نړۍ

د امريکا سمندري پوځ لویه بار وړونکې الوتکه غورځېدلې

نن ټکی اسیا (چهارشنبه، ۱ لیندۍ، ۱۳۹۶ل): د امريکا متحده ايالاتو اړوند يوه لویه بار وړونکې پوځي الوتکه غورځېدلې چې له امله یې د الوتکې د عملې په شمول د ۱۱ کسانو برخلیک لادرکه دی.

که څه هم د امریکا دفاع وزارت د ۸ کسانو د موندلو په اړه خبر ورکړی خو د هغوی د روغتیايي وضعیت په اړه یې معلومات نه دي خپاره کړي.

د امريکا سمندري ځواکونو ويلي، چې پېښه په ځايي وخت د شپې د ۳ بجو په شاوخوا کې رامنځته شوې ده.
د الوتکې د نوعیت په اړه ویل شوي چې د امریکايي سمندري ځواکونو اړوند لویه بار وړونکې الوتکه «سي ۲» ده، چې د جاپان د سواحلو څخه د امریکايي بیړۍ څخه د فلیپاین پر لور روانه وه.

تر اوسه د الوتکې د غورځېدو علت نه دی څرګند شوی خو په لومړني راپور کې ویل شوي چې کیدای شي دالوتکې یوه انجن په هوا کې کار پری ایښی وي خو لا پلټنې رواني دي.

ګمان کیږي چې د الوتکې د عملې په شمول به اکثره سپرلي د امریکايي سمندري ځواکونو منسوبین وي خو لا یې دقیق هویت نه دی په ډاګه شوی او نه یې د مرګ او ژوند په اړه څه ویل شوي دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عبدالمالک همت

په پورتني خبر کي ويل سوي دي :(په لومړني راپور کې ویل شوي چې کیدای شي دالوتکې یوه انجن په هوا کې کار پری ایښی وي). دا خو د الوتکي د را لوېدو لامل سو . او د الوتکي د دغه انجن د کار پرېښوولو لامل په ميدان وردګو کي د مدرسې د تنکيو شاګردانو وژل، په بهرامچه کي په بمبارد د خاورو او باروتو سره د بې ګناه انسانانو د وينو، غوښو او هډوکو پاش پاش کول او د هغو د کورونو ورانول دي. پر دې سربېره امريکايي او داخلي جنايتکارانو ته پر دې دنيا او په آخرت کي… نور لوستل »

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x