شعبان، ژباړه:محيب رحمتي

د حضرت محمد (ص) ارشا دى :

– روزه د الله رب العزت میاشت ده او شعبان زما میاشت ده.

شعبان د نبي (ص) تر ټولو زياته خوښه میاشت بلل كېږي، په دې میاشت كي به نبي (ص) روزې نېولې او عبادتونو به يې كول، د دې میاشتي نوم شعبان ايښودلو يوه وجه دا هم كېداى سي، چي د دې میاشتي د خير و بركت د عمل په وجه موږ الله تعالى ته نزديوالى غواړو،

دا میاشت نبي (ص) ځان ته په منصوبولو سره اعلان كړې ده، چي دا میاشت د الله تعالى د عبادت او اطاعت خاص میاشت ده.

د نبي كريم ص دا معمول و، چي په دې میاشت كي به يې روزې نيولې، تر هغو چي له روزې سره به يې ګډي كړې، حضرت عايشه رض وايي، ما نبي (ص) په شعبان كي له روزې سوا په بله میاشت په روزه نيولو نه دى ليدلى، يو بل روايت هم راغلى دى چي نبي (ص)په نزد دروزې نيولو میاشت تر ټولو محبوبه میاشت شعبان وه.

د دې میاشتي ارزښت دا دى، چي په دې میاشت كي د هر چا اعمال الله تعالي ته وړاندي كيږي، د نبي (ص) په دې میاشت كي د روزې نيولو يو وجه دا هم كېداى سي چي روزه يوازي د الله تعالى لپاره ده چي د هغې اجر هم الله تعالى وركوي، او دا اجر د روزې په حالت كي له لس څخه اويا واره زيات دى، يو بل ځاى داسي هم ليكل سوي دي، چي په روزه كي دا اجر له اوياوو څخه اووه واره زياتېږي.

يوه صحابي د نبي كريم په خدمت كي عرض وكړ:

– ته خو انسان په هغه درجه كي يې، چي د هغه هيڅ سارى نسته، بيا ته ولي په دا دونه عبادت كي مبتلا يې ؟

نبي اكرم صلی الله علیه وسلم ور ته وويل :

– خلك د دې میاشتي له عظمت څخه غافله دي، دا میاشت د رجب المرجب او د روزې په منځ كي واقع ده، په كومه چي د مخلوق اعمال د الله په حضور كي وړاندي كيږي، زه غواړم چي زما اعمال د يوه روزه دار په صفت سره وړاندي سي.

حضرت عايشه رض وايي، نبي (ص) د شعبان ټوله میاشت روزه نيوله، يو وار ما له نبي (ص) څخه وپوښتل :

– ته له نورو میاشتو څخه په شعبان كي روزه نيول ولي خوښوې؟

نبي (صلی الله علیه وسلم) و ويل :

– په دې میاشت كي د سږ كال د مړه كېدونكو خلكو مرګ ليكل كيږي، زه غواړم چي د مرګ حكم مي د روزه نيونكي په حالت كي وليكل سي.

د شعبان په میاشت يوه شپه چي په پنځلسمه شپه راځي، برات ورته وايي، شب د شپې په معني او د برات مطلب خلاصون دى، علما كرام ليكي، دا ده ګناهونو او مصبتونو څخه د خلاصون شپه ده.

لكه څنګه چي د ژونديو انسانانو لپاره دوه اخترونه يعني كوچنى او د لوى اختر شپې راځي، همدا راز د فرښتو لپاره هم دوې شپې راځي، يوې ته ليلة القدر او بلي ته ليلة البرات وايي، په يو ځاى كي دا شپه له ګناهونو څخه د ازادۍ هم ليكل سوې ده، په دې كي دوه ډوله خلك نه بخښل كېږي، مشرك او كينه ناك، د يوه بل فرمان له مخي په دې شپه كي د شپږو خلكو بخښنه نه كېږي، شرابي، شيطانت كونكى، د موسيقي الاتو غږونكى، د مور و پلار نا فرمان، قاطع رحم او مصور په دې شپه كي په راتلونكي كي د مړه كېدونكو كسانو نوم او حساب وكتاب ليكل كيږي.

دې له بركته ډكي میاشتي نوم شعبان دى، يعني له شعبان سره معظم چي معنى يې عظمت والا ده، د دې عظمت ښه والى له دې خبرو ښكاري، چي نبي كريم (ص) دا میاشت خپل ځان ته منصوب كړې ده، په دې میاشت كي نفلي روزې ډېري ونيسئ.

الله تعالى دي موږ د دې میاشتي په بركتو سره وبخښي

تبصره وکړه

ستاسو ایمیل ادرس به هیڅ کله نشر نه شي.