بالاخره طالبانو ډنډ شمالي فتحه کړ

جاوید علي خېل

د کابل شمال ته د پروان او کاپیسا مربوطات چې شمالي یا ډنډ شمالي هم ورته وایي هغه سیمه وه چې د طالبانو د توپاني پاڅون په وړاندې تر پایه د یوه نه ماتیدونکی کمر په حیث پاته شوه.

طالبانو دری ځله د شمالي د نیولو په غرض پوځي مارشونه وکړل. دری ځلې یې مسعود دالان سنګ له تنګي تیر او په پنجشیر دننه کړ. مګر له لنډ مهالې بریا وروسته به ډیر زر په دې سیمه کې د طالبانو په وړاندې د چریکې جګړې اور په لمبو شو او طالبان به یې بیرته شاتګ ته اړ کړل.

د شمالي د نیولو تاخیر د طالبانو صبر هم پای ته رسولی و. هغوی بیلابیلې هڅې کولې خو شمالي نه فتحه کیده.شاید له ډیرو وجوهاتو یې یوه هم د طالبانو محاسبوي اشتباه و. دوی شاید فکر کاوه چې د جنګ ګټلو لپاره یوازې د ټوپک او زور لاره کافي ده. نو ځکه یې په شمالي کې هم د زور د استعمال بیلابیل ډولونه نندارې ته وړاندې کړل.

خو هاغه متل دی وایي چې (که کور مې وسو دیوالونه یې پاخه شول)په طالبان راغلي امتحان او د مبارزې د لارې غورځو پرځو او ټکرو طالبان هم د تجربو له یوې شتمنې ذخیرې څخه برخمن کړل.طالبان اوس پوه شوي چې په اولس د راج چلولو لپاره تر ټولو اړین شرط د اولس اعتبار خپلول، هغوی ته ځان ورپیژندل، د هغوی باور او اعتماد ترلاسه کول او د هغوی په زړونو کې ځان ته د ځای موندل دي.

شاید د شمالي خلکو به هغه وخت طالبان نه پیژندل. مګر په تیر شپاړس کلنه دوره کې چې اصلا د افغانستان په سیاسي قشر د الله تعالی یو ستر امتحان و طالبانو ټول اولس ته ثابته کړه چې څوک او څه ډول خلک دي؟؟ او د هیواد له نورو سیاسي ډلو او افرادو کوم توپير لري؟ په تیرو شپاړس کلونو کې د نور اولس په شان د شمالي خلکو هم ولیدل چې طالبان کوم پردي او اجنبي خلک نه دي بلکې د همدې خاورې تر ټولو رښتیني، وفادار او ایثارګر بچیان دي.

په دې تیرو شپاړس کلونو کې چې د شمالي ډنډ د واکمنۍ پخواني مدعیان شورای نظار، ټوپکیان او ډالربګیران د صلیبي اشغالګرو په چوپړ بوخت وو، د هغوی لپاره یې د اسلام او افغانیت ټول حدود پایمالول. د هغوی لپاره یې د کرایي جګړه مارانو، جاسوسانو او سیاسي نانځکو رول ترسره کاوه، طالبان کاملا په بل اړخ کې ولاړ و. طالب په دې وخت کې د کفر په ځای د اسلام سنګر ټینګ کړ. د غلامۍ په ځای یې د ازادۍ بیرغ رپاند کړ. امریکایي فرعونیت ته د سر ټیټولو په ځای یې د هغوی مغرور سرونه په خاورو کې ورغړول. دتاریخ د مسخ کولو په ځای یې د تاریخي ویاړنو د تکرار او جهادي حماسو د راژوندي کولو تسلسل ته اوږه ورکړه. طالب د خپل وینو په توپاني سیلاب کې د یرغلګرو د کبر او غرور کښتۍ غرقه کړه. خو اولس یې له تلپاتې غلامۍ، ذلت، سرټيټۍ، بې دینۍ او غربي کفر څخه وساته.

