افغانستان

پکتیا: د والي پر ضد سلګونو تنو لاريون کړی

نن ټکی اسیا (یکشنبه، ۵ لیندۍ، ۱۳۹۶ل):  د پکتیا ولایت سلګونو اوسېدونکو د دې ولایت د والي پر ضد لاریون کړی او د کابل – خوست لویه لار يې د ترافیکو پر مخ تړلې ده.

لاريون کوونکي وایي، والي يې خپلې شخصي ځمکې چې ودان کورونه يې پکې لرل، د دولتي ځمکو په پلمه وران کړي دي.

د پکتیا والي شیمم خان کټوازي د ګردېز اړوند بنوزیو سیمه کې د خلکو کورونه د ښارګوټي د پلان د تطبیق لپاره ونړول.

کټوازی وايي، دا ځمکې په دولت پورې تړلي دي، چې خلکو د تېرو ادارو له کمزورۍ نه په ګټې لاندې کړې دي.

لاريون کوونکي د پکتیا چارواکي ملامتوي، وايي د ځمکو د شخصي ملکیت د دعوې لپاره لیکلې قبالې په لاس کې لري.

دوی ګواښ کړی، چې که يې ستونزه وانه ورېدل شي، د کابل – خوست لویه لار به تړلې وساتي.

لاریون کوونکي د پکتیا د والي او ښاروال پر ضد شعارونه ورکوي او دوی د خلکو پر وړاندې په «ظلم ملامتوي.»

شمیم خان کټوازی، چې وړاندې تر دې يې مدیریتي تجربه نه ده لرلې، د شخصي اړیکو له امله د پکتیا ولایت والي ټاکل شوی، چې اوسېدونکي يې ترې خوښ نه دي.

د پکتیا ولس وايي، د والي د کمزوري مدیریت له امله وسله‌‌وال مخالفین ان، د قومندانۍ زړه ته ننوتل او د امنیه قومندان په ګډون يې ګڼ پوځي منسوبين ووژل.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x