی کیفیته او بی حیثیته دی ، زه خو تل دعا کوم چه د غلامی او بی غیرتی له دغه ژونده مرګ راته ډیر بهتر دی .

تبصره وکړه

ستاسو ایمیل ادرس به هیڅ کله نشر نه شي.