ورزش
کرکټ: افغان ۱۹ کلنو پاکستانۍ لوبډله راڅملوله
نن ټکی اسیا (جمعه، لړم ۲۰مه ۱۳۹۶ل): د ۱۹ کلنو په اسیایي جام کې افغانستان په لومړۍ لوبه کې د پاکستان ۱۹ کلنو ته ستره ماتې ورکړه.
د دې لوبې پچه د افغانستان ۱۹ کلنو لوبډلې لوبډلمشر نوین الحق وګټله او د توپ اچونې پرېکړه یې وکړه.
د افغانستان ۱۹ کلنو ځوانانو د پاکستان ټوله لوبډله په شلم اور کې په ۵۷ منډو وسوځوله؛ مجیب ځدراڼ ۶، الحق او یوسف ځاځي د پاکستان لوبډلې دوه دوه لوبغاړي وسوځول.
افغان ۱۹ کلنو ځوانانو د ۵۸ منډو ټاکلی هدف د لوبې په اتم اور کې پوره کړ.
مجیب ځدراڼ چې د پاکستان لوبډلې۶ لوبغاړي یې سوځولي و، د لوبې غوره لوبغاړی وټاکل شو.
