د داعش او حکمتیار په اړه د استاد «مصطفی حامد» معلوماتي څرګندونې

له نن ټکی اسیا سره ځانګړې مرکه – دریمه برخه

پوښتنه : امریکایان وایی چې زمونږ موجودیت په افغانستان کې د داعش د له منځه وړلو لپاره دی ، د داعش حقیقت څه او تاسو د امریکایانو د دغې ادعاء په اړه څه نظر لرئ؟

ځواب : امریکایان هر وخت د خپلو مصنوعي دښمنانو د غټ ښودلو له پالیسۍ نه کار اخلي تر څو له هغوی سره په مقابله کې خپل سیاست عملی او په پوځ او استخباراتو باندې د لوړو مصارفو لپاره پلمه ومومي یعني د امریکايي ولس شتمنۍ د نظامي او استخباراتي کارخانو لویو پانګوالو ته ورکړي ، امریکا په دائمي توګه دروغ ویلو ته اړتیا لري او په نړۍ کې د خپلو بهرنیو جګړو او لاسوهنو د دوام او تیري کولو لپاره له مبالغې کار اخلي.

کله چې له افغانستان څخه د سره پوځ وتل بشپړ شول سمدستي د ناټو د تړون ځنې کړۍ را ووتلې او وېې ویل چې لویدېځه نړۍ له خپلو دوو مهمو دُښمنانو څخه چې هغه نازیان او کمونستان وو خلاصه شوه او اوس يې په مخکې یوازې یو دښمن پاتې دی چې هغه دښمن اسلام دی.

نو له اسلام سره د دښمنۍ پرېکړه لویدېځې نړۍ په خپله وکړه ځکه چې دوی هيڅکله پرته له یوه بهرني دښمن څخه ژوند نه شي تېرولی همدا بهرنی دښمن وي چې له یوه پلوه دوی متحد وساتي او له بل پلوه په نورو ولسونو باندې د تيري کولو لپاره ورته پلمه په لاس ورکوي.

د غربي نړۍ لپاره د پخواني شوروي په څير بل د ښمن موندل ناشونی و،او شته افراطي ډلې په هيڅ ډګر کې د شوروي له مادي امکاناتو سره د پرتله کولو وړ نه دي ، نو له لویدېځې نړۍ سره پرته له دې چې د دې ډلو د خطرناک ښودلو په اړه له دروغو او مبالغې کار واخلي بله لار نه وه .

هماغه ده چې امریکایان د داعش په شمول د متعددو په نوم اسلامي ډلو د تولیدولو په لټه کي شول او بیا یې له هغوئ څخه د خپلو ولسونو د ویرولو پروپاګنډه پیل کړه ، مګر حقیقت دا دی چې دغو ټولو افراطي ډلو د خپل ظهور له پیل څخه تر نن پورې امریکا او لویدېځې نړۍ ته دومره زیان نه دی اړولی لکه څومره چې يې هر کال د هغوي په هیوادونو کې ترافیکي پېښې ور اړوی.

بله دا چې همدغو افراطي ډلو تر اوسه پورې د اسلامي نړۍ یوه لویشت خاوره هم له دښمن څخه نه ده ازاده کړې ، مګر بر عکس د دولتونو د سقوط او پاشلو او د لسګونو ملیونه وګړو د کډوالي لامل شولې له دې امله چې په خلکو او د هغوي په شتمنیو او هیوادونو يي مستقیم تعرضونه وکړل او یا یې له هغوی نه د جګړو په وخت کې د ډال په څير ناوړه ګټه واخيسته چې په دې سره په غیر مستقیم ډول نن د اسلامي نړۍ ډیری هیوادونه په ویرانو بدل او ټول زیربنايي تأسیسات یې له بیخه تخریب شول.

په پای کې دغه ډلې په خپله د مسلمانانو لپاره خطر دي ، او د دوی ټولې کړني قصدا او یا جهلا د اسلام د دښمنانو او بهرني یرغلګو او کورني مستبدینو په ګټه تماميږي.

د دغو ډلو په جمله کې ېې ډیری د امریکایانو په لاس او ځینې یې خود سره هم پیداشوي .

د همدې خود سره ډلو له جملې څخه القاعده تنظیم هم دی چې د هغه د مؤسس اسامه بن لادن په ژوند کې د هغه د مؤثریت له کبله کنټرول مګر د هغه په وژل کیدو سره اوس القاعده هم په عملي توګه پرته له یو څو تیت پرکو پخوانیو غړیو څخه نوره شیندل شوې او غړی یې هم ورځ په ورځ د کمیدو په حال کې دي چې په طبیعې لحاظ یې ځای نورې افراطي او وحشي ډلې لکه داعش نیسي.

داعش بیا د امریکا د لاس هغه آله ده چې ځیني خلیجي هیوادونه یې تمویل کوی او څه چې یې تر اوسه تر لاسه کړي هغه هم د امریکایانو د پراخو وسلو او معلوماتي مرستو او حتی هوایي بریدونو په مرسته دي ، کله کله بیا لکه په سوریه کې د اسرائیلو کومکونه هم ورته رسیږي.

امریکايي او اسرائیلي اقتصادونه دواړه د اسلامي تروریزم لوی او خطرناک ښودلو ته ډېره سخته اړتیا لري ځکه چې د تروریزم سره د جګړې په پلمه دواړه ملکونه امنیتي وسائلو او صنعت ته وده ورکوي او د خپلي اقتصادي ودې لپاره یې جګړه مهمه سرچېنه بلل کېږي.

همدغه ( اسلامي تروریزم ) سره د جګړې له برکته متحده ایالاتو او ناټو د خپلو شرکتونو لپاره د بازارموندلو لپاره د جګړو اورونه بل کړل ، او د همدې لپاره داخلي جنجالونو ( د عربو پسرلي ) او نظامي کودتاوو ( مصر د مثال په ډول ) ته لارې پرانيستل شوي ، د ا ټول د دې لپاره چې وحشي او له کنټروله وتلي فیوډالیزم ( نوی ليبرالیزم ) د انسانانو په غاړو لاسونه راتاو کړي او پرته له کوم شریک څخه په یوازې توګه د نړۍ پر شتمنیو خېټه واچوي ، نو د دې ټولو لپاره د داعش په څیر افراطی ډلو ته د امریکا او غربي نړۍ اونوي نړیوال اقتصاد اشد ضرورت دی.

له همدې امله هغه ولسونه چې د امریکا او اسرائیلو او فیوډالیزم له وحشي اسارت څخه د خلاصيدلو هڅې کوي په هغوی لازم دی چې د دغو ډلو په مقابل کې ودريږي ځکه چې دوی د استعمار آلې دي ، او دا ډلې ټپلې چې په هر ځای کې راوتلې هلته د استعماري قوتونه په لاس کې یوه حربه دي هغه که په سوریه کې دي که په عراق کې دي او که په افغانستان کې.

مونږ وینو چې د همدې داعش د ځپلو په پلمه امریکايي پوځونه افغانستان او عراق ته وروسته له هغې چې په جزئي توګه ورڅخه وتلي وو بېرته راوګرځیدل او په همدې پلمه سوريې ته راغلل او هلته يې د ځان لپاره نظامي اډې جوړې کړي.

= په همدې پلمه خائنو عربانو له اسرائیلو سره نظامي ، امنیتي او د اقتصادي همکاریو تړونونه وکړل ، بلکې په همدې پلمه يې په اتیوپیا کې د النهضه ډیم جوړ کړ او د مصر ُسني ولس چې د عربو ۹۰ ٪ وګړي تشکیلوی د نیل له اوبو څخه محروم کړ چې د مصر هیواد لپاره له زرهاوو کلونو نه را پدېخوا حیاتي ارزښت لري.

