ننګرهار ته ډالۍ

غزل / تسل منيب

هر خواته لوخـړې دي بمبـــار دی

بيا په وينـو سور د ګلو هـار دی

دا زخـمي زخمـی بدن سوری سوری

دا شهید شهید ټټر ښکلی ننګرهار دی

بیا د اسمان څنډې له غم سرې ښکاري

بيا په فضاء خپـور د غم غبار دی

هره خور د خپل ورور په لټون کې ده

هرې مـور نه ورک د زړه قرار دی

هر خوا د خزان سپـیرې سيلۍ لګي

مونږ نه مرور پسرلی او هم بهار دی

ټول سر کرده خلک ده دې چـــم تللي

پاتې هر مفسـد او هر غدار دی

نن د منيب زړه ډير را ډک شوی دی

نن يې په زړګی د غـم امبار دی