افغانستان

پکتیا: د ولایتي شورا دیو نوماند د ورور په ګډون د هغه څلور کمپاینران ووژل شول

د پکتیا مرکزګرديز ته نږدې د شیخانو په کلي کې د سړک د غاړې د یوې چاودنې له امله څلورتنه ووژل شول، ياده پېښه نن دوشنبه هغه وخت رامنځ ته شوه چې له سړک نه د پکتیا ولایتي شوراته د نوماند فضل الحق جیلان د کمپیان موټر د تېرېدو په حال کې و. د پکتیا امنيتي مسوولین ياده پېښه تايیدوي  او وايي چې د یاد نوماند ورور هم په وژل شويو کې شامل دی، د پکتیا امنیه قوماندان مل پاسوال زلمی اوریاخېل وايي چې نن سهار لس بجې د جیلان د کمپاین په موټر چاودنه شوې چې درې تنه کمپاینران يې ځای پرځای وژلي دي، نوموړی وايي چې د یاد نوماند ورور له دې موټر سره ځېرمه په موټر سایکل روان وچې د ماین ښکار شو.  د پکتیا ولایتي شورا ته نوماند فضل الحق جیلان یاده پېښه کلکه وغندله او له طالبانو يې په ټاکنو کې د جګړې د توقف هیله وکړه.
دیادې پېښې اړوند طالبانو تراوسه رسنیو ته څه نه دي ویلي، مګر طالبانو پرلپسې د ټاکنو د ګډوډي خبرداری ورکړی دی.چې ډېر خلک يې په اندېښنه کې کړي دي. دا په داسې حال کې ده چې راتلونکوټاکنو ته یواځې پنځه ورځې پاتې دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x