د ټاکنیزو شکایتونو کمېسون د ولایتي شورا ۸۷ کاندیدان له لیسته ویستي

نن ټکی آسیا: د ټاکنیزو شکایتونو کمېسون وايي  چې د ولایتي شورا ۸۷ کاندیدان يې  له لیسته ویستي.

ددغه کمېسون وینا نادر محسني په یوه خبري ناسته کې خبریالانو ته وویل چې د ۴۰۰۰ کاندیدانو له جملې ۸۷ نور کاندیدان  له دې امله وویستل چې د پوهنې وزارت  ددوی د مکتب اسناد تصدیق نه کړل.

دده په وینا د هغو کسانو چې  فراغت اسناد يې   د پوهنې وزارت تایید کړي نه و، قناعت بخش دلایل وړاندې کړل چې د دلایلو پر بنسټ يې کاندیدا توري ومنل شوه.

د ټاکنیز شکایتو کمېسون  د ویاند په وینا ددغو ۸۷ کاندیدانو چې نومونه  يې له لیست څخه ویستل شوي، د ۵۵ تنو  د ۱۲ صنف اسناد نه درلودل، ۲۹  تنو د کاندیدیدو قانوني عمر ته نه و رسېدلي او ۳ جعلي تذکرې درلودې.

دده په وینا په دغه ۸۷ کسانو کې ۳ يې ښځې وې.