عکاس حاجي ته ډالۍ

محمد رحیم مظلوم

حاجي مه اخله عکسونه په کعبه کې
خدای ته وکړه طوافونه په کعبه کې

د رب کور دی عبادت لپاره وقف
ستا عادت شول ګناهونه په کعبه کې

د تصویر به وي همدومره ګناه ډیره
لکه څومره شته اجرونه په کعبه کې

عبادت کوه د مرګ پته نه لګي
بیابه نه وي دا وختونه په کعبه کې

هسي نه ستا د ګناه له وجې بند شي
را اوریږي رحمتونه په کعبه کې

موږ وای څومره بختور دی چه حاجي شو
ته کوې عبث کارونه په کعبه کې

کاشکې ستا پرځای {مظلوم} وای وراغلۍ
شپه او ورځ مې کړل سوالونه په کعبه کې

avatar
  ګډون وکړئ  
خبرتیا غوښتل د