نړۍ

خلاص شوي بندیان کاناډا ته ورسیدل

نن ټکی اسیا (شنبه، ۲۲ تله، ۱۳۹۶): د کاناډا حکومت اعلان وکړ چې په پاکستان کې د وسلوالو له منګولو څخه را خوشي شوی بندي «جوشو بویل»، د هغه ښځه او ۳ ماشومان ټورنټو ښار ته ورسیدل.

د کاناډا د بهرنیو چارو وزارت د یوې خبرپاڼې په خپرولو سره وویل: «نن مونږ د (بویل) کورنی سره یو ځای کړله».

او زیاته یې کړه چې ددوی په خلاصون کې د کاناډا حکومت په فعاله توګه په هره سطحه ونډه اخیستې او په راتلونکي کې به هم ددوی له کورنۍ سره خپلو مرستو ته ادامه ورکوي.

کاناډا تر تر رسیدو وروسته جوشو بویل پر «حقاني نیټورک» تور پوري کړ چې دوی یې په بند کې ساتلي وه.

جوشو بویل د تیري پنجشنبې په ورځ د امریکا په پوځي الوتکه کې د تګ څخه ممانعت وکړ ځکه چې په فکر یې امریکا کیدای شي دی محکمه کړي چې ولي یې د ګوانتنامو د یوه بندي (عمر خضر) د خور سره واده کړی او ددغې کورنۍ ویاندي يې کړې.

نوموړي تر یوه کال وروسته د عمر خضر خور ته طلاق ورکړی وو او بیا یې د امریکايي ښځي «کیټلان کولمان» سره واده کړی و.

دواړه مېړه او ښځه په کال ۲۰۱۲ کې د جاسوسۍ په تور په وردګ ولایت کې د طالبانو له لوري نیول شوي وه. او بیا یې په بند کې ۳ ماشومان پيدا شول.

تېره پنجشنبه د پاکستان پوځ اعلان وکړ چې د امریکايي استخباراتو په معلوماتي مرسته یې د عملیاتو وروسته پنځه سره بندیان را خوشي کړل او ډېر ژر به یی خپل هیواد ته وسپاري.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x