غزل – انیس شینواری

عشقه له زوره دې لوېدلى يمه

کله چې ستا په لاره تللى يمه

عشقه ناکام وو چې مين شومه زه

ځکه زه هر چا پېژندلى يمه

عشقه ډېر خوږ يې خوند په تا کې پروت دى

عشقه خوږوالي دې وژلى يمه

عشقه ګيله مې درنه ځکه کيږي

عشقه له کاره دې ويستلى يمه

عشقه زما په خوند پوهېږې که نه؟

عشقه په خوند دې پوهېدلى يمه

عشقه که هر څو پرهېزګار يمه زه

خو يو ځل لار کې ودرېدلى يمه

عشقه جانان دې عاشق کړى په ما

عشقه جانان په زړه ويشتلى يمه

عشقه انيس رانه اوس لاس اخيستى

عشقه انيس په خداى سپارلى يمه

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د