دیني، سیرت او تاریخ

په څلورلارو کې به چيغې وهل کېدې

انجنير عمر

_ څوک چې واده غواړي مونږ واده ورته کوو!

_ څوک چې کور جوړول غواړي مونږ کور ورته جوړوو!

_ څوک چې پوروړي دي مونږ يې پور خلاصوو!

_ څوک چې حج او عمرې ته ځي مونږ يې رسوو!

وبښئ!

دا د نن زمانې خبره نده، سره له دې چې نن مالونه ډیر، بډايان او شتمن خلک زيات دي ، دا د هغه حاکم زمانه وه چې يوازې څلوېښت کاله ېې ژوند وکړ.

هو!

اميرالمٶمنين حضرت عمر بن عبدالعزيز (رحمة الله عليه) ته د زکات له مال سره زر راغلل ، ده ورته وويل : دا فقيرانو ته نفقه کړئ!

دوى ورته وويل : په اسلامي امت کې هېڅ فقير پاتې ندى.

ده ورته وويل : پوځونه پرې تجهيز کړئ!

دوى ورته وويل : د اسلام پوځونه د نړۍ تر ټولو مجهز پوځونه دي.

ده ورته وويل : ځوانانو ته وادونه پرې وکړئ!

دوى ورته وويل : چا چې د واده اراده درلوده هغوى په واده شول؛ خو لا هم مال پاتې دى.

ده ورته وويل : د پوروړو، پورنه پرې خلاص کړئ!

دوى همداسې وکړل؛ خو مال پاتې و، ده ورته وويل : په يهودو او نصاراوو کې غريبان ولټوئ او د هغوى پورونه هم ورته خلاص کړئ!

دوى دا هم وکړل؛ خو مال پاتې و، ده ورته وويل : د علم خاوندانو ته يې ورکړئ!

دوى دا هم وکړل؛ خو مال بيا هم پاتې و، ده بيا ورته وويل : غنم پرې واخلئ او د غرونو په څوکو يې وشيندئ تر څو د اسلامي ځمکو مرغان وږي پاتې نشي!!!

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x