همدلته نو ثابته شوه چې طالب واقعا د اولس تر ټولو وفادار او غیرتمند بچی دی. دا حقیقت په تیره شپاړس کلنه دوره کې په داسې ډول روښانه شو چې نور یې نو د یرغلګرو تبلیغاتي رسنۍ په پټولو او مسخ کولو نه شي رسیدلی.

همدا نن مې په رسنیو کې د کابل شمال ته د بګرام، قره باغ او پروان سیمو د خلګو د مظاهرې انځورونه ولیدل. د شمالي خلکو چې د اشغالګرو او د هغوی د غلامانو په ضد یې شعارونه ورکول په اوږو یې د طالبانو بیرغونه را اخیستي وو. هغوی د بګرام د اډې په وړاندې او د شورای نظار د ډالربګیرانو د سترګو په مخ کې د جهاد او ازادۍ سپین کلیمه دار بیرغونه ورپول او دا یې ثابته کړه چې دوی هم نور د ټول ملت په څیر د استقلال متصديانو طالبانو ته په خپلو زړونو کې ځای ورکړی.

دا چې طالبانو په خپله حکمیانه تګلاره او ویاړمن جهاد سره د شمالي د اولس زړونه خپل کړل. دا فتحه یې د بګرام اډې له فتحې هم ستره او پرتمینه ده. ورته مبارکه دې وي.



یادونه: په نن ټکی اسیا کې لیکنې یوازې د لیکوال خپل نظر څرګندوي، د ادارې توافق ورسره شرط نه دی. که تاسو غواړئ نن ټکي اسیا کې مو لیکنه خپره شي، اړیکه راسره ونیسئ. مننه

7 تبصرې

  1. واقعً چي همداغه سي دي د شمال تول هغه سيمي چي دامارت په مقابل كي د مخالفين سنگرونو و اوس تول الحمدلله د مجاهدين پوخ مركزونه دي گورزي وان، سنگ چارك، حتا اوسني فتحه سوي غلمين ولسوالي په غور ولايت دا تول او ورته مناطق يو وقت د دوي خبره دمقاومت زايونه و او زما شه په ياد دي البته اوس لكه سنگه چي تاسي ليكلي دي لحق سره مل دي الحمدلله

  2. الله دی بریالی لری دقره باغ نامیان

  3. سلام ټولو مجاهدینو ته،
    زه هم د دې ولسوالۍ اوسیدونکی یم خو د امارت له مشرانو او ټولو چارواکو څخه هیله لرم چې ملکي کارکوونکي او د شخصي شرکتونو کارکوونکي دې نه وژني ځکه هغوی بی طرفه خلک دي، هغوی هم مجبوره دي چې د خپلو بچیانو ته د ډوډۍ موندلو له پاره کار وکړي، دا چې تاسو پوځي کسانو سره مخالف یاستئ هغوی ته هم تر درې ځلو په لیکلي بڼه اخطار وکړئ بې خبره یې مه وژنۍ ځکه هغوی ډیری هم نه پوهیږي ډيری له مجبوریته تللي، ډیری د ظلم او بی عدالتي له وجې تللي، هغوی هم میندې، خویندې، ماشومان او ښځې لري هغوی مه یتیمانوۍ هغوی مه بوروئ، که مو بې ګناه خلک ووژل هغه وخت به هم خدای تاسو ته په قار شي او هم به د خلکو کرکه له تاسو ډيره شي او بل دا چې بې تحقیقاتو په ناببره توګه خلک مه وژنۍ، ډیر کسان په قره باغ کې د شخصي دښمنیو ښکار شوي هغه هم په طالبانو چپه شوې، میندې، خویندې او ماشومان یې ګرده ورځ طالبانو ته ښیراوې کوي. خدای دې وکړي چې زما دا پیغام ته تاسو ته د اوریدو او ارزښت وړ وي وسلام مننه. مرګ پر کفارو مرګ په اسراییلو او مرګ د مسلمانانو پر دښمنانو.

