په اسپانیا کې ږلۍ او که د خدای قهر / ویډیو

نن ټکی اسیا (چهارشنبه، ۲۸ چنګاښ، ۱۳۹۶): پر ټولنیزو پاڼو د اسپانیا یوه ویډیو خپره شوې چې په کښي د طوفاني باران او ډیرو غټو ږلیو عکاسي شوې.

ویل کیږي چې دغه ږلۍ تېره اونۍ د اسپانیا په شمال کې شوي چې له امله یې زیات مالي تلفات اوښتي دي.

د ډیلې میل ورځپاڼې د راپور سره سم د هرې ږلۍ حجم د یوه ګولف بال په برابر وو.

په ویډیو کې د ږلیو غږ اوریدل کیږي چې پر بام باندي راپریوځي او بیا لاندي غورځي.

د ورځپاڼې په وینا دغه ږلۍ د جولايي میاشتې پر ۱۳مه نېټه شوي وې، او تر اوسه مالومه نه ده چې ددغه طوفاني ږلیو له امله به څوک ټپيان شوي وي او کنه، خو انځورونه ښيي چې یو شمېر څاروی وژل شوی او د موټرو ښیښې هم ماتې شوي دي.



تبصره وکړه

ستاسو ایمیل ادرس به هیڅ کله نشر نه شي.