په زليخا، زليخا ماحول کې ته يوسف شه د زړه سره!
منصور افغان
پلار یې ورته ویل :
زویه !
پام کوه ، ځوان یی ، د فـتنو دور دی
هسی نه چې
د چا د خور، لور له آبرو سره لوبی وکړې
زوی یی په بی باکی ځواب ورکړ:
پلاره !
زه څه وکړم ، ددې وخت اکثره انجونی څوک په کرار نه پریږدي ،
په لاره ، کوڅه ، بازار ، دفتر ، مکتب او پوهنتون کې
پخپله خلکو ته سره او شنه چراغونه ورکوي
د پلار سترګې یې له اوښکو راډکی شوی
ورته ویې ویل :
زویه !
پوهیږم نن سبا زلیخاوې ډیرې دي
خو ته یوسف شه د زړه سره
ناڅاپه یې زوی ټکان وخوړ،
د الله تعالی ویره پری غالبه شوه
زړه یی په زوره ، زوره درزیده
لړزې ونیو،
په زاریو شو
ویل خدایه!
زه هم د یوسف (عليه السلام ) په څیر تاته پناه وړم
هغه چی ویل یی
( …وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ )
معنی داچې که ته له مانه ددی ښځو شر دفع نکړې
زه به یی په فتنه کې واقع شم او د ناپوهانو له ډلی به شم
خدایه!
تا دیوسف (عليه السلام ) د زړه درزا واوریده
( فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ ۚ إِنَّهُ هُوَ السَّمِيعُ الْعَلِيمُ )
رب یی د هغه سوال قبول که او د هغوی چل او فریب یی ترې دفع کړ
یقننا چی هغه ذات اوریدونکی او پوه دی
خدایه!
زه هم د یوسف (عليه السلام ) په څیر زاری کوم ،
ته د هر څه اوریدونکی او په هر څه پوه یی
د فساد او فتنو پدی ګرم بازار کې
په لاره ، کوڅه ، بازار ،
دفتر ، مکتب او پوهنتون او تالار کې
ما دښځو له فتنی او شره وژغوره
خدایه !
ما د یوسف (عليه السلام ) په څیر وژغوره
ما د یوسف (عليه السلام ) په څیر وژغوره
………. ………..
