حزب اسلامي پخوانی قومندان د کورنۍ له درې غړو سره وژل شوی

نن ټکی اسیا (پنجشنبه، وږي ۲۵مه ۱۳۹۵ل): بغلان کې د حزب اسلامي یوه پخوانی قومندان او د کورنۍ درې غړي یې  د وسله‌والو په یوه برید کې وژل شوي دي.

د مرکزي بغلان امنیه قومندان سمونوال محب الله ویلي چې دغه پېښه د یادې ولسوالۍ په چوکه سیمه کې رامنځته شوې ده.

هغه ویلي چې د حزب اسلامي پخوانی قومندان د خپلې کورنۍ له غړو سره په موټر کې روان و چې د طالبانو په کمین برابر شو.

د یاد امنیتي چارواکي د ادعا له مخې په پېښه کې قومندان ثمر، د هغه زوی او د کورنۍ دوه نور غړي یې وژل شوي او یو بل ټپي شوی دی.

د مرکزي بغلان امنیه قومندان په وینا سیمې ته پولیس رسیدلي او څېړنې پیل کړي دي خو تر دې دمه د دغې پېښې اړوند هېڅوک نه دي نېول شوي.

تر دې دمه هېڅ یوې ډلې د یادې پېښې مسوولیت پر غاړه نه دی اخېستی.



تبصره وکړه

ستاسو ایمیل ادرس به هیڅ کله نشر نه شي.