چالاکه او مکاره ښځه: (له پنده ډکه کیسه)

ژباړه: قاري عبدالرشید عالمي

د جمعی په ورځ مولا، د کلی په جمات کې مسئلی کولی، سیکالو د ښځو د مکر او چلونو په اړه وه، د خبرو په اوږدو کې ملا وویل: د ښځي د هر ویښته لاندي په درجنونو چلونه پټ دې، یو دهقان، چې دا خبره واوریده، نو کورته راغي او د خپلی میرمني سر یی کل کړ، حال داچي دا ډیره درنه او سنګینه میرمنه وه، په دي کار ښځه ډیره نارامه او غمجنه شوه، بالاخره یی د خاوند څخه وپوښتل:

دا کار دې ولې وکړ؟

دهقان وویل: ائ نیکبختی! د جمات ملا په مسئلو کې دا خبره وکړه، چې د ښځې د هر ویښته لاندي په درجنونو چلونه پټ دې، نو ما هم فکر وکړ، چې رازه دا چلونه درڅخه ایسته کړم،

ښځه ډیره خواشینې شوه، نو له زانه سره یی پریکړه وکړه، چې د خاوند څخه به هرومرو غچ اخلې-

یو څو ورځې وروسته ښځې د ښار څخه یو من ماهیان (کبان) راوړل او په کرونده کې یی ځاي ځاي د خاورو لاندې پټ کړل، یو کوچنی ماهې یی په خپله غاړه کې پټ را ځوړند کړ کله، چې خاوند یی کروندي ته راغي او په بیلچه کې خاوره پورته کړه، ګورې چي لاندې ماهې پروت دی، چې هر بیل پورته کوې نو په کبانو یی سترګې لږې، ټول یی سره يو ځاي کړل او کورته راغي،

په دی ورځ ډیر خوشاله ښکاریده، ماهیان یی د ښځي مخ ته کیښودل، لستوڼی په تندي تیر کړ، ساه یی کش کړه، ماهیانو ته یی وکتل، ښځي تري پوښته وکړه:- دا دومره ډیر کبان دې له کومه کړل؟ سړی موسکی شو، ویل دامې په کرونده کې موندلي، ښځي ته یی د ماهیانو د پخولو وویل او نور روان شو، ترغرمی ناوخته په کرونده کې بوخت وو، ستړی ستومانه کورته راغی، لاسونه یی پریمنځل، پلتۍ یی ووهله او غرمنۍ ته په تمه ناست وو، ډیر وخت ووت نور یی د انتظار کاسه ډکه شوه، په ښځي یی ورغږ! کړ ډوډۍ راوړه، وږی یم…

ښځي وویل: ډوډۍ؟ په کور کې که څه وي درته به یی راړم، چې نه وي نو له کومه یی کړم؟

خاوند یی سور او برګ شو، په تونده ژبه یی وویل هغه ماهیان څه شول؟ هغه دې نه دي پخ کړې؟ ښځي وویل کوم ماهیان؟ خاوند: هغه چې په کرونده کې مې نیولي وو، ښځي خپل وروڼه راوغوښتل، ویل: خاوند مې لیونې شوې، وروڼو یی ورڅخه پوښتنه وکړه، چې څه خبره ده اخر څه شوې؟ ښځي وویل خاوند مې د څو ورځو راهیسې څه په اؤتو بؤتو سر دی، عجیبه او ناشنا حرکتونه کوې، لمړی زما سر یی کل کړ، خیر دا خو به زه وزغمم، خو اوس راته وایی، چې کبان پاخه کړه، نو کبان له کومه شول؟ خاوند ورپاڅید، چې ښځه ووهې، خو وروڼو یی خاوند ونیوو، هغه وویل: دروغ مه وایه ما په خپل لاس درته ماهیان راوړل، ښځي وویل: سمه ده، زه یی منم، خو وروڼو تاسو ورڅه پوښتنه وکړئ چي ماهیان یی له کومه کړل؟ خاوند وویل: هغه ماهیان چې ما په پټي کې د خاورو لاندې موندلی ول او ټول مې تاته راوړل چې د غرمي لپاره یی پاخه کړی، ښځي وویل په پټي کې ماهیان له کومه شول او بیا د خاورو لاندې؟؟؟

سړي یو ځل بیا د ښځي د وهلو هوډ وکړ، خو د ښځي وروڼو ونیوه او په کټ پورې یی کلک پلک وتاړه،
میرمني یی د ګریوان څخه ماهی راوویست او خاوند ته یی ښکاره کړ، هغه بیا چیغي کړي هغه دي ماهی…. میرمني وویل: لکه چې لیونتوب یی ساعت په ساعت زیاتیږې، لږ ځنډ وروسته ښځي بیا ورته ماهی ښکاره کړ، سړي بیا چيِغی کړی، د نجلۍ وروڼه په دی پوره ډاډه شول، چې سړی لیوني شوې، باید غم یی وخوړل شې، بلاخره له کوره ووتل او په دی سلا شول، چې باید ډاکتر راولې، په کور کې ښځه او خاوند ځانته پاتي شول، ښځي د سترګو په کونجونو کې خاوند ته وکتل، موسکئ شوه، ویل: اصلې مکر او چلونه په دماغو ترسره کیږې نه

په ویښتانو…

اوس ووایه! بښنه غواړی او که لیونتون ( د لیونیانو ځای) ته ځی؟؟؟؟

خاوند یی په ژړه غونې غږ وویل: قسم په خدای، چې نور به د ښځې ذات سره په ژوند کې ډغره ونه وهم.

پای



یوه تبصره

  1. RAZMOHAMMED KAMAWALL

    if i remember my mother/she always weakmeup to go to muske for learning quraan shareef/to becom a mulah or complet muslim/we have think about own mother/then think any woman is a mother/we haveto have respect to all womens/
    shyme for who knowlegless to disrespect to womens/
    thanks

تبصره وکړه

ستاسو ایمیل ادرس به هیڅ کله نشر نه شي.