ښايي افغانستان، بنګلادیش او هند په پاکستان کې د سارک ناستې سره پریکون وکړي

نن ټکی اسیا (چهارشنبه، وږي ۳۱مه ۱۳۹۵ل): افغانستان، بنګلادیش او هند ښايي د سارک ناستې څخه چې د نومبر میاشت کې په پاکستان کې ترسره کیږي، پریکون وکړي.

انډيا ټوډی په نوم هندۍ ورځپاڼې د یو شمېر سرچېنو له قوله لیکلي چې دغه درې هېوادونه د پاکستان لخوا د سپانسر شوي «ترهګرۍ» قربانیان دي او په دې سره یاد هېوادونه غواړي چې نړیوالو ته دا وښيي چې پاکستان ته د «ترهګرۍ سپانسر» هېواد دی.

په عین حال کې په هند کې د افغانستان سفیر شیرمحمد ابدالي ویلي چې افغانستان، هند او بنګلادیش باید په سارک غونډه کې چې په پاکستان کې ترسره کېدونکي ده باید تحریم کړي.

هغه ویلي چې دغه درې هېوادونه د «ترهګرۍ» چې د پاکستان له خوا یې ملاتړ کیږي قربانیان دي.

دا په داسې حال کې چې دوه ورځې وړاندې د هند تر کنترول لاندې کشمیر کې د هندي پوځ پر یوې اډې وسله‌والو برید وکړ چې په ترڅ کې یې ۱۷ هندي عسکر و وژل شول. هند یې پړه پر پاکستان واچوله او ادعا یې وکړله چې برید د جیش محمد په نوم وسلې والې ډلې کړی دی.

پاکستان دغه تورونه رد کړي دي.



د لیکوال او لاندي تبصره کوونکو له نظر سره د نن ټکی اسیا د ادارې توافق شرط نه دی.

2 تبصرې

  1. سلطان صالحی له قزوینه سخه

    سلامونه اواحترامات اونیکی هیلی وراندی کو م دا ستاسی صفحه دا دوی ورز کیژی چه زماپه نصیب شوی دی په زره پوری.معلومات و راندی کوی خدای خیر درکری .بخشنه غوارم..چه پشتو توری په گوشی کشی نه شم را پیدا کولای..وسلام علیکم ورحمت الله وبر کا ته..

  2. ښه نظردی ځکه دسارک هیوادونه با ید یو بل سره په پوره اخلاص سره کاروکړی خو پا کستان وایی چی دافغاستان ما لونه هند او هند ما لونه افغانستان نه نه پریږدم او خپل بندر ورته نه خلاصوی. کله چی زمونګ دانګورو انارو وخت وی بیا سرجد بنده وی نو بیا دسارک عونده څه معنی، زه ویم چی دپا کستان سره با ید بیخی دیپلوماسی اړیکی پریشی ځکه چی دګټی نه یی تاوان ډیر دی. هرڅه چی مونګ ته لیږی هغه بد ترین کیفیت لری، ټول مسلمانان یی په مرضونو اخته کړل، نه یی عواړی دکار دی، نه یی وړه دکاردی، نه یی جامی دکار دی، بل مهمه داده چی زمونګ دوشمن دی هروخت یی کوشش کړی چی زمونګ داساسی پروژو مخه ونیسی، هر وخت یی کوشش کړی چی یو افغان په بل وژنی داټول دخپلوګټو لپاره نه داسلامی همدردی لپاره ، که رښتیا اسلامی همدردی لری نو دلعل مسجد مجرمین دی اعدام کړی، که رښتیا دمسلمان سره همدردی لری نو دوزیر ستان مسلمانا نو سریی څه وکړل، که رښتیا داسلام سره مینه لری نو دفلسطین مسلمانو سره دتا ریخ په اوږدو کی کومه مرسته کړی نو مهربانی دی وکړی مونګ ته دی وښایی. دا انګریږ ځوی دی چی امریکایی پلار او انګلیسی مور څخه پیداشویدی . چی دټولی اسلامی نړی پرمخ یو تور داع دی او با ید په له منځه وړولو کی ډیر ه عا جله وشی.

تبصره وکړه

ستاسو ایمیل ادرس به هیڅ کله نشر نه شي.