fbpx

طالبانو دایکنډي کې د ملي اردو چورلکه راغورځولي

نن ټکی اسیا (چهارشنبه، ۱۵ وږي، ۱۳۹۶): د دایکنډي ولایت په اجرستان ولسوالۍ کې د ملي اردو یوې چورلکي سقوط کړی، طالبان وایي چورلکه د دوی ځواکونو راغورځولي او ددوی تر محاصرې لاندي ده.

د غزني ولایت امنیه قومندان جنرال محمد زمان د رسنیو سره په خبرو کې وویل چې نن ماسپښین مهال شاوخوا درې بجې د اجرستان ولسوالۍ په مرکز کې د ملي اردو یوې چورلکي سقوط کړی دی.

نوموړۍ زیاتوي چې چورلکي هغه وخت سقوط وکړ کله چې تر اکمالاتو وروسته د پورته کیدلو پر مهال د یوې وني سره ولیګده او راوغورځیده خو طالبانو بیا دا خبره نه مني.

د طالبانو ویاند قاري محمدیوسف احمدي وایي چې د ملي اردو چورلکه د اکمالاتو پر مهال ویشتل سوي او راغورځول سوي ده، نوموړۍ زیاتوي چې چورلکه ددوی تر کنترول لاندي ساحه کې لویدلي او ددوی ترمحاصره لاندي ده.

avatar
  ګډون وکړئ  
خبرتیا غوښتل د