شعـــــرونه

بهار د مینې

حمزه حسیني

زړونه پېلي مو په تار د مینې
دار بدلوو مونږه په نار د مینې

د رب رضا په سرو لمبو کې غواړو
د حریت ژوند په زولنو کې غواړو
ځان سوځو کوو رفتار د مینې

د وخت موسي فرعوني سر ماتوي
د صلیبي جهان لښکر ماتوي
فتحه یې ځل کړي په رخسار د مینې

د ازادۍ ګلاب به وسپړیږي
له خوشحالۍ به بورا ونڅیږي
یو ځل به بیا راشي بهار د مینې

خالد په توره تورتمونه وهي
راوړي رڼا پسې مزلونه وهي
خوږ تبسم کوي په لار د مینې

<حمزه> ته ورکړې ربه دغه مقام
د شهادت رښتین بې غمه مقام
چې پر زړګي یې شي پرهار د مینې

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x