افغانستان

د بهرنیانو ژباړونکي: ورځ په ورځ د طالبانو لاس زموږ ګرېوان ته را نږدې کېږي

نن ټکی اسیا (چهار شنبه، ۸ لیندۍ، ۱۳۹۶ل): هغه افغان ځوانان چې له بهرنیانو سره يې د ژباړونکو په توګه دندې ترسره کړې، د طالبانو له وېرې تازه څرګندونې کوي.

ژباړونکي، چې په ولس کې په «ترجمانانو» مشهور دي، له رسنیو سره په خبرو کې د طالبانو پر ځواکمنېدو وېره ښيي.

بشير چې له فرانسوي ځواکونو سره يې څلور کاله د