iman

مونږ څومره بختور یو!

لیکوال:  صفي الله “رائد”

مونږ وینو چې د غربي نړۍ ډیری انسانان له یوې سترې نارامۍ سره لاس او ګریوان دي.

دوی خپلو کرغېړنو کړنو او نورو نفسي خواهشاتو داسې حد ته رسولي چې‌ ان پر بل وژنه او ځان وژنه روږدي شوي. د ژوند له ښکلاګانو او رنګینیو پاتې څه چې ټول ژوند  یې نور بایللی.

خو! لله الحمد مونږ څومره بختور یو؛!  چې له دې هرڅه برخمن او د ژوند په رنګینیو کې ژوند کوو.
د ژوند په ښکلاګانو کې ډوب یو، د سپېڅلي ژوند د یو رنګين زیړ مازدیګر   وړانګو ته ناست او له خپلې سپېڅلې زندګۍ خوند اخلو.

هو! مونږ په رښتیا نیک بخته یو.

مونږ په رښــتیا بختور یو!

که څه هم مونږ ” دنړۍ مسلمانان” جسما ارام نه یو؛ ستړي یو، ستومانه یو، هر خوا سرګردانه یو خو! روحاً آرام یو، ذهنا ارام یو.

هو! مونږ څومره بختور یو!

هو! څوک چې له درد او غم نه خوند اخلي،څوک چې له درد سره لوبېږي  هغه بیا نا ارامي نه پیژني، ناهیلۍ نه لرې، ناامیدۍ نه پيژني، سرګردان به وي خو سرګراني نه پېژني،  ستړي به وي خو ستړیا نه پیژني ـ ځکه!  ددوی په زړو د نُور وړانګو دآرامۍ شغلې شیندلي. هو!  ددوی په زړو کې د سکون شمعې بلې د نارامۍ پتنګان وژني. دوی له ازله بختور دي.

که څه هم مونږه به زورېږو،  تکلفیږو، بندیانیږو او شهیدانیږو خو!  بیاهم د غربیانو په څېر نه یو؛  شُکر مؤمنان یو.

هو! مونږ دین لرو، قران لرو په یو الله ایمان لرو، په پاک نبي ایمان لرو او مونږ یې محبین یو.

مونږ ځکه مطمئن یو: چې قران مو د زړونو لپاره قرار، د ذهن په خاطر ارامونکی او د روح لپاره تسکین دی. مونږ ته ډاډ راکوي، زړو ته مو اطمنان راکوي، هو! مونږ ځکه مطمئن یو ـ

هو!  مونږ الله لرو، داسې الله چې په یادولو یې مونږ خشحالیږو، قراریږو او ډاډه کېږو ـ

(الذين آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ )

مږنږ ځکه مطمئن یو.

مږنږ ځکه بختور یو.

avatar
  ګډون وکړئ  
خبرتیا غوښتل د