افغانستان

طالبان: اختر محمد منصور د افغانستان په یوه کلیواله سیمه کې اوسېده

نن ټکی اسیا (جمعه، ۲۰زمری، ۱۳۹۶): د طالبانو د تحریک لخوا په یوه نوي خپاره شوي کتاب کې له دې رازه پرده پورته شوې چې ددې خوځښت دوهم مشر ملا اختر محمد منصور وړاندې له دې چې د امریکایانو لخوا په نښه شي د افغانستان د جنوب لویدیځ په یوه کلیواله سیمه کې اوسیده.

( د سپین کاروان سرلاري) د هغه کتاب نوم دی چې په دې وروستیو کې د طالبانو د فرهنګي کمیسیون لخوا په ۵۲۲ مخونو کې چاپ شوی او ددې ډلې د پنځوس تنو مخکښو څیرو، سیاسي شخصیتونو او نظامي قومندانانو ژوندلیکونه په کې راټول شوي دي.

د کتاب په ۵۰ مخ کې د ملا اختر محمد منصور د ژوندلیک په لړ کې دا خبره هم راغلې چې نوموړي د امریکایي ډرون الوتکې لخوا له ویشتل کیدو مخکې د افغانستان دهلمند او نیمروز ولایاتو ترمنځ په یوه کلیواله سیمه کې ژوند کاوه.

په کتاب کې د منصور صاحب د یوه ملګري ملا اغاجان له قوله راغلي ( په دې سیمه کې شهید منصور صاحب له ۸ کسو مجاهدینو سره اوسیده، دوی د عامو مجاهدینو په شان مسلح ګرځیدل اود سیمې مجاهدینو او عامو خلکو ته یې ځانونه د یوه محلي ډلګی مشر ملګري معرفي کړي وو تر څو د اوسیدو ځای یې افشا نه شي. دوی د اړتیا په وخت شاوخوا نورو سیمو ته هم سفر کاوه)

ملا اغاجان چې په دې وخت کې له ملا اختر محمد منصور سره نږدې اوسیدلی وایي(په دې مرحله کې منصور صاحب د احتیاط په خاطر له مجاهدینو سره مخامخ لیده کاته نه کول. بلکې د ځانګړو استازو په توسط یې هغوی ته احکام صادرول دغه راز به کله یوې داسې سیمې ته له خپلو ملګرو سره نږدې شو چې انټرنټ به کار کاوه بیا به یې د ایمیل او نورو طریقو نه په استفاده له مسؤلینو سره رابطه کوله او د وظایفو په باره کې یې ورسره سلا مشوره کوله. په دې میشت ځای کې په جهادي او ورځنیو رسمي وظائفو سربیره نوموړي ډیر وخت مطالعه کوله او یا به له ملګرو سره په موټر کې ګرځیده او د جهاد او اولس حالت به یې ځان ته معلوماوه)

ملا اغاجان د خپل ژوند ددې مرحلې په اړه زیاته کړې( دا مې د ژوند تر ټولو خوږه خاطره وه. ځکه د اسلامي امارت زعیم د خپل وطن په سپیرو کوډلو کې داسې ساده ژوند درلود لکه یو عام دسنګر مجاهد)

د ملا اختر محمد منصور د میشت ځای په اړه دا خبره په داسې حال کې رابرسیره کیږي چې له دې وړاندې رسنیو او د طالبانو مخالفینو دعوه کوله چې د طالبانو مشران ټول په پاکستان یا ایران کې اوسي. د نیویارک ټایمز ورځپاڼې وړمه ورځ د ملا اختر محمد منصور په اړه یو ځل بیا راپور نشر کړ او ویي لیکل چې نوموړی د امریکایي ډرون لخوا له ویشتل کیدو مخکې پوه شوی و چې په نښه کیږي نو ځکه یې له خپلې کورنۍ سره وداعي ټیلفون کړی و.

ملا اختر محمد منصور د طالبانو د اسلامي تحریک دوهم مشر و چې د ۱۳۹۵ لمریز کال د جوزا په لومړۍ نیټه یې د امریکایي ډرون الوتکې د برید په پایله کې ژوند له لاسه ورکړ.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
محمد اکرم

هرو مرو به ایران دا کار کړی وی ځکه چی دایران له پولی پاکستان ته اوړی خو ایران به پری فوه وه او پاکستان ته به یی خبر ورکړی وی اصلی مجرم ایران ده

مولوی شهباز

فه سیاسی او دیپلوماتیکه تو ګه او هم دسخطی سکورټی او هم دداسی سخطو شرایطو په درشل کی باید منصور سفر نه وی کړی او خپل استازی یی لیږلی وی طالبان تر اوسه یو پر بل دا لورینه او اعتماد نلری چی بهر ملک ته بل وهستوی لکه نادیده کورنی همیش یی هر یو غواړی چی بل ور سخه تعلق کی مخکی نشی او بی اعتمادی دومره پکښی ډیره ده که کلونه هم سره یو ځای تیر کړی په بل یی رواداری دیو داسی کار نه وی چی یا خو له چا سره وپیږنی او یا له چا سره بلد… نور لوستل »

الحاج استاذ بیانزی

د دوهم مشر ملا صاحب د شهادت به اړه : لمړی: د نن تکی اسیا ارزونه هم تر ټولو زیات امکاناتو کی شمیرل کیږی د طالبانو لوی دشمن امریکایان وو نو استخبارات به یی خامخا ورپسی ګرځیدل اوس هم ګرځی او راتلونکی کی به هم ګرځی . دوهم: د مشر ملا صاحب ( ملا محمد عمر مجاهد ) له مړینی او رهبری وروسته که څه هم اکثریت طالبان د منصور مولوی صاحب په قیادت مطمن او قانع شول مګر د ګوتو به شمار یو شمیر طالبان د مادیاتو د لیوالتیا له امله ورسره مخالف پاتی شول هغوی دیر کمزوری وو… نور لوستل »

Back to top button
3
0
Would love your thoughts, please comment.x
()
x