    په درناوي

  4. علی خیل صاحب الله ج دی اجرونه درکړی ستاسی د دی ښه زیری او ښکلی ارزونی له مخی دوه لاسی سلامونه درته کوم او دعا کوم چه ورته فتحی او د خلکو په زړونو بریالیتوب دی تل ورته په برخه کړی او په برخه دی.
    د کابل غلامه او فاسده اداره هغه هوایی ودانی ته ( چه د امریکایانو په اوږو جوړه شوی او ولاړه ده ) ورته دی په هماغه ثانیه چه امریکا اوږی لیری کوی دغه هوایی ودانی به د زمکی سره زمکه وی ، د امریکا هغه مالی او نظامی پیاوړتیا چه په اوایلو کی یی د دی د پاره د ډالرو او وسلو خزانی ډکی کړی وی مخ په تشیدو دی تر شلو تریلونو د نړیوالو قرضداری ده شل تریلونه که د امریکا په مالیه ورکوونکو وویشی هر امریکایی وخته ګرو او خرڅ شوی امریکایی سود لا نه شی تادیه کولای اصل قرض خو ورته ډیر ناممکن دی او په ځانګړی هله چه دغه جنګ ته ادامه ورکوی او د فاسدی اداری د هر غړی په خولو کی یی چوشک ایښی ، کور ، دفتر او لیارو کی یی د مظلوم او مجاهد اولس له څپیړو ساتی تر څو به د امریکایانو وینی د څو دلالانو او سړیخورو او دالرو خورو د پاره تویوی او تر څو به یی امریکا کی خلک ګټی او د کابل غلامان به پری د ماشومانو به شان ساتی.
    امریکا سره ناتو ( اروپا ) هم ملتیا لری که نه اوس به یی برخه لیک د پخوانی شوروی اتحاد به شان وو او که همدا اوس له هوښیارتیا کار وانه اخلی د هماغه برخه لیک په مخ روانه ده.
    ټوله نړی د طالبانو په میړانه قانع او حیرانه ده ، حتی امریکایان ورته د دهشتګر خطاب له ویری یا له شرمه نه شی کولای او د طالبانو په مقابل کی ځانو ته دهشتګر وایی ، د امریکا خلک نور حاضر نه دی چه خپل بچیان د ع او غ د پاره قربانی کړی او یا د خپلی مالیه ډالر د دوی میکپو د پاره خرڅ کړی .
    مګر طالبان باید په دی هم پوه شی چه دا یوآخی د طالبانو مړانه نه بلکه الهی مرسته وه چه د طالبانو د پاکو نیتو او بی دریغو قربانیو له مخی ورسره الله ج له یوی مخی د طالبانو مورال او ایمان پورته او د کابل د غلامانو او بادرانو مورال د زمکی سره زمکه کړو او جنګ په لوړ مورال او سپیڅلی هدف ترسره کیږی او طالبان هم لوړ ایمان ، لوړ مورال او سپیځلی هدف لری چه هغه د الله ج رضا او د مظلوم اولس له حقوقو دفاع ده نو تر دی به سپیڅلی هدف چیری وی طالبان له مرګه نه بلکه مرګ له طالبانو ډاریږی الله ج دی تر دی لا ډیر بریالیتوب، حوصله او صبر ورکړی مننه

