fbpx

حوصله کوئ

ژباړه : نصیب رحماني

یو کال مې د واده کیږي خو ژوند مې ورځ تر بلې ترخیږي ماښام چې ستړی،ستومانه له کاره راشم مخکي تر دي چې څه ارام وکړم ډېر داسي څه مې تر غوږ رارسیږي.

ښځه مې راشې مخته مې ودریږې.

کوم څه چې مې درته ویلي وُ هغه دي ولي نه دي راوړي؟

دا دي څه خراب شیان راوړي؟

د سودا د اخستلو لیاقت نه لري؟

له ماښامه تر سهاره داسي څه نه وي چې زه یې برداشت نه کړم ملګرو مې مجبوره کړم تر څو یو مشهور عالم ته ورشم.

او د زړه حال ورته ووایم ګوندي یوه طریقه راوښي.

ولاړم عالم مې پیدا کړ مخ ته یې کیناستم اور ورته مې کړه.

مولاناصیب! ډېر صبر مې وکړ هر وار مې له ښځې همدا پښتنه کوم دا څه د عذاب خبرې دې؟

ستا دا بدو الفاظو او بي ځایه خبرو خو زما ژوند جهنم کړی.

زما په هر سوال کې هغه ماته دوه غاښ ماتوونکي ځوابونه راکوي اکثر وخت مو دا حال تر ساعتو اوږد شي
خو وروسته هغه په ويښتو جوړه ولو او یا هم په نوکانو رنګولو مصروفه شې.

لېکن نور مې له دي حاله زړه ډک شوي ده مخکي تر دي چې دا لیونۍ ښځه زما په لاس ووژل شې غواړم هغې ته طلاق ورکړم.

عالم د سر په ښورولو راته کړه.

بچیه! ستا د مصیبتونواو غمونو په راز زه پوه شوم ستا لپاره زما سره علاج شته او له هغه سره به ستا هر رنګ مسلې ختمې شي.

ما په حیراني پښتنه وکړه ایا داسي یو علاج شته چې د هغې دا لیونتوب ختم کړې؟

هو خو زما په زړه کې نور د هغې لپاره داسي کوم څه مینه او یا هم خپلوي نه ده پاته که ستا سره څه علاج د هغې لپاره وي رایه کړه نه زما لپاره.

عالم مسکی شو زما په اوږه یې لاس کیښود او راته یې وویل.

په خدای( ج) باور وکړه د مازدیګر لمونځ وکړه او راشه زه علاج درښیم.

تر لمانځه وروسته یې راته د کینستلو اشاره وکړه او عالم لاړو کور ته بېرته زر رالي او په لاس که یې یو کوچنی بوتل چې سر یې مظبوط بند وُ زما سره نیږدي کیناست او راته یه کړه.

زویه! دا واخله دا هغه علاج کوم چې ما وعده درسره کړې وه.

دا واخله او له ځانه سره یې کیږده او مخکي تر دي چې کور ته ننوځئ په بسم الله سره به یو غړپ په خوله کې واچوئ ها په یاد ولره چې تر نیم ساعت پورې به دا درمل خوله کې نیسئ نه به یې توکئ او نه به یې تېره وئ.

او وروسته تر نیم ساعت یې تېر کړه.

او زه غواړم ته دا علاج تر لسو (۱۰) ورځو بغیر له کومې قضایی وکړي ان شاءالله چې ښځه به دي بېرته پخواني حال ته راشې او ژوند به دي نیکمرغه شي.

ما هم په حیراني سر ورته وښوراوو سمه ده چې ته وایې همداسي به وکړم له خدایه( ج) هیله لرم تر څو مې د ښځې دا لیونتوب ختم شې او همدا دعا به کوم خورم به یې زه او شفأ دې هغې ته وې.

په دا بله ورځ مخکي تر دي چې کور ته ننوځم له بوتله مې په راکړ شوي هدایت یو غړپ درمل خوله کې واچول او کور ته ننوتم.

خو زه باید دلته تاسو ته یو یادونه وکړم هغه داچې درمل مې خوله کې واچول او حیران شوم ځکه درمل د عادي اوبه په څېر نه کوم رنګ او نه هم کوم خوند لري.

د عالم له راکړل شوي هدایت سره سم مې خوله ټینګه بنده کړه او غوښتل مې چې تر خپلې کوټې ځان ورسوم د پخلنځي تر مخ مې د تېریدا په وخت ولیده چې هغې په یوه سترګه ماته کتل او بله یې په کار بوخته وه.

