افغانستان

خلیلي: له طالبانو سره بايد خبرې او داعش سره جګړه وشي

نن ټکی اسیا (جمعه، ۲۸ تله، ۱۳۹۶): د ګډ حکومت د سولې عالي شورا مشر کریم خلیلي ویلي، چې په افغانستان کې د روانو ناخوالو او جګړو د له منځه وړلو لپاره له طالبانو سره سیاسي جوړجاړی اړین دی او د داعش پر ضد يې د جګړې تېزولو غوښتنه کړې ده.

کریم خلیلي په بامیانو کې يوې ولسي غونډې ته د وینا پر مهال وویل، چې د افغانستان ټول قومونه او مذهبونه باید يو بل سره د ټکر پر ځای د ګډ کار لپاره زمينه جوړه کړي او باید له څلور لسیزو جګړو وروسته له طالبانو سره د سولې لپاره ملي اجماع رامنځته شي او روانې جګړې ته د پای ټکی کېښودل شي.

د سولې عالي شورا مشر له ګډ حکومت څخه هم وغوښتل، چې د بامیانو او مرکزي ولايتونو د خلکو غوښتنو ته احترام وکړي، د خلکو حقوق پوره کړي او له حکومت سره د خلکو واټن زیات نه کړي.

ښاغلي خلیلي د بامیانو خلک د لرغوني مدنیت لرونکي بللي او له دغو خلکو يې غوښتي، چې عقلاني او مدني چلند غوره کړي او نړيوالو ته د خپلو خلکو ښکلی انځور وړاندې کړي.

خلیلي دا هم وویل، چې د ګډ حکومت په تقسيم، چارواکو او تعامل کې ستونزې ډېرې دي، د خلکو او حکومت تر منځ واټن ورځ تر بلې زیاتېږي او حکومت بايد دغو ستونزو ته د پای ټکی کېږدي.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
ګل محمد وزيري

دپشتون ميشتو سيمو او ولايتونو نه دي لمړي جنګ ختم شي بيا دي دسړک, مکتب ,ليسي, روغتون اوکلينيکونو پلانونه طرحه او عملي شي. اوسني حکومت دپشتنو سيمو انکشاف ته هيڅ توجه نکوي .دباميانو او دايکندي ولايتونو ته سړکونه پاخه او لسهاوو نوي مکتبونه ,پوهنتونونه او روغتنونه پکي جوړ شوي دبرق اسانتياوي پکي شته اوداسي نور..خو کريم خليلي بياهم ناري وهي داپدې معني دي چه ياخو پشتانه مشران نلري يا احساس نلري او يا هم ددوي سياسي ژوند له محدو ديتونو سره مخامخ دي.حکومت دي لمړي دکابل ,کندهار سړک جوړ کړي او بيادي له هلمنده,روزګان ,غزني .کندهار,وردګو ,زابل څخه دجنګ ټغر… نور لوستل »

افغان

وزیری صاحب ، یو قوم هم مشران نه لری او که غلو او فاحشو ته تاسی مشران وایاست اشتباه ده . دغسی غلام مشران پشتانه تر ټولو ډیر او تر ټولو لوړپوړی مشران دی غنی ، کرزی ، اتمر ، ستانکزی ، نبیل او داسی نور تر ټولو لوړ پوړی فاحشی دی ، ماښام د ټولو قومو غلامان ارګ کی کبابونه او شرابونه د امریکایانو او نورو اشغالګرو سره نوش جان کړی ، میرمنی سره شریکی کړی اور مړی جوړ کړی ( یو قوم دی نوم یی نه اخلم هغوی کی د کفر وخت کی یو وحشی او احمقانه رواج… نور لوستل »

Back to top button
2
0
Would love your thoughts, please comment.x
()
x