  5. پیمان صاحب الله ج دی راته تر ډیره عمره ژوندی او ګړندی لره .
    زه طالب نه یم ، په دی معنی نه چه هغوی می نه خوښیږی ، په دی معنی چه د طالب بودن وړتیا نه لرم . په هر صورت کوم مجاهد ورور به خامخا ځواب درته ولیکی، مګر د هغوی د اسلامی ځانګړیتیا وو له مخی به مونږ هم درته د ډاد وړ څه ولیکو او هغه دا چه:
    طالبان د دی خاوری او ددی خلکو بچیان ، د دی خلکو ورونه او افغانی میرمنی یی میندی او خویندی دی د هغوی د سینو سبیڅلی او رشتونی شدی یی چښلی د خپلو سرونو او اولادونو په قربانیو د دی خاوری ، ددی خلکو او د دی تور سرو د دفاع او الهی نطام د ټینګښت او بقا د پاره شبه او ورځ په سنګر او سرو وینو کی لمبیږی ، هغوی کله هم بیګناه خلک نه وژنی مګر هغه چه د احتیاط سره تری څوک خطا کی ووژل شی په هغوی هم دوی تر اخری کچی خوابدی کیږی او ځانونه ملامت ګڼی مګر یوه قطره وینه هم په قصدی نه تویوی .
    هغوی د هغوی په مقابل کی چه دوی وژنی او د کفارو په خدمت کی دی هم تر دی کچی احتیاط کار اخلی چه ډیر خله د دوی دمرګ سبب کیږی . سعدی صاحب وایی [ دوستان را کچا کنی محروم تو که با دشمنان نظر دارید ] د هغه هدف له الله ج له عامه مهربانیو ( رحمانیت ) څخه دی مګر دا بیت هر مهربانه سړی ، ګروپ یا ټولو مسلمانانو ته هم منصوبیدلی شی. یعنی طالبان چه د دشمنانو ( هغوی چه د دوی سره په پوستو کی مخامخ جنګیږی ) سره له احتیاطه کار اخلی اونۍ او میاشتی یی دمحاصرو لاندی نیولی تر څو مجبوره شی او له جنګ غیره تسلیم شی که نه دوی کولای شی د هماغه محاصری وخت کی ورباندی بریدونه وکړی او ټول فیصله کړی دا کار نه کوی .
    طالبانو ته هغه ټول عسکر او پولیس خپل ورونه ښکاری . چه اشغالګرو لمړی هغوی غریب او بیسوادی کی ساتلی او بیا یی د هماغه لوږی او ناپوهۍ څخه په استفاده د خپلو ورونو د وژلو او یا ځان وژلو د باره کاروی طالبان پوهیږی چه که هغوی پوهیدلی د هماغه اشغالګرو په ضد به یی د هغوی مرمی سمی کړی وی ځینی چه یی پوه شی همدا کار کوی .
    هغوی حتی هغه کفار نه وژنی چه د دوی سره په جنګ کی نه دی او یا استخباراتی دندی نه تر سره کوی نو هغه مسلمانان به څرنګه ووژنی چه دوی سره نه په جنګ کی او نه جاسوسی کوی او نه د دوی پسی ګډی وډی وایی چه عامه ذهنیت خراب کړی . دغه دری دلایل د هغوی د مرګ سبب کیدی شی عادی خلکو ته طالبان څه نه وایی حتی هغه عسکر ، اربکیان او پولیس چه ورته تسلیم شی ژمنه تری اخلی او تر کوره یی رسوی د لیاری خرڅ هم دوی ورکوی هماغه د سعدی صاحب بیت بیا تکراروم ( دوستان را کچا کنی محروم تو که با دشمنان نظر دارید ] مننه

  6. ښاغلی اجمل له تاسو مننه کوم، خو دا مو ونه ویل هغه بیګناه خلک چې په قره باغ کې د شخصي دښمنیو ښکار کیږي او هغه هم په طالبانو چپه کوي ولې په دې هکله طالبان غبرګون نه ښه يي، او زمونږ کلکله غوښتنه دا ده چې اردو پولیس امنیت او طالبان ټول د یو بل ورونه دي یو بل ته لاس ورکړئ د کپارو، صلیبیانو او هغوی وحشیانو په وړاندې یو بل سره ودریږئ څوک چې زمونږ د مسلمانانو ورونو وژلو په نیت دلته راغلي دي خو زه دې مخالف یم چې افغانان دې یو بل وولي، نه نه نه مونږ ټول د یو بل ورونه یوو. زمونږ خویندې میندې او ورونه د یو بل په وژنه ځوریږي راځئ د د یلغلګرو په وړاندې یو بل ته لاس ورکړو.
    زه هیله مند یم چې زما پیغام په تاسو بد ونه لږیږي زه په دولت کې دنده نه ترسره کوم ورور.
    مننه