غاښونه یې سپین کړل او راپسي غږ یې کړل ما درښودلي شیان دي راوړل که د هیمشه په څېر خبره دې په سر تېره شوه او خالي لاس کورته راغلي؟

راکړه څه دي راوړي ؟ چې زه یې وګورم.

وروسته یې په حېرانتیا راته وکتل رانیږدې شوه.

ګوته یې زما سترګو ته رانیږدې کړه.

څه شوي ژبه دې په حلق کې بنده شوې؟

په څه تکلیف مې ځان ترې خلاص او کوټې ته ننوتم تر څو وکولای شم چې د علاج نیم ساعت پوره کړم آلان چې ماته معلومه وه چې د عالم دا علاج به زما په ښځه هیڅ اثر ونه کړي په زیاته نن.

په دوهمه ورځ مې هم همداسي وکړل په بسم الله مې درمل په خوله کې واچول او کور ته ننوتم خو نن بل کیفیت ده ډېره تعجبه ده هغه لکه چې زما د خاموشۍ په راز پوهیدلې ده هیڅ راته نه وایې څو دقیقې خاموشه وه او وروسته راغله ورو یې راته کړه،

ډوډۍ خورئ رایې وړم؟

وروسته تر پنځو (۵) ورځو بېرته عالم ته ورغلم غواړم په دي پوه شم چې دي بوتل کې څه وُ؟

عالم زما څیرې ته وکتل په خندا یې راته وویل بچیه!

راته ووایه علاج څه اثر کړی یانه؟

ما سر ورته وښوراو هو’

خو دا څه او څنګه وشول چې زما لیونۍ ښځه یې بېرته د تازه راواده شوې ناوې غوندې کړه؟

عالم مخکي تر دي چې څه ووایې په قهقهه وخندل

بچیه! په دي بوتل کې ماته د منګي اوبه اچولي وي.

زما سترګې وازې پاته شوې حیران شوم

څه،څه اوبه بس اوبه..

رښتیا په دي بوتل کې هیڅ ډول درمل نه وُ؟

صرف اوبه وي؟ خېر بیا به دي هم د تبروک لپاره کم ازکم خپلې لاړې باندي چپ کړئ وي؟

نور اخېر زما ښځې ته څنګه ساده اوبه شفا شوې؟

عالم په شونډو کې مسک شو.

بچیه! له دوو خبرو سره ستا مسله ورځ تر بلې خرابېدله.

لومړی: دا چې ته به ټوله ورځ ستړی او ستومانه وي ماښام چې به له کاره راغلي په ذهن به دي فشار وُ طبیعت به دي هیڅ ډول خبرې کول یا اوریدل نه غوښت یواځي د ارام کولو کوښښ به دي کاوُ.

دوهم: ستا ښځه ټوله ورځ تنهایې او خاموشې ځپلې وې ستا د راتلو انتظار په بې صبرې کوې
په ذهن کې ستا دپاره رنګا،رنګ خبرې وې.

زړه یې غواړې ستا سره ډېرې خبرې وکړې.

خو هیڅ داسې موضع نه وې چې ستا سره پرې د خبرو کولو پیل وکړې نو لازم به یې په خپلو راغوښتیو شیانو نیوکه کوله تر څو له تاسره په همدي خاطر خبرې وکړې.

او په دي مسلو کې ته ستړی وئ له دي بیځایه الازام او نیوکو نه نو ځکه به تا هر وخت د طلاق ورکولو سوچ واهه.

بچیه! ضروري خو داسي وه چې تا باید خاموشي اختیاره ولای، په ارام او سړه سینه دې د خپلې ښځې خبرې اوریدای یادي د خپل ورځني ژوند تېر شوي حالات ورته بیانه ولای.

نو دا به د هغې په زړه کې یو سکون وُ چې ته د هغې سره څومره مینه کوي او د هغې څومره خیال ساتې
بچیه! ستا د ښځې علاج ستا له طرفه شروع کیدو نو ځکه مې د خپل کور د منګې اوبه د درمل په نامه درکړي تر څو یې ته په خوله کې واچوې او خوله دي تر نیمه ساعته بنده ونسې

نو دا ستا د ښځې لپاره یوه ښه موقع وه چې ستا سره هر رنګه چې زړه یې غواړې خبرې وکړي او دا خبرې به ټولې تا په تسلې واوریدې او وروسته تر نیم ساعت به ته بیرته خپل عادي حال ته راستون شوي او ذهن به دي ارام شو.

يادونه: په ورځني ژوند کې ډېر داسي څه شته چې په ډېره آساني سره کولای شو خپلې منفي نقطې ځان کې پیدا کړو
مینه زده کړه مینه ولوله او مینه خپره کړه..

avatar
  ګډون وکړئ  
خبرتیا غوښتل د