افغانستان

د پاکستان پوځي مشر اشرف غني ته د ملاتړ ډاډ ورکړی

نن ټکی اسیا (یکشنبه، ۹ تله، ۱۳۹۶): نن د یکشنبې په ورځ د پاکستان د پوځ مشر جنرال قمر باجوه کابل ته راغلی وو او په ارګ کې یې د ولسمشر اشرف غني سره ملاقات وکړ.

د ارګ څخه په خپره شوې خبرپاڼه کې ویل شوي چې په دې ملاقات کې د بېلا بېلو موضوعاتو تر څنګ د سیمې دامنیت، دوه اړخیزه اړیکو، سولې او ثبات، له تروریزم سره د مبارزې، د ترانزیټ او سوداګرۍ او د افغانستان او پاکستان ترمنځ د منځ مهالو او اوږدمهالو اړیکوپه اړه بحث او خبرې وشوې.

د خبرپاڼې سره سم د پاکستان لوري ولسمشر اشرف غني ته ډاډ ورکړ او ژمنه یې ورسره کړې چې هیواد یې له «تروریزم» سره د مبارزې په برخه کې هر ډول همکارۍ ته چمتو دی.

د ارګ په خبرپاڼه کې راغلي: « دواړو لورو په ټینګار سره وویل، باید په تېر کې بند پاتې نشو او اوسنیو شرایطو ته په کتو جدي اړتیا ده چې راتلونکي ته فکر وکړو او د هوسا راتلونکي لپاره په جدي ډول کار وکړو».

باید وویل شي چې د پاکستان د پوځ مشر په داسي وخت کې افغانستان ته سفر کوي چې د سیمې په اړه امریکا خپله نوې جګړییزه ستراتیژۍ اعلان کړې او پاکستان یې د تروریزم په ملاتړ تورن کړی او همدا راز یې په افغانستان کې هندوستان ته د زیات رول خبر ورکړی چې پاکستان یې په کلکه مخالفت کړی او ویلي دي چې په هیڅ توګه نه غواړي چې هندوستان په افغانستان کې پوځي رول ولري.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x