غزل / منیب

رحمت الله منیب

ته خو نه یې ستا تصویــــر ته ژاړم ژاړم
ستــــا غمونـــو او ستا ویر ته ژاړم ژاړم

چې لېچــــو کې دي کړۍ کړۍ پرتې وې
هـــــرې برخې د ځنځیــــر ته ژاړم ژاړم

په ځولۍ کې یې پېغور د نېستي ور کړ
دغه خـــان هغه فقیـــــــــر ته ژاړم ژاړم

یاره ته ملامت نه وې خو ما ته کــــــړې
خپلې کړنې خپل ضمیــــر ته ژاړم ژاړم

له کتاب سره یې تیګه کې انځور کــــــړ
دې کمــــــــال د مصویــــر ته ژاړم ژاړم

چې پنــــا د خپل ملت کي یې بقــــا ده
دې باچــــــــا دغه وزیـــــر ته ژاړم ژاړم

چې پرون ور باندې لوی هوان را پرېوت
د دې ړنګې خوني تیــــــــر ته ژاړم ژاړم

چې له ونو یې هوسیو کـــــــډه وکــــړه
لــــوړو څوکو د پامیـــــــر ته ژاړم ژاړم

ما منیب نه یې سکــــــون د زړګي وړی
ستا خبرو ستا تقریـــــــــر ته ژاړم ژاړم

26/10/2017

د نن ټکی اسیا موبایل اپلیکیشن
avatar
  ګډون وکړئ  
خبرتیا غوښتل د