افغانستان

« ۳۰۰۴ شکایتونه مو ترلاسه کړي»

نن ټکی آسیا: د ټاکنو د شکایتونو کمېسون وايي چې د ددوی د کار د پيله تر دې مهال ۳۰۰۴ شکایتونو ترلاسه کړي چې د ولسمشریزو او ولایتي شوراګانو د نوماندانو څخه شویدي.

ددغه کمېسون د چارواکو په وینا شاوخوا ۲۲۰۰ شکایتونو د ولایتي شورا ګانو د تحصلي اسناد په اړه شوي دي.

د شکایتونو د کمېسون رئیس عبدالستار سعادت نن /شنبه د مارچ ۲۹مه/ په یوه خبري ناسته کې په کابل کې وویل چې ددغه کمېسون دنده د شکایتونو ترلاسه کول او په اړه يې جدي اقدام کول دي.

دده په وینا دوی په پوره تعهد سره شکایتونو ملاحظه کړي او د اساسي قانون مطابق يې خپل کارونه اجراء کړي.

د شکایتو کمېسون رئیس وايي چې دوی ټولې پریکړې د موثقو اسنادو پر بنسټ کړي او د ټولو اعتراضونو ځواب لري.

ددغه کمېسون د رئیس مرستیاله ریدا عظیمي ویل چې په دغه ۳۰۰۴ شکایتونو کې ۲۷۰۰ شکایتونه هیڅ د اوریدلو نه و او هیڅ ډول شواهد یې نه درلودل. د عظیمي په وینا دوی په خپل کار کې بشپړ آزاد و او د کوم ګوند او اشخاصو طرف يې نه دی اخیستی.

د عظیمي په وینا د دقیقو څېړنو وروسته د ولایتي شورا ۱۰۷ نوماندان له د نوماندۍ د لیسته لرې کړای شول. ددې په وینا ددغو د ځینو عمرونه کم وه او ځينو يې د تحصیل اسناد نه درلودل.

یاده دې وي چې د را روانې شنبې په ورځ ولسمشریزې او ولایتي شوراګانو ټاکنې ترسره کیږي .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x