مینار لوړ سو/ محمود جابر

محمود جابر

د یو چا له ذلالته مینار لوړ سو
د یو چا له شجاعته مینار لوړ سو

څوک تله ارګ ته په ضعیفه غلامۍ کې
څوک تله ارګ ته له قوته مینار لوړ سو

چا د کیري سلامي ته تندی ټیټ کړ
چا ګوزار ته کړ اوچته مینار لوړ سو

د نمرود په اور کباب شهید منصوره
دادی ستا له کرامته مینار لوړ سو

د حکمت څښتنه ارګ کې غلام اوسه
زموږ د تورو له هیبته مینار لوړ سو

د عمر د لښکر ځوږ دی های افسوسه
د کسرا قیصر حالته مینار لوړ سو

د کندز ښکلی سینګاره نظره مه سې
بیا د سپین توغ له زینته مینار لوړ سو

هلمندونو بیا د نیل صفت ژوندی کړ
غرور وړي له فرعونیته مینار لوړ سو

دوه سرونه دي یو ولوېد او دا بل یې
جابر ښکل کړ له محبته مینار لوړ سو



تبصره وکړه

ستاسو ایمیل ادرس به هیڅ کله نشر نه شي.