شعـــــرونه

غزل/ جانان خدرخېل

جانان خدرخېل

چانه د ستړي ستړي ژوند کیسه نیمګړې پاتې
له چانه بیا د سپین مړوند کیسه نیمګړې پاتې

هغه چې لُوړه یې پرې کړې وه، هغه وهلی
ځکه پاچا نه د سوګند کیسه نیمګړې پاتې

د سپینو زاڼو کتارونه په دې لار نۀ راځي
او له کوچیانو د اېلبند کیسه نیمګړې پاتې

د بارودي لوګیو زهرو ځنګلونه وچ کړل
له ماشومتوبه هم د خوند کیسه نیمګړې پاتې

په داسې ځوږ کې د مشرانو کیسې څنګه واورو؟!
اې! لږ خو غلي شئ د پند کیسه نیمګړې پاتې

په ننګ او جنګ دې پوهوي لالیه! صبر وکړه
لا د ملالې د ‹‹میوند›› کیسه نیمګړې پاتې

چې پښتانۀ په منځ نیم شوي دي له هغه وخته
د بخـــــــارا او ثمـــرقنـــــد کیسه نیمګړې پاتې

اوس “خدرخېل” لېونی خپل څیرې ګرېوان ته ژاړي
ستا د پړوني د پیوند کیسه نیمګړې پاتې
ـــــــــــــــــــــــــــــ
جانان خدرخېل
۱۳۹۶/۶/۲۲

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
ajmal

ستاسو فعالیتونه او مطالب دیر په زره پوری دی

Back to top button
1
0
Would love your thoughts, please comment.x
()
x