د ( اسلامی تروریزم ) پلمې له متحده ایالاتو څخه د دښمن په ځای دوست او نجات ورکوونکې جوړ کړ او اسرائیلو د اسلامي تروریزم او د فلسطیني مقاومت په مقابل کې د معتدلو سُنیانو( متحده عرب امارات، سعودي او نور خلیجي هیوادونو) سره د خپل ملاتړ او همکارې اعلان وکړ.

همدغه اسلامی تروریزم یرغلګروته دا پلمه په لاس ورکړه ترڅو د استعمار په مقابل کې بوخت مجاهدین له نورو ترهګرو او داعشیانو سره د تلې په یوه پله کې واچوی ، او طالبان ، حماس او حزب الله یې له داعش سره یو شانته وبلل .

دا ټول د دې لپاره تر څو وکولی شي غافل ولسونه وغولوی او د طالبانو اونورو مقاومتي ډلو په مخ کې خنډونه جوړ کړي تر څو د نړي له نورو ولسونو او حتی اسلامي ولسونو سره اړیکې ونشی نیولی .

د داعش له منځه وړل د افغانستان د ولس او د ګاونډیو هېوادونو لپاره یو استراتیژيک مصلحت دی ځکه چې داعش د ملکونو د ړنګولو لپاره هغه کولنګ دی چې متحده ایالاتو او اسرائیلو په لاس کې نیولی او ځیني شتمن عربي هېوادونه يې تمویل کوي.

د طالبانو جهادي غورځنګ یواځینی ځواکمن غورځنګ دی چې د داعش د مجرمې ډلي مخنيوی کولی شي نو په کار دی چې د هغوی په مقابل کې د مخامخ جګړې تر څنګ په دریو برخو کې مقاومت وشي :

لومړۍ : په عقیدوي او فقهي برخه کې : د طالبانو غورځنګ چې حنفي مذهبه غورځنګ دی، د افغانستان د ولس رسمي مذهب هم حنفي او د نړۍ مسلمانان هم اکثریت د همدې مذهب لارویان دي.

بناء د داعش په مقابله کې تر ټولو اساسي رول د افغاني علماوو دی ځکه علماء دي چې د داعشیانو په مقابل کې افغان ولس بیداره ساتلی شي او همدا وجه ده چې هم یرغلګر امریکایان او هم داعشیان هرځای په افغانستان کې دیني مدارس او علماء په نښه کوي تر څو له دې لارې وکولی شي داعشي مفکورې ته د افغان ولس په افکارو کې لاره هواره کړي.

دوهم : د استراتیژي برخه: لکه څرنګه چې د طالبانو غورځنګ له یرغلګرو څخه د اسلامي امت د ازادولو، د خپلواکه اسلامي جهاد او شرعي نظام حاکمولو یو سمبول داعش ډله بیا د طالبانو برعکس د امت د ړنګولو لپاره د امریکايي او اسرائیلو د استراتیژۍ د پلی کولو لپاره د دوی د لاس آله ده تر څو اسلامي امت د امریکایي او صهیوني غوښتنو منلو ته مجبور کړي ، خو له نیکه مرغه چې طالبان په دې لویه جګړه کې بریالي، او د داعش له افراط څخه د منځنۍ آسیا ، هند او چين د بي ګناه مسلمانانو لپاره د سپر حیثیت لري که نه نو داعش به د افغاستان ، منځنۍ آسیا او چین له مسلمانانو سره هغه څه وکړي چې د سوریې ،عراق او لیبیا له مسلمانانو سره یې وکړل.

دریم سیاسي برخه : داعش هغه سیاستونه پلي کوي کوم چې دوی ته د خپلو تمویلوونکو او یا دوی ته د پناه او لوجستيکې کومک ورکوونکو له خوا ورکول کېږي د داعش کړنې د نړیوالو پانګوالو د مالی مصالحو د ساتلو لپاره دي چې په حقیقت کې دا د اسرائیلو او امریکا منافع دي ، مګر برعکس د طالبانو غورځنګ بیا په ازادانه توګه خپلې سیاسي موخې پر مخ وړي تر څو وکولی شي د خپل ولس خدمت وکړي او د دوی د ازادۍ او د استقلال غوښتنې پوره کړي او یو عادل آرام او با امنه نظام جوړ کړي چې له خپل ولس، ګاونډیانو او نړۍ سره ښې اړېکې ولري.

له همدي وجې باید هغه ځانګړتیاوي چې طالبان يې د داعش د وحشیانه تيري په مقابل کې لري په واضحه توګه څرګندې شي او د سېمي هېوادونه او نړۍ باید هغه لوری معلوم کړي چې دوی یې باید مرسته وکړی او له شکه پرته د سېمې ټول هېوادونه پرته له پاکستان څخه به د داعش او د دوی د امریکایي بادارانو سره په جګړه کې د طالبانو خوا نیسي.

پوښتنه : کله کله امریکایان او د دوی ائتلافیان په افغانستان کې د القاعدې د نظامي مسؤولینو د وژلو ادعاوې کوي ، ستاسو له نظره آیا رښتیا هم تر اوسه د القاعدې افراد او مشران په افغانستان کې شتون لري ؟

ځواب: د طالبانو غورځنک یوازینی لوری دی چې په افغانستان کې د القاعده تنظیم د شتون او نه شتون پخلی وکړي ، زه په دې اړه بشپړ معلومات نه لرم مګر په افغانستان کې د القاعدې د ځينو غړو شتون هغه هم په فردي شکل بعید نه ښکاري خو د تنظیم په حیث فکر نه کوم چې بیا دي القاعده دې هیواد ته راشي.
ځکه القاعده تنظیم په افغانستان کې د وخت د حاکم نظام (اسلامي امارت) له اجازې پرته داسې کړنې وکړي چې د افغان ولس لپاره د لوی سرخوږی او د افغانستان د اشغال لامل شوې ، لهذا که هغوی اوس بیا افغانستان ته راځي باید لومړی یې هغه مشران چې د دې اشتباه او بي امري مرتکب شوي د بي اطاعتي په جرم محاکمه او مجازات شي.

ځکه دا د افغان مسلمان ولس حق دی او هیڅوک ( حتی اسلامي امارت ) یې هم د بښلو حق نه لري ، لکه څرنګه چې له امریکایانو او روسانو څخه د خسارې د جبرانولو د تاوان غوښتل د افغان ولس حق دي او هیڅوک يې په خپل سر په یوازې توګه د نه غوښتلو د پرېکړې حق نه لري همدارنګه د القاعدې د مشرانو د محاکمې او بښنې حق یوازې له افغان ولس سره خوندي دی.

پوښتنه : تاسو په افغانستان کې د پخوانیو تنظیمي ډلو راتلونکي دور ته په کوم نظر ګوری ؟

ځواب : د روسانو په مقابل کې د تنظیمي ډلو رول منفي او د افغان ولس او ټولو مسلمانانو لپاره چې د جهاد په ملاتړ يې مټې رابډ وهلې وې غولونکی وو.

که د پخوانیو تنظیمي ډلو عمل کرد ته لیږ په غور وکتل شي نو د هغوي کړه وړه او جهاد د اسلام د حاکمیت لپاره نه ، بلکې د تنظیمي اغراضو او امریکايي مصالحو د تحقق لپاره و.

له همدې امله ده چې موږ ویلی شو د همدي تنظیمي ډلو ( حزب اسلامي، جمعیت اسلامي، اتحاد اسلامي ، محاذ ملي ، نجات ملي او …) اوسنی موقف چې د امریکایانو په څنګ کې ولاړ دي له پخواني موقف سره هيڅ توپیر نه لري ، بلکي د هماغې سلسلي طبیعي غځونه ده ، کوم توپیر چې راغلی هغه دا دی چې اوس د دوی اصلي ماهیت افغانانو ته څرګند شو چې په افغانستان او نړۍ کې یې مسلمانان له ژور خفګان او حیرانتیا سره مخامخ کړل.

زما په اند د دې لامل دا دی چې مسلمانان په هغه وخت کې په حقیقت ویلو او له خطر سره د مقابلي لپاره په صراحت او ښکاره ویلو باندې روږدي نه او فکر یې لنډ مهاله و.

په جهادي رهبرانو کې د مولوي محمد یونس خالص او مولوي نصرالله منصور په څیر او همداراز له اسلامي نړۍ نه ځیني راغلي علمي شخصیتونو د هغه وخت د تنظیمي ډلو د رهبرانو اصلی هویت درک کړی او پیژندلی و ، خو هغوی د مسلمانانو په صف کې د اختلافاتو او فتنې راپیدا کیدو له ویري د همدې تنظیمي ټګمارانو افشاء کول نه غوښتل.

خو کاشکی دا ټګماران هغه مهال افشاء او ملت ته یې اصلي څیره ورپیژندل شوې وای که چېرته جهادي علماو او عام مسلمانان د دې مشکل د مخنيوي لپاره د اتیایمې لسېږې له پیل څخه لاس په کار شوي وای د هغو فتنو او مسلسلو کورنیو جګړو مخنيوی به چې د مجددي او رباني د حکومتونو او بیا د طالبانو د اصلاحي غورځنک په مقابل کې وشوي او لا تر اوسه دوام لري په هماغه وخت کې مخنیوی شوی و.

د یادو تنظیمونو مشرانو تر خپل منځي جګړو او افغان وژنې وروسته هم د امریکايي اشغال په مهال د یرغلګرو تر سیوري لاندې خپلو دندو ته په سیاسي ، امنيتي او نظامي برخو کې دوام ورکړ ، حتی خبره دومره رسوایۍ ته ورسیده چې له ځینو څخه یې د افغانستان د اشغال په مهال امریکایانو د پیاده ځواکونو کارواخیست او ځیني یې اوس افغان ولس ته د یرغلګرو په مقابل کې د وسلې ښودلو او هغوي ته د تسلیمي توصیې په داسي حال کې کوي چې خپله یرغلګر په افغانستان کې د خپلې ماتې نارې وهي.

پوښتنه : د ګلبدین حکمتیار په مشرۍ اسلامي حزب د هیواد د تر ټولو غښتلې تنظیمې ډلې په توګه له ګډ حکومت سره پخلا شوې ایا دا کار د اشرف غني لپاره بریا او د طالبانو لپاره ناکامي نه بلل کېږي ؟

ځواب: نه ؛ بلکل نه !

ځکه د حکمتیار په مشري اسلامي حزب نه د شوروي یرغل په مهال لويه او ځواکمنه ډله وه او نه اوس پرڅو ټوټو تر ویشل کیدو وروسته.

هغه مهال چې په امریکايي مطبوعاتو کې یادې ډلې ته د هغې د ځواکمن ښودلو په غرض کمپاین کیده هغه د امریکایانو د ځانګړيو مصالحو او اغراضو له مخې و نه دا چې واقعا هم یادې ډلې په هماغه اندازه نظامي مؤثریت درلود.

که دا خبره نه وي ولي د امریکا پوځي ، لوجیستیکي او مالي مرسته تر ټولوزیاته برخه یادې ډلې ته ورکیده؟

ولي له امریکا سره د ګلبدین د ظاهري نفرت سره سره نوموړی د امریکا د نازولې ماشوم په حیث د پاکستان د ټولو چارواکو لخوا ( د بوټو له حکومت نه نېولې بیا تر ضیاء الحق او بینظیر بوټو تر حکومت پورې) د کور د مستعمل سامان په حیث د یوه لاس نه بل لاس ته سپارل کېده ؟

د امریکايي او پاکستاني چارواکو له خاص نوازش سره سره د حزب د هیواد په داخل کې چیرته فتوحات ترلاسه کړي ؟

د حکمتیار حزب د شوروي اشغال په مهال او دشورویانو تر وتلو وروسته پرته له کورنیو جګړو او د نوروتنظیمي ډلو په مقابل کې له جګړې پرته نورې هیڅ لاسته راوړنې نه دې لرلې.

داخلي جګړې، د قومونو ترمنځ د فتنو ایجادول ، له کمونستو جنرالانو سره ایتلافونه کول او بالاخره د کابل په خپل منځي جګړې کې د ۶۰۰۰۰ کابلیانو وژنه او کابل ښار په کنډواله بدلول د ګلبدین د حزب مهمې لاسته راوړنې دي.

اوس مهال افغانستان ته د حکمتیار راتلل د یرغلګرو د پښو د ټینګولو لپاره د پاکستاني حکومت هغه مرسته ده چې په افغانستان کې یې د اشغال د دوام او د خپل نفوذ ساتلو په خاطر ورسره کړي.

په کابل کې د حکمتیار له نوې دندې څخه جوتیږي چې دی لکه د پخوا په شان اوس هم د قومونو ترمنځ د فتنو را ویښولو، د واک پر سر د شخړو جوړولو او د خپل منځي جګړې پیلولو لپاره توظیف شوی دی ځکه چې نوموړي د اسلامي نهضت له پیل څخه تر اوسه پورې همدغه پروژې پر مخ وړې ، او یوازې د یوه اجرتي قاتل په توګه یې خپله دنده په پوره اخلاص تر سره کړې.

د روسانو په مقابل کې چې کوم جهادي قومندانان ده ترور کړي تعداد یې له حسابه وتلی او اوس د داعش په مرسته د طالبانو په مقابل کې هم همدغه رول ورسپارل شوی.

حکمتیار د آی ایس آی ترلاس لاندي هغه اجرتي ایجنټ دی چې د پاکستان د نفوذ لپاره د کابل په رژیم کې ورننه ایستل شوی ، چې دا کار د رژیم د بدنامي باعث او د طالبانو په ګټه دی .

پوښتنه : تاسو د پخوانیو جهادي مشرانو لکه استاد سیاف ، استاد رباني او نورو رهبرانو سره نږدې پاتي شوي یاست ، تاسو له اوسني حکومت څخه چې د یرغلګرو تر سیوري لاندې جوړ شوی د دوي ملاتړ ته په کومه سترګه ګوری ؟

ځواب: سیاف ، حکمتیار او له هغوی نه مخکې ربانی د خپلو ورکړل شویو دندو په اجراء کولو کې ډېر مخلص دي ، او هغه دنده د امریکايي مصالحو لپاره فعالیت کول دي چې تر اوسه پورې یې هغه ښه په اخلاص پر مخ وړی.

خو لکه څرنګه چې امریکایان له ویټنام څخه وتښتيدل او خپل غلامان يې په پلازمینه سیګون کې د خپل سفارت پر بام یوازي پریښودل او هیڅ اهمیت یې ورنه کړ همداسي به امریکایان هم له افغانستان څخه تښتي او خپل غلامان به د سړکونو په منځ کې یوازې پريږدي چې هغه وخت به بیا د دوی د تقدیرولو لپاره لکه د ډاکټر نجیب په څیریواځې د برق ستنې په انتظار وي.

تبصرې (19)

  • د حکمتیار لاسته راوړنې !
    داخلي جګړې، د فتنو ایجادول ، له کمونستو جنرالانو سره ایتلافونه کول ،د کابل په خپل منځي جګړې کې د ۶۰۰۰۰ کابلیانو وژنه ، کابل ښار په کنډواله بدلول او بالاخره د امریکایانو په لاس جوړ شوی حکومت ته تسلیمدل د ګلبدین د حزب مهمې لاسته راوړنې دي.

    • شیخ القران والحدیث,حافظ القران, انجینر,ستر لیکوال, سیاسی اوجهادی محبوب رهبر, کارنامی, مبارزی او سرښندنی دستایلودی اوستاسی په څیر دڅو دین اووطن پلورونکو, غاصبینواوټوپک سالارانوپه خوله یی حیثیت نشی زیانمنیدای. ښه به داوی چی ګذشته راصلوات شعار وګرځوو اوداینده په هکله عاقلانه فکروکړو.
      اودداسی لوړوشخصیتونوپه هکله بیا له منفی لیکنوځان وژغورو ,بلامبالغه نیم افغانستان دمحترم حکمتیار صاحب دګوند متعاهدین دی. ستاسی په پوچو تبلیغاتو هیڅ څوک نه غولیږی.

      • هههههه
        شرم درته په کار ده ښاغلی دوکتوووور صاحب. لمر په دوه ګوتو نه پټیږی! اعتراض واضح ده. فتوحات وښیه؟ ولی له جمعیت نه بیل سه او حزب یې تاسیس کړ؟ چا د بوټو د تجهیز او حمایې لاندی د دواود خان په ضد د جهاد فتوا ورکړیوه؟ تنظیمې جګړې چا کولې او ولې یې کولې؟ افغان کدرونه یې په داخل او پاکستان کې ولی وزل؟ د چا په قومانده؟ نفوذ او اثر یې: قطب الدین څو رایې وړې وې؟ اګر که حزبیانو سره بحث د وخت ضیاع ده. خو بیا هم الله تعالی هدایت کونکی ده!

  • حکمتیار د افغانستان د اسلامي انقلاب هغه وتلې او جهادي څهیره ده چې د نا معلومو مصطفی خیلو په دا ډول تبلیغاتي لیکنو یې حثیثت نور هم لوړیږي.
    نن آسیا خو ښکاره ویب سایټ دی چې د ګران مشر حکمتیار په څیر جهادي رهبرانو پوری تبلیغات کوي ، له هغوی سره مرکه کوونکي هم دغسی خلګ دي.
    د حکمتیار صیب په جهاد خو د افغانستان ونې او غرونه هم شاهدي وايي

  • د لیکوالانو مسؤلیت
    څه نادر حقائق یې ویلي ، ریښتیاهم چې همدا سرایله تش په نوم جهادي ډلې ، داعش او امثالهم هغه څوک دي چې د اسلام په بدنامي کې یې تر بل هر دښمن مهم رول لوبولی، ټول جهادي لیکوالان مسؤلیت لري چې دا ډلي او د حکمتیار، سیاف او تش په نوم جهادي څیري په خپله اصلي بڼه کې خلګو ته ور وپیژني ، ځکه اوس لا هم داسې ساده کسان شته چې د دغو ګڼکپانو په مجاهدتوب غولیدلي.

  • دانسان آخري خاتمہ چی څنګہ وی ھغہ دانسان دباطن او اصل څرګندونہ دہ کہ دیہودیت نصرانیت پہ غیږ ساہ ورکړ‎ی نوړ‎اندہ خو نہ یوچی ھغہ تہ مومن مسلمان ‎وایو نہ انصاف دی

  • لمړی د نن ټکی رښتونی ملی او اسلامی ایښونکی پاڼی چلوونکو ورونو څخه مننه او ستاینه یی کوم ، دعا ورته کوم چه تر دی لا ډیر بریاوی، ویاړنی او مثبتی کړنی دی الله ج ورپه پرخه کړی ، یواځنی خپلواکه پاڼه ده ، چه د تاریخ په ډیرو حساسو شیبو کی یی مظلوم اولس او مظلوم بشریت ته حقایق تل په ډاګه کړی او په ډاګه کوی . په ځانګړه دغه چه دداسی اسلام او سیاست پوهه مشرانو سره وخت په وخت مرکی کوی الله ج دی اجرونه ورکړی .
    دوهم : د مصطفی حامد عالم او مبارز ورور څخه مننه او ستاینه یی کوو او د ده په عملی علمی څیړنو ، پلټنو ارزونو نه یواځی ویاړنه بلکه د حیرانتیا وړ داسی معلومات یی وړاندی کړی ته به وایی چه دی له سره د اسلامی خوځښتو په څنګ یا راست کی قرار درلود حتی په راست کی زمونږ په شمول ډیر شتون لری مګر هغه استعداد چه د څیړنو ، معلومات راټولولو او ارزونو په اړه دی لری څوک یی نه لری او یا کم داسی خلک به په دی پیمانه ښه معلومات او ارزونی ولری، زما د زړه ژور معلومات پکی نغشتی دی، زړه می وو ځینی ټکی زه هم ورسره زیات کړم که یی په دی تبصره کی لیکم تبصره اوږدیږی بله ځانګړی تبصره کی به یی ولیکم مننه

  • د دروند ورور (( استاذ مصطفی حامد )) د لیکنی په اړه :
    لمړی: د سوړ جنګ په اړه :
    افندی، مجددی، حکمتیار، ربانی، سیاف او داسی نورو پلورل شوو غلامانو چه د نفس مقابل جهاد یعنی ډالرو په مقابل کی دماتو سره مخ شول د امریکایانو او اروپایانو سره یی د سوړ جنګ ( هغه جنګ چه افغانان پکی استخدام شوی وو ) په نامه د غلامی تړون لاسلیک کړو . دروند استاذ په ده اړه معلومات نه دی ورکړی یا تری پوښتنه نه ده شوی که په دی اړه تری پوښتنه وشی بده به نه وی.
    دوهم : د حکمتیار په اړه :
    د حکمتیار له باګرامه تر دارلامان راتلو په اړه چه تر دی دمخه یی څه دنده لرله او تر دی وروسته به څه عمده دنده ولری حامد صاحب فکر کوم څیړنی مکملی شوی نه دی یا یی شواهد تر لاسه کړی نه دی چه غوْڅه پریکړه یی په اړه ویلی وی دغه ډیره مهمه برخه تر پردو لاندی پټه پاتی ده که په اړه تری پوښتنه وشی بده به نه وی .
    دریم: د القاعدی خوځښت په اړه:
    دا سمه ده چه امریکا او ناتو د القاعدی خوځښت بهانه او پلمه ونیوله چه په امریکا یی یرغل کړی او د غچ اخستنی په پلمه یی په افغانستان یرغل وکړو او دا هیواد یی اشغال کړو . په عراق یی ولی یرغل وکړو هلته خو اسامه نه وو . یا له هغه وروسته یی په لیبیا او سوریه یرغل وکړو هلته خو اسامه نه وو ، یا اوس ایران او سعودی په جنګوی کله یوه ته دوست او بل ته دشمن او کله دا سرچپه کوی هلته خو القاعده نشته، مصر کی یی اخوانیان د وهابیانو په واسطه لیری کړل هلته خو القاعده نه وه.
    زما هدف له پورتنو جملو دا وو چه القاعده که نه وی بیا به یی بله او بله پلمه جوړوله آو القاعده کله د سپټمبر په فاچعه کی لاس یا پښی درلودلی هغه خو امریکایان خبله وایی چه د یهودانو او صلیبیانو داخلی فاجعه وه، زه د القاعدی ملاتړی نه یم مګر په دی اړه چه القاعدی دی هغه فاجعه رامنځته کړی وی توافق نه لرم او نه د دی خبری سره توافق لرم چه القاعده د اسلامی امارت د رانسکورولو سبب شوه. اسلامی نظام د اسلامی امارت د رانسکورولو سبب شوی په دی اړه د استاذ پاملرنه یا رڼایی غواړم .
    په دی اړه زه هم څه معلومات لرم مګر غواړم د استاذ معلومات لمړی ترلاسه کړم کیدی شی هغه هم راسره توافق ولری مننه

  • بيانزي صاحب
    السلام عليكم ورحمة الله
    الله د روغ لره
    که حه هم امریکا د القاعدې به نه شتون کې هم پر افغانستان د حملي کولو تابیا نیولې وه او دا کار کیدونکی وو خو القاعدې ډلې دوی ته د حملی کولو قانونی مجوز ورکړو چې د نړی ټول ملکونو ورسره همکاری وکړه
    مصظفی حامد وایی چې ما اسامه ته وویل چې امریکا به حمله کوي خو ته دا بهانه په لاس مه ورکوه ا) او کله چې پرته له کوم بهانې راشي نو هغه خواخوږي چې د امریکایانو سره د حملی په وخت پیدا شوه نو هغه خواخوږي به نه وه ورسره

  • د حکمتیار د شخصیت په اړه بحث کول د وخت له ضیاع پرته هیڅ ګټه نه لري
    د ده په اړه د استاد حامد تبصره بلکل پر حقیقت ولاړه چې وايي :
    د حکمتیار ننۍ کړنې د ده د پروني کردار تسلسل دی.
    نوموړی پرون د مجاهد په رول کې استخدامیده او نن په ښکاره ډول د صلیبي غوبل ځغ ور پغاړه شوی.
    تر اوسه چې یې هرڅه کړي هغه یې په ارادي ‌ډول د خپلې مفکورې محصول نه ؛بلکي هغه هرڅه د ده داجنبي بادارانو غوښتنې ورڅخه چې ده هره یوه غوښتنه د خپل دین ، خپل ولس او خپل هیواد په ضد عملي کړي.
    اوس که یې په اړه هرڅه ویل کیږي باید ساده او تیراستل شوي پلویان یې تري عبرت واخلی ....

  • فایز صاحب ، وعلیکم السلام !
    ډیره مننه چه زما له دری پوښتنو یوی پوښتنی ته مو ځواب لیکلی ، مګر زمونږ پوښتنی د نن تکی اسیا ورونو او د استاذ مصطفی حامد څخه چه مرکه یی سره لرله وی ، که تاسی د هغوی په نمایندګی زما پوښتنی ځواب کړی وی بیا خو مو یوه پوښتنه ځانله ځواب کړی د هغو دوه نورو پوښتنو به اړه ولی چوپ پاتی شوی یاست ؟
    زما مطلب دا نه دی چه زما پوښتنی دی یواځی هغوی ځواب کړی خو که استاذ ځواب کړی وی زیات او موثق معلومات به مو تر لاسه کړی وی ځکه د هغه علمی سطح او معلومات تر مونږ زنات معلومیږی.
    په هر صورت، د القاعدی په اړه چه مو مهربانی کړی ځواب مو وزن درلود مګر نیمګړی وو او هغه دا چه د روسانو په ضد جهاد کی د ټولی نړی مسلمانانو په ځانګړی ډول عربانو په ښکاره او د امریکا به خوښه ،تشویق، تمویل او تجهیز ونډه لرله هغه وخت اسامه قهرمان وو او تر طالبانو د مخه یی افغانستان کی حتی د افغان په شان بود وباش او جهادی کړنی درلودلی. د طالبانو د راتګ سره یی له هغه قهرمان ، دهشتګر او هغه هم د طالبانو اخری کلو کی او تر هغی دمخه همدغه د دهشتګری کلیمه مخکی د حکمتیار ته هم وکارول شوه.
    لکه تاسی هم لیکلی او مونږ هم چه اسامه نه وی بل او بل اسامه یی جوړولو چه زمونږ به هیواد یرغل وکړی او د یرغل د پاره د هماغه اسامه له نومه استفاده وکړی چه نوره نړی له ځانه سره ملګری کړی . نوره نړی ناپوهه نه ده چه په دی ښکاره دسیسو او فتنو نه پوهیږی مګر نړی یی مخکی له مخکی په دوه یا دری برخو ویشلی مظلوم بشریت د لوږی او ناپوهی له امله نه خبریږی او که خبره هم شی د غریبی ستونزو له امله وخت نه لری ، نوره نړی یی د زر زور او زیور په زور له خآنه سره د برچی او ډالرو په زور ملګری کړی مرغی پاڅیده ټول وایی مرغي پاڅیدله. دا اوسنی پروزه نه ده د دی د پاره څو پیړی کار شوی ، د موکراسی ، ایزمونه او سکولریزم د همدی نړیوال حکومت د تاسیسولو ( نیو ورلډ ارډر ) یا نظام نوین جهانی د پاره د یهودانو د نړیوال ګوند ( ماسونیزم ) په واسطه رامنځته شوی سی ای ای ، کاچی بی ، ام سکس ، مساد او داسی نور مشهور نړیوال استخبارات بلیک واتر ، داعش، حزبیان او جمیعتیان د هغوی ملیشی دی له خپلو حکومتو خپلواکی او د ماسونیزم د قوماندی لاندی چه یی څه خوشه وی هغه تر سره کوی .ا
    اسامه اصلا په سعودی کی وو ، امریکا ورپسی وه ، له هغه ځایه سودان ته ولاړو ، امریکا له سودانه پسی واخست جبرا افغانستان ته راغی بل ځای ورته امنیت نه وو پاتی او امریکایانو قصدا افغانستان ته راوستلو چه د یرغل د باره یی بهانه جوړه کړی حتی که طالبانو هغه ورته سپارلی هم وی هغوی یرغل کولو مګر سپارلو کی به د طالبانو اسلامی حیثیت او د الله ج هغه غیبی مرستی ورته نه وی پاتی او نه به د نړی مسلمانانو د مجاهدینو په نامه پيژندلی وی لکه اوس چه د نړیوال اسلامی نظام نماینده ګی کوی . زه باور نه لرم چه استاذ دامریکا له یرغل خبر وو او اسامه ته یی ویلی وی چه له افغانسانه ووځه ، دا خبره د سپټمبر له پیښی وروسته افشا شوه چه امریکایان یرغل کوی یعنی د سپتمبر فاجعه یی بهانه او د غج اخستلو وسیله وګڼله .
    د یو مسلمان په حیثیت ، له تاسی پوښتنه کوم ، که تاسی نن د یو ښه مسلمان په حیثیت منم چه خپله هم اسلامی کړنی تر سره کوی او د نورو مجاهدینو سره هم بی شمیره مرستی کوی امریکا دی هم تاییدوی مګر کله چه امریکا درته د دشمن خطاب وکړی زه به هم درته د امریکا په دشمنی خطاب دشمن او د دهستګر خطاب کوم ؟دغه پو ښتنی ته که ځواب ووایاست ټولی پوښتنی خوابیږی .
    طالبانو اسلامی امارت د یو خپلواک حکومت په حیثیت ورته وړاندیز وکړو ، د نورو هیوادو ډیر لوی کسان لکه دترکیی او داسی نورو هیوادو مخالفین امریکا کی پناه اخستی له هغه ځایه په هغو هیوادو بریدونه قومانده کوی ایا امریکا به حاضره شی چه هغه کسان هغو هیوادو ته وسپاری . دوهم : طالبانو ورته تجویز کړه چه په دریم هیواد یا بین المللی محکمی ته د اسامه د دهشتګری په اړه شواهد وړاندی کړی که هغو دریم ګړو قاضیانو دا ومنله چه اسامه یا د هغه ملګرو د سپټمبر په قضیه کی لاس درلود مونږ به یی خبل هیواد کی قصاص کړو تاسی ته یی ولی وسپارو دا د بین امللی قوانینو خلاف کار دی چه پناه اخستونکی کس چاته وسبارل شی بیا نو د پناه اخستلو قانون باید ټوله نړی کی لغوه شی هغوی دا ونه منله .
    هغوی له طالبانو غوښتل چه د اسلامی نظام په ځای سکولر حکومت او دیموکراتیک قانون ومنی ظاهر شاه د شاه یا مشر په حیثیت ومنی ، که یی نه منی تاسی ټول طالبان دهشتګر او اسلامی نظام مو د دهشتګری نظام او دین مو د دهشتګری دین دی .
    امرکیایان استثمارګر د مظلوم بشریت د استثمارولو د پاره د الهی نظام په ضد سکولریزم او دموکراسی زیږولی چه د عدالت په ځای ( چه د عامه سولی او عامه هوساینی تضمین کوی ) بیعدالتی ، ګډ وډی ، فساد او جنګونه رامنځته کړی اوبه خړی کړه ماهیان نیسه ، دالهی نظام سره عدالت وی نو د دوی استثمارولو سره الهی نظام به مخالف قطب کی قرار لری
    زما د ټولو خبرو څخه مطلب دا وو چه القاعده یا اسامه د امریکایانو د یرغل سبب نه دی شوی بلکه الهی نظام شتون به افغانستان کی د امریکایانو د یرغل سبب شوی ، په مصر کی کودتا د الهی نظام د مخنیوی په ځاطر وو ،د ایران او سعودی په جنګول په منځنی ختیز کی د اسلامی نظام د مخنیوی په خاطر ، دداعشیانو زیږیدل د الهی نظام د مخنیوی په خاطر ، دلوی هند ویشنه د الهی نظام د مخنیوی په خاطر او ......

    • دروند معزز استاد بیانزی صاحب

      السلام علیکم و رحمة الله و برکاته

      ستاسو دا فرموده چې وایی امریکایانو په هر حال په افغانستان باندې یرغل کولو، بیخي سمه ده، خو ددې یرغل لپاره یې له کلونو مخکې زمینه سازۍ هم کولې، او مختلفې کورنۍ او بهرنۍ مهرې پکې لږ په پوهه او ډېر نور په ناپوهۍ کې پکې ولوبول شول.

      اصل کې د القاعدې د جهاد داعیه، اعداد او ویښتابه سمه خو نړیوالتوب یې غلط او په خپله ریښه باندې د تیشې ګوزار وو.

      له بلې خوا د دوی نړیوالتوب د اعضاوو په تړاو وو نه د فعالیت په تړاو، فعالیتونه یې د خدای ج په دې پلنه ځمکه کې ډېر محدود او مختص وو، ډېرو داسې ځایونو کې یې بریدونه کول چې هلته رسیدل خورا کران وو خو بې شمېره نور داسې اهداف وو چې هدف نیول یې ډېر اسانه وو خو دوی نه لیدل، په بل عبارت د غرب له استعماري ستراتیژی سره یې موازې خو مختلف الجهت عمل کاوه. هغوی ته یې په خپل مسیر کې د وړاندې تګ بهانې جوړولې، نه دا چې منحرف او یا یې یو-ټرن ته اړ باسي.

      مونږ افغانان ګومان کوم د نړی په کچه تر ټولو خوشباوره قوم یو، خو وخت ته اړتیا ده چې د یادو تحریکونو په حقیق کما حقه پی یوسو.

      • سلامونه غوربندی صاحب مننه کوم ما هم غوښتل چی ددې استاد په لیکنه همداسی یو څه ولیکم خو تاسو سبقت واخیست په هر حال یو وار بیا مننه . وسلام

  • زما کور ته یو غریب سړی پناه راوړي، او زما په کور کې دمه کیژي، ماته وایي چې یو ډېر خطرناک دښمن راپسې دی تر څو ما نابود یا ونیسي، زه هغه ته پناه ورکوم، وحشي دښمت یې زما د کور انګړ ته راځي او وایي چې زما دښمت راوسپاره!

    زه ورته وایم چې سپارل زما په دین او کلتور کې ځایښت نه لري، خو زه به ستا دښمن ته ووایم چې که پخپله خوښه زما له کوره مخه ښه وکړي تر څو زه او ته چې دمګړی مستقیمه ستونزه نه سره لرو یو له بل سره په بلا وانه وړو.

    غریب ته مې مخ واړاوو چې ته زما میلمه یې، زه ستا څخه ستا د هغه کارکردګی پوښتنه اوس نکوم د کوم په سبب دې چې دغه وحشي دښمن زما تر انګړه راوستی دی، زه ستا څخه د خپل ژوند تر وروستۍ سلګي دفاع کوم، خو ددې تر څنګ دا چې دې وحشي دښمن ستا د کلیوالو په ګډون ټول خلک له ځانه سره را حشر کړي دي نو که پخپله خوښه او زما په رهنمایۍ زما د کور د شا له دېواله ووځی نو ان شاءالله چې تاسو به هم نجات ومومی او زه به هم ددې شریرو انسانانو له شره ژغورل شوی وم، دا خبره ځکه درته کوم چې تاسو یوه کور ته پناه راوړې چې کټ مټ ستاسو د کور په شان پکې ماشوم، میرمنې، سپینږیري اوسي.

    غریب سړی د عقیدې استاد وخوت، وېل خدای ج زمونږ سره دی، او ته چې پر ماغیرت کوې نو تر ما به بل بې غیرته او خاین په ټوله دنیا نه وي چې تابه یوازې پرېږدم.

    مال ګوره، یوه خبره دې غوږ کې ټینګه ونیسه، هغه دا چې ستا ساتنه زما د کور د ننه زما دیني او کلتوري وجیبه ده خو که داسې وشول چې خدای مکړه زه مو له خپل دښمن سره یوازې پرېښودم او تاسو دوه خپلې او دوه پردۍ تېښته (زحف) وکړ او خدای مکړه زما له حریم بهر ګاونډ کې دښمن ګیر او وپرځولې چې بیا له ما ګیله ونکړې او نه هم بیا په مخه راشې.

    مشترک وحشي دښمن مې په کور راودانګل، زما کور یې د سکن له صفته وایست، زما ماشومان یې وکړول، میرمنې او بوډاګان یې سخت وترهول، خو دا چې د عقیدې د استاد په قول چې الله له مونږ سره دی پوخ یقین وو نو دښمن ته مې د هغه د سر په کاسه کې اوبه ورکړې، ما لا دښمن پوره نه وو غافلګیر کړی چې د عقیدې استلد د شا له دیواله ټوپ وواهه، او ښکته یې وطن په مخه ورکړ، په دې وخت کې زما سره ښکېل دښمت دوه ټوټې شو، نیم له ما سره بوخت او نیم د عقیدې په غریب استاد پسې ورودانګل،

    ما د خپل کاله په انګړ دښمڼ داسې په بغارو کړی وو چې د غریب د چیغو انګازې تر ماتیرې شوې، زما غړي یې سست کړل که ګورم چې د غریب له سره یې کوپړی ایستلې وه مال شیخه زما خبره دې ونه منل، تا هغه څوک یوازې پرېښود د چا چې د خدای په نصرت باندې عملا عقیده وو، خدای دې له حورو او خرماوو او شاتو او دجاجاتو ډک ډک جنتونه درکړي، انا لله و انا الیه راجعون

    زه به خامخا له شریر دښمن څخه خپل کور ازادوم او که ستا ملګرو ستا په شان یوازې پرې نه ښودم نو ستا انتقام به هم ترې ضرور اخلم،

    ما بښلی یې خو که تاریخ له ماسره خاین وبللې نو ماته به ته بښنه کوې.

  • بلکل ماشوم ی غریب ی حلال که 10منه غورورکی موجودوه ته اوخدای تراوسه هم پدی عقیده اوباوری چی واقعا امریکاپدی جنگ کی تاوانی ده ؟
    تراوسه هم عرب دciaجاسوسان درته نه خکاری؟
    ایاتراوسه پدی نه ی پوه چی موژمخالف اوموافق دواره دلی دامریکا په خدمت کی لگیایو؟
    داتول به هغه وخت درمالوم سی چی له افغانستان سخه سوریه جوره سی

  • غوربندی صاحب سلامونه او نیکی هیلی مو ومنۍ !
    ټولی خبری که لیکی تبصری ډیری اوږدیږی زمونږ تبصری بی له هغی هم اوږدی وی لا ډیری به اوږدی شی .
    زه ستاسی د دی فرمودی یا ارزونی سره د حنګی تاکتیک له مخی توافق لرم مګر د عقیدی له مخی زه باور لرم چه تاسی به هم ورسره مخالف واوسی او هغه دا چه:
    لمړی القاعدی باید وار له واره ټوله نړی په اوږه نه وی ایښی په داسی حال کی چه مادی امکانات او د پلویانو شمیر یی کم او سیاسی قدرت یی نه درلود چه منظم جنګی قطعات او لوزیستیکی اکمالات پرله پسی یو دبل پسی ولری حتی د زخمیانو دمعالجی د پاره یی منظم روغتونونه یا داکتران او دواګانی هم نه لرلی ، تبلیغات یا میدیا یی نه یواځی نه لرله بلکه توله نړیواله میدیا یی په ضد کاریدله او د دوی ویاړنی او بریالیتوبونه هم ددوی په ناکامیو او شرمساریو بدلیدل او ..... په دی سربیره په هغو سیمو کی چه جلا ژبه او فرهنګ یی درلود دوی هغوی او هغوی دوی نه پیژندل یو د بل په ژبه نه پوهیدل د دی په ځای چه هغه حتی مکتبی او فعال مسلمانان ورسره ملتیا ولری په ضد یی کاریدل همداسی وشول .
    په هر صورت له دغه اړخه یعنی د مکان او زما د شرایطو له مخی یا داسی ووایو چه د چنګی حکمت له مخی ددوی له ټولی نړی څخه اوږی لاندی ایستل اسلامی جواز نه درلود او د دوی د ناکامیو او د مسلمانانو د ډیرو تلفاتو سبب شو او نړیوال کفر د دوی له دی حماقت څخه په لویه کچه ګټه پورته کړه او خپلو شومو اهدافو ته چه هغه د اسلامی نړی اشغال وو نزدی څه چه هر څه یی تر لاسه کړل نن صبا د مسلمانانو د بریالی مقاومت یواځنی ځای افغانستان پاتی دی او بس .
    صدر اسلام کی همداسی نه وو شوی مسلمانانو لمړی په مدینه منوره کی ځانونه متحد ، پیاوړی او منظم پلانونه او تاکتیکونه جوړ کړل چه له امله مکه فتحه او له هغه وروسته یی هری خوا پرمختګ وکړو که یی ټولی نړی ته لاس اچولی وی کیدی شو هغوی هم د القاعدی د برخه لیک سره مخ شوی وی . همدا علت دی چه زه د طالبان جهادی تاکتیک سل په سلو کی تاییدوم او د هغوی د جهادی کړنو او بریالیتوبو معلومیږی چه هغوی له یوی خوا په خپل هیواد یعنی هغو سیمو کی چه دوی ورسره به ژبه پوهیږی یو دبل له فرهنګ او کلجر څخه پوهیږی چه څوک څوک دی باور او احتیاط په جنګ کی لمړنی جز دی یو اړخ او د بلی خوا ګاوندی ، سیمی او نړی هیوادونه تری نه ډاریږی چه په ضد یی ایتلافی پاڅون وکړی حتی د طالبانو دخپلواکی پاڅون تاییدوی ، ستاینه او لمانځنه یی کوی دغه کار هم طالبانو ته بی شمیره پیاوړتیا او ثبات په برخه کړی او له القاعدی چه اوس یی له نسه داعشیان هم وزیږیدل خلک د شک په سترګه ګوری او ......
    دوهم : د اسلامی عقیدی او الهی نظام له مخی ، اسلام او الهی نظام د ټول بشریت کی د عدالت او سولی د تینګښت د پاره الله ج نازل کړی یعنی که الهی نظام ټول نړیوال ومنی د بشر استثمار او غلامی به د بشر به واسطه د تل د باره ختمه شی او ټول خلک په په سوله او امن کی ژوند ولری او ټول به په ګډه د طبیعت د پراخی او مهربانی لمنی د ډیر باور په فضا کی په ګډه بی شمیره لاسته راوړنی ولری که د انسانانو شمیر څو واری زیات هم شی بسنه به ورته کوی .
    په اسلام کی رنګ ، سمت ، زبه ، قوم او داسی نور توپیرونه ځای نه لری تقوی د اهلیت معیار دی جغرافیاوی پولی ورته مطرح نه دی نه د صدر اسلام وخت کی د مسلمانانو تر منځ جغرافیاوی پولی وی او نن که شتون هم ولری د لیری کولو د پاره یی هڅی وشی زمونږ جغرافیاوی پوله کلیمه طیبه ده هر چیری چه ددی کلیمی ویونکی دی هغه زمونږ هیواد دی .
    الله ج یو بل ځای فرمایی کفار که زما اوامرو او نواهیو یا الهی نظام ته نه تسلیمیږی زما له زمکی دی ووځی ځانله دی بله زمکه یا سیمه پیدا کړی او بیا دی زما د نظام یا شریعت مخالفت کوی لکه څوک چه دچا میلمه یی او د هغه په کور کی دخبلو اصولو د چلولو او کارولو اراده لری . نو په دی اساسی زمکه یواځی د هغه چا ده چه د الهی نظام منونکی او عملی کونکی دی چه هغه رشتونی مسلمانان دی .
    نتیجه :
    د الهی نظام د پاره چه حاکمیت پیدا کړی باید نړیواله مبارزه او هڅی وشی مګر د بریالیو فتوحاتو دباره ځانګړی هغه سیمی په نظر کی ونیول شی چه مسلمانان پکی جنګی موثریت ولری او برمختګ پکی کولای شی لکه طالبان چه افغانستان کی جهادی هلی ځلی لری . یو ځل چه افغانستان اسلامی نظام حاکم شو او نړیوالو یی فضایل عملی بڼه کی ولیدل په داوو طبانه ډول به الهی نظام خپله ومنی ، لکه دری څلور کلو کی اسلامی امارت وو په ټول هیواد کی عدالت او امنیت پلی شوی وو د همدی ډاره امریکا هڅه لرله چه هغه الهی نظام نشکور کړی چه نړیوالو ته سرایت ونه کړی که القاعده او یا اسامه نه وی بله بهانه اوفتنه به یی لټوله ، داسلامی امارت ( الهی نظام ) د نسکورولو د پاره چه عدالت به رامنځته کیږی او د دوی داستثمار مخه به افغانستان او ټوله نړی کی نیسی په هره وسیله چه کیدله بایدمخه یی وینسی . د همدی امله یی ورسره داعشیان وزیږول چه طالبان هم دداعشیانو په ردیف کی جهانی دهشتګر معرفی کړی او له داسی نورو فتنو پسی فتنو کار اخلی .
    زه ستاسی د نظریاتو سره توافق نظر لرم مګر د عقیدی له مخی نه دجنګی تاکتیک او حکمتی مراحلو له مخی ستاسی د نظر سلو کی سل تاییدوم . مګر دالقاعدی په غړو لکه د داعشیانو د بطلان کرښه هم نه شو راښکدلی مګر جهادی تاکتیک یی نه تاییدوم مننه

    • مشر استاد بیانزی صاحب

      یو ځل بیا تاسو ته سلامونه وړاندې کوم

      ستاسو له حوصله مندی او وضاحت څخه مننه کوم.

      د پولو او قومونو خبره رښتیا هم چې په اسلام کې نه ده مطرح، خو دا چې ټوله دنیا اعم له کفارو او مسلمانانو ورته په اهمیت قایل دي، نو د یوه قوم ، ټولي یا حرکت له خوا له داسې مردود خو ټول منلي اصل سره تدریجي او محتاطانه مبارزه پکار ده، له القاعدې به تېر شو، اخوانیان چې د اسلامي نهضت سرلاري او استادان بلل کیژي دادی په همدې نړیوالتوب کې وریت او وسوځېدل، ځکه که هر څو یې داعیه په حقه ده خو په پولو او قومیت باندې تړلو مسلمانانو او کفارو مصالح ګواښي، نو اخوانیانو ته هم ښایي چې له طالبانو یې زده کړي او خپل د مبارزې دایره و مصر ته راتنګه او پکې محدوده کړي ، هلته دې د رقص او فلم او سینما او کفر او فساد او فحشاوو پر ضد مبارزې ته زور ورکړي تر څو د نړیوالو لپاره د موډېل حیثیت خپل کړي.

      په یوه ملک کې یوه فابریکه هغه وخت صادرات کولی شي جې لومړی وجود او تهداب او تاسیسات ولري، دوهم د تولید جوګه وي، کوالیټي کنټرول ولري، ټسټونه ولري، مدیریت ولري، فني او مسلکي پرسونل ولري، خام مواد ولري، او ورپسې د ځایي ټولنې اعتیار خپل او اړتیاوې یې ور پوره کړي، تر څو د بهر ملکونو د پام او اړتیا وړ وګرځي، اسلامي حرکتونه هم چې چېرته زیږي لومړی باید په خپل وطن کې د معروفو ملي نوامیسو (رموزو ) په لرلو سره ریښې وزغلوي، عدالت تامین کړي، اسلامي شریعت نافذ کړي، تعلیمي، اقتصادي پرمختګ ته لاره هواره کړي تر څو وکولای شي د یو موډېل په توګه خپل فکر او کړنلاره بهر ملکونو ته صادره کړي.

      القاعده که په عقیده او تیوری کې هر څو هم په تول برابره ده، خو د اوسنیو منل شوو اوطانو په منځ کې یو بې موره او پلاره او بې وطنه حرکت دی چې نه یې د زیږون ځای مالوم دی نه مکان نو د باطلو منل شوو پولو په طلاطم کې به څنګه وکولای شي د نړی د مسلمانانو اعتبار خپل او د هغوی د فلاح ذریعه وګرزي !!

      په بل عبارت مونږ او تاسو ته ښایي چې د پولو او قوم په ارتباط له نورو قومونو سره بالمثل تګلاره غوړه کړو کنه د دوی وطنونه به له مونږ څخه خوندي او زمونږ هغه به د دوی د اسپ دوانۍ ډګر ګرزېدلی وي.

  • ناپیژانده وروره څومره به ښه وو چه یو مستعار نوم دی ځانته خوښ کړی وی که هیڅ نوم څوک نه لری فیسوک ورته هم ناپیژانده نوم لیکی .
    په هر صورت : لمړی مقدماتی جمله یی املایی ستونزی لری پوه نه شوم ، مګر دپوښتنو په اړه به یی ځوابونه ولیکم :
    لمړی: تر اوسه عرب درته د سی ای ای جاسوسان نه ښکاری ؟
    ځواب: په عربو کی لکه د نورو قومونو په شان ( لکه افغانان ، ایرانیان ، پاکستانیان ، اروپایان ، افریقاییان او حتی خبله امریکایان او داسی نور ) ځینی جاسوسان شته ټول عربان جاسوسان نه دی په عربو کی داسی کسان هم شته چه ولیان او واجد شرایط جنت دی مونږ ته پټه نشته ښه او بد یو قوم کی نه بلکه هر چیری ویشل شوی دی.
    دوهم : مخالف او موافق دواړه ډلی د امریکا په خدمت کی یو ؟
    دا ضد او نقیض جمله ده که څوک د امریکا د ګټو مخالف وی نو بیا څرنګه د امریکا په خدمت کی یو ، هو موافق د امریکا په خدمت کی قرار لری هو لکه داعشیان چه امریکا زیږولی ، د الهی نظام او مسلمانانو د پدنامولو د باره یی حتی د خلافت نوم ورکړی هغوی په ښکاره د امریکا په دستور او قومانده دامریکا مخالفین دی مګر د امریکا د بلیک واتر حیثیت لری ، تاسی لیدلی چه امریکا هغوی یا اهغوی امریکایان او اروپایان وژلی دی ؟ هیڅکله نه ، حتی د امریکا به الوتکو کی مطلوبو ځایو ته وړل کیږی د طالبانو د جنګ وخت کی تری امریکایان هوایی دفاع کوی . ستاسی دغه جمله خپله دستوری او د سی ای ای قومانده ده یعنی نور پلویان یی همدا مظلوم اولس د ذهنیت د مغشوش کولو د پاره همدغه یا ورته جملی کاروی .
    ډریم : دا ټول به هله معلوم شی چه سوریه دلته جوړه شی .
    ځواب : یعنی یو اړخ که امریکا او بل اړخ روسان ، ایران او پاکستان ملاتړ او افعانستان به هم د سوریی په شان نیابتی جګړو کی راګیر شی.
    سوریه کی هم امریکا روسان دداعشیانو په زیږولو او کارولو بلنه او قصدا د کوم راتلونکی پلان د پاره اجازه ورکړه چه سوریه کی د داعشی نه دالقاعدی په ضد وجنګیږی او افغانستان کی هم هڅه لری چه د داعش په کارولو روسانو ته د داعشیانو په ضد بلنه ورکړی او لا روسان د داعشیانو په مقابل کی طالبانو سره نظامی مرستی پیل کړی . که داسی شرایط اماده شی طالبانو ته بی تفاوته ده چه یو دشمن په مقابل کی له بل څخه مرسته تر لاسه کړی لکه د روسانو مقابل کی چه امریکا مجاهدینو سره هر اړخیزی او ښکاره مرستی لرلی مننه

    • داتاسو دی طالبانو لاسته راوړنی و شیی هره ورح زموږ اقغانان وژنی قومی مشران علما وزنی ملی تاسیسات ورانوی او هغه هم د پاکستان بخاطر
      دابه هم ووایم چی دا حګره دامریکاده او داوړو خواوو ته امریکا پیسی ورکوی که نو یو طرف هم دیوی ورځ جګړی توان نلری