افغانستان

نامالومو وسلوالو ولایتي شورا ته کاندید تښتولی

نن ټکی آسیا: د هېواد په شمالي ولایت سرپل کې  نامالومو وسلوالو ولایتي شورا ته کاندید تښتولی.

ددغه ولایت چارواکو په وینا حسین نظري  بېګا  شپه  نامالومو وسلوالو کسانو  د سوزما قلعه ولسوالۍ نه ولایت ته د  ستنېدو پر مهال وتښتولو.

د سرپل والي عبدالجبار حقبین پېښه تصدیق کړې او ویلي یې دي چې حسین نظري د دولت مخالفینو لخوا بېګا شپه تښتول شوی.

حقبین زیاته کړې چې حسین نظري د بلخاب ولسوالۍ څخه ولایتي شورا ته کاندید و.

 د حقبین په وینا نظري نامالوم ځای ته وړل شوی، امنیتي ځواکونه او  ددغه ولایت  سپین ګیري د نوموړي د خلاصون لپاره هلې ځلې کوي.

د سرپل  ولایت کې تېره میاشت هم د ډاکتر عبدالله  یو کمپاینر د کوهستانت په ولسوالۍ کې ووژل شو.

د پېښې مسئولیت تر دې دمه چا په غاړه نه دی اخیستی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x