افغانستان

تخار: د وسلو د غلا په تور څلور پوليس نيول شوي

نن ټکی اسیا (شنبه، ۲۵ وږي، ۱۳۹۶): د تخار چارواکي وايي، چې د کلفګان ولسوالۍ د امنيې قومندانۍ د وسلو له ډيپو څخه د غلا په تور يې څلور پوليس نيولي دي.

د دغه ولايت د امنيې قومندانۍ وياند سمونيار عبدالخليل اسير رسنيو ته ويلي، چې د يادې ولسوالۍ له امنيې قومندانۍ څخه درې ميله کلاشينکوفونه، يو ميل راکټ او يوه پيکا غلا شوي دي.

نوموړی زياتوي، چې يادې پېښې سره د تړاو لرلو په تور د امنيې قومندانۍ د بلوک قوماندان او هغه درې پوليس چې د وسلو د غلا کېدلو په شپه يې د پهره دارۍ نوبت و نيول شوي دي.

د کلفګان ولسوالۍ امنيه قوماندان عبدالستار وايي، چې د يادو وسلو سربيره د امنيې قومندانۍ له ډيپو څخه په زياته اندازه نور مهمات هم غلا شوي دي.

تر دې مخکې هم داسې راپورونه ورکول شوي، چې د افغان پوځ په ليکو کې پوليسو وسلې غلاکړي او وروسته يې بيا په وسله والو طالبانو پلورلي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x