  7. پیمان صاحب ، بیا هم درته نیکی هیلی وړاندی کوم !
    څومره چه یو بل ته څه لیکو ، که ځان خپله قانع نه کړو هم ستونزمنه ده چه مونږ یو بل ته دلایل لیکو نه خلاصیږی زه به لنډ څو ټکی درته ولیکم، او تاسی خپل غوږونه او سترګی هم وازی پریږدی او خپل فکر په مغزو او ذکر په زړونو کی وزیږوی انشالله حالات به درته ټول یا ډیر په ډاګه شی :
    زمونږ هیواد برون د روسانو او نن د اروپایانو او امریکایانو له خوا اشغال دی دا خو منلی حقیقت دی .
    هماغه اشغلکرو مونږ ته غلامه، فاسد، ناوړه او شړیدلی اداره جوړه کړی د اشغالګرو د باره پلورل شوی ، خاوره ، خلک او خپلواکی یی پری پلورلی ده .
    هماغه اشغالګرو لمړی خلک د فقر او بیسوادی له کچی ښکته کړی او بیا یی د اسلامی او ملی هغه مقاومت د وزلو د پاره عسکر ، پولیس ، استخباراتی او داسی نوری قواوی جوړی کړی چه د خاوری ، خلکو او خپلواکی د دفاع د پاره به ځانو او اولادو قربانی ورکوی . دغه عسکر د پاکستان ، ایران چین روس انګریزانو او امریکاایانو په مقابل کی د دفاع د پاره نه دی چوړ شوی مګر پرون روسانو او نن امریکایانو زمونږ د مقاومت او زمونږ د عام خلکو دوژنی د پاره استخدام کړی ، روزلی ، معاس ورکوی مرمی او ټوپک ورکوی چه خپل خلګ ووژنی او اشغلګر وزغورل شی .

    پیمان صاحب ! فره باع شخصی دشمنیو کی طالبان څه وکړی ، که د هغوی کنترول وی ، حتی د حکومت دکنترول لاندی خلک طالبانو ته مراجعه وکړی هغوی یی ستونزی د اسلامی نظام او شریعت له مخی حل او فصل کوی ، طالبان محدودی رسنی لری او هغه هم ورته یهودان او صلیبان او د هغوی نوکران وخت ناوخت بندوی ، هغو ته هم ډیر افغانان له ویری یا عناد له مخی سر نه ښکاره کوی ، تر خپلی وسی دخلکو ستونزی او یا هغه څه چه په دوی په ناحقه تور لګول شوی هغه یی تل رد او غندلی .
    هغه اردو ، هغه پولیس او امنیت د طالبانو ورونه دی چه د خپلو ټوپکو شپیلی د طالبانو په ځای اشغالګرو ته واړوی او یا لږ تر لږه طالبان نه وژنی د هغوی کار د طالبانو وژل دی نو هغه چه ولس یا د ولس او د دی خاوری مدافعین وزنی هغه څرنګه د طالبانو وروزنه دی هغوی د امریکایانو او اروپایانو ورونه او د افغانانو دشمنان دی .
    زه هم د دی مخالف یم چه افغانان دی یو بل ووژنی ، طالبانو کله هم په اروبایانو او امریکایانو یرغل نه وو کړی افغانانو کله هم په روسانو یرغل نه وو کړی هغوی زمونږ په حریم یرغل کړی او مونږ یی اشغال کړی ، که تاسی دا ستونزه د خبرو او روغی چوړی له لیاری حل کولی شی مهربانی وکړی ، خپلواکی ورکول کیږی نه ، اخستل کیږی
    افغانستان زمونږ لوی ټاټوبی دی ، ستا او یا زمونږ به واړه ټاټوبی ، کفار هم پریږده کوم تش په نامه وحشی مسلمانان حتی د بل کلی افغانان تیری وکړی ستا کور اشغال ، ستا یا زما میرمین بی عفته ، څه بچی یی زمونږ تمویل او تجهیز کړی او زمونږ دهغو بچیانو او ورونو د وژلو د پاره یی کاروی چه له ډی واړه ټاټوبی دفاع کوی چه اشغلګر وباسی ، نو دغه صورت کی باید څه وشی؟

تبصره وکړه

ستاسو ایمیل ادرس به هیڅ کله نشر نه شي.