امریکايي سناتور جان مکین

امریکايي سناتور «جون ماکین» په سرطان اخته دی

نن ټکی اسیا (جمعه، ۳۰ چنګاښ، ۱۳۹۶): څو ورځې وړاندي پاکستان او افغانستان ته راغلی د امریکا په کانګریس کې د پوځي خدمت د کمېټې مسؤول جون ماکین په سرطان ناروغي اخته شوی دی.

نوموړی د افغانستان د جګړې کلک ملاتړی بلل کیږي او په دې وروستیو کې يې د ټرمپ پر ادارې لوی فشار وارد کړ تر څو افغانستان ته نوي ځواکونه ولیږي. جون ماكين د روانې جولايي میاشتې پر څلورمه نېټه په افغانستان کې په ارګ کې د ولسمشر اشرف غني سره ولیدل، نوموړي د سناتورانو د یوه پلاوي مشري کوله.

د جون ماکین له دفتره تېره چارشنبه رسنیو ته وویل شول چې ماکین د «مغزو» په سرطان اخته دی.

ماکین اتیا کاله عمر لري، له پوځ څخه د سیاست ډګر ته ور وتلی دی، د ۱۹۸۶ راهیسي د امریکا په کانګریس کې غړیتوب لري، په ۲۰۰۸ کې یې د باراک اوباما پر ضد د جمهوري ګوند په استازیتوب په ولسمشریز انتخاباتو کې ګډون وکړ.

د نوموړي له دفتره په خپره شوې خبرپاڼه کې ویل شوي چې تېره اونۍ ماکین په یوه روغتون کې د سترګې پر سر باندي د یوې غوښینې دانې عملیات وکړه، دغه دانې د نوموړي د مغزو سرطان سره اړیکه لرله.

د نوموړي په مغزو کې را ختلې دانه یا «تومور» د څلورمې درجې تومور دی چې تر ټولو ناوړه تومور بلل کیږي، د ډاکټرانو په وینا په بدن کې په ډېره چټکۍ سره خپریږي.

د جون ماکین له دفتره په خپره شوې خبرپاڼه کې ویل شوي چې کورنۍ یې د علاج په اړه غور کوي چې کومه طریقه اختیار کړي، خو ښه علاج یې کیدای شي کیماوي او لیزري علاج وي.

نوموړی د عملیاتو وروسته له روغتونه وتلی او اوس په اریزونا ایالت کې په خپل کور کې په استراحت بوخت دی.

د نن ټکی اسیا موبایل اپلیکیشن
avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
سيد مصطفي
میلمه
سيد مصطفي

الحمدلله دير شه خبر دي الله دي وكي چي تول كفار په سرطان اخته شي سره د غني گنجي

محمد
میلمه
محمد

الحمدلله الحمدلله الحمدلله الهم اشغل الکفرة ومن والاهم بانفسهم وخلص المومنین من شرهم