ځوان شاعر او ليکوال: عرفان الله ايوبي

غزل/ عرفان الله ايوبي

عرفان الله ايوبي

چاته خاوره چاته ګل او چاته زر يم
چاته پټ د سمندر تل کې ګوهر يم

قمر نه يم چې له نورو رڼا واخلم
زه پخپله رڼا وېشم زه خو لمر يم

چې مې خاوره په بدرنګو خلکو پلوري
زه د داسې بادشاهانو نه منکر يم

ته بى فکره شه وطنه نه دې پلورم
داسې نده چې غني يم يا اتمر يم

ګوره زما هم د بې ننګو نه توبه ده
زه بچې د خوشال خان خټک يم نر يم

چې نه ویره د لیوه، نه غپ د سپي وي
بس يو داسې آزادۍ ته منتظر يم

عشقه تاته چې په مات تنديو درومي
ايوبي زه داسې ژڼو ته وزر يم

تبصره وکړئ

avatar
  ګډون وکړئ  
خبرتیا غوښتل د