د عُمان د سولې غونډه ولي په هیواد کې په بمباریو او موټر بمونو استقبال شوه؟!

نن ټکی اسیا – سرلیکنه:

تیره ورځ د عُمان په پلازمینې مسقط ښار کې د سولې څلور اړخیزه په داسې حال کې جوړه شوه چې د افغانستان په داخل کې د ټرمپ د جنګي ستراتیژۍ د پلي کولو په ترڅ کې د امریکايي بمباریو او د طالبانو موټربمونو لوخړې اسمان ته پورته کیدلې.

د غونډې تر جوړیدو وړاندې امریکايي الوتکو په کونړ او ننګرهار كې ولسي وګړې د خپلو لایزري بمونو هدف وګرځول او د غونډې د جوړیدو په ورځ بیا طالبانو په غزني او پکتیا کې د دولتي ځواکونو په نښه کولو سره خونړي بریدونه تر سره کړل چې درانه ځاني او مالي تلفات یې ورسول.

ګر چې د عمان تر څلور اړخیزې وړاندې هم دا اټکل کیده چې هغه د تیرو څلور اړخیزو یو ناکام تسلسل دی چې په افغانستان کې پر روان جنګي وضعیت هیڅ اغیز نشي لرلای خو دقیقا د هغې د جوړیدو په درشل کې د ښکیلو لوریو ترمنځ د بمباریو او موټر بمونو مسابقه دا په ډاګه کړه چې دلته اصلا څوک په واقعیت کې سولې ته ژمنتیا نه لري.

د سولې په نوم په کابل ، اسلام اباد او عُمان کې د څلور اړخیزو جوړول او په افغانستان کې د بمونو له موره نیولې تر روانې خونړۍ بمبارۍ پوري دواړه امریکايي نوښتونه دي چې په جلاجلا مسارونو کې د هغوي لخوا عملي کیږي.

په همدې دواړو نوښتونو کې کوم یو چې د امریکايي مصالحو په ګټه دی په هغه کې یواځې په یوه میاشت کې ۷۵۱ بمونه غورځول کیږي چې مطلق اکثریت قربانیان یې ولسي وګړي وي.

او کوم یو چې یې د افغانانو په ګټه دی ( د سولې غونډې) هغه په کال کې یوځل او هغه هم په داسې ډول چې خپله ګډونوال یې تر جوړیدو له مخه په ناکامي محکوموي.

د سولې څلور اړخیزې ، د سولې عالي شوری او د سولې په نوم بله هره طرحه چې د امریکایانو په نوښت جوړیږي له هغه څخه په حقیقت کې د جګړې تیزولو لپاره ابزاري ګټه اخیستل کیږي همدا لامل دی چې په عمان کې د سولې څلور اړخیزه د افغانستان په داخل کې په بمونو او سرو لوخړو استقبال شوه.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
محمد حذیفه
میلمه
محمد حذیفه

د سولي په اړه خو خبری ډیری کیږی، بیلابیل نظریات یی په اړه وړاندی کیږی یو یو څه وایی اوبل بل څه خو زه غواړم چی په افغانستان کښی واقعی سولی ته درسیدو او د واقعی سولی د تامین نقشه او نسخه په لاندی ټکو کښی مختصرا واضح او ترسیم کړم د کومی ماسوا چی زما په نظر په افغانستان کښی د سولی راتګ او سولی ته رسیدل ناممکن دی 1-ټول خارجی متجاوز او یرغلګر قوتونه باید له افغانستان بی قید و شرط ووځی ۲-د خارجی ځواکونو له وتلو نه وروسته په افغانستان کښی ټولی ذیدخله خواوی باید جنګ او… نور لوستل »