دیني، سیرت او تاریخ

بښنه کول

دکتور کفایت الله وردګ

زمونږ عادت داسې وي چې کله له مونږ نه څه غلطی وشي نو د ځان لپاره وایو چې خیر دی له انسان نه غلطي کیږي خو که له بل چا څخ وشي نو بیا مو هغه غلطي ورته ټینګه نیولې وي بښنه ورته نشو کولی حال دا چې د بل چا له غلطی نه بښنه کول هم غوره عادت او سنت دی له حضرت ابی هریره رضی الله عنه څخه روایت دی هغه له رسول الله صلی الله علیه وسلم څخه روایت کوي چې فرمایل یې :

مَا نَقَصَتْ صَدَقَةٌ مِنْ مَالٍ، وَمَا زَادَ اللهُ عَبْدًا بِعَفْوٍ إِلاَّ عِزًّا، وَمَا تَوَاضَعَ أَحَدٌ لِلَّهِ إِلاَّ رَفَعَهُ اللهُ. رواه مسلم

ترجمه : صدقې مال کم نه کړو ، الله جل جلاله په عفوه سره بنده ته هېڅ نه زیاتوي مګر عزت ، هېڅوک د الله جل جلاله لپاره عاجزي نه کوي مګر الله جل جلاله یې پورته کوي .

د حضرت عبد الله بن عمر رضی الله عنه څخه روایت دی هغه فرمایی :

جَاءَ رَجُلٌ إِلَى النَّبِيِّ صلى الله عليه وسلم فَقَالَ: يَا رَسُولَ اللَّهِ؛ كَمْ أَعْفُو عَنِ الْخَادِمِ؟ فَصَمَتَ رَسُولُ اللَّهِ صلى الله عليه وسلم، ثُمَّ قَالَ: يَا رَسُولَ اللَّهِ؛ كَمْ أَعْفُو عَنِ الخَادِمِ؟ فَقَالَ: كُلَّ يَوْمٍ سَبْعِينَ مَرَّةً. سنن الترمذي

ترجمه : یو سړی رسول الله صلی الله علیه وسلم ته راغلو ورته یې وویل : یا رسول الله صلی الله علیه وسلم زه خادم ته څومره بښنه وکوم؟ رسول الله صلی الله علیه وسلم ورته چُپ شو بیا هغه کس وویل : یا رسول الله صلی الله علیه وسلم زه خپل خادم ته څومره بښنه وکوم؟ بیا رسول الله صلی الله علیه وسلم ورته وفرمایل : په هره ورځ کې اویا ځله .

یاد ګېرنه : دا لړۍ مونږ ددې لپاره شروع کړې چې تر تاسې پورې یو سنت در ورسیږي ، که لتاسې نه هېر شوي وی در په یاد به شي ، که تاسې ته په یاد وي ستاسې لپاره به تکرار شي او که ستاسې نه وو زده دا به ستاسې لپاره نوي او مبارک معلومات شي د صدقه جاریه په نیت یې له خپلو ملګرو سره شریکول او ثواب ګټل یې ستاسې کار دی .

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
ممتاز خان

ګرانو علماوو او دوستانو الله تعلی تاسو ته اجر او صواب درکړی ډیر ښه مسایل مو شریک کړی- ځما یوه هیله ده چه پشتو په طریقه ولیکی- کله کله ماته ډیره ګرانه ده چه د موضوع په مطلب پوه شم کیدای شی نو اوستونکو هم داسی وی- هیله لرم چه ما نه خفه نه شی-
وسلام

ممتاز خان
Back to top button
2
0
Would love your thoughts, please comment.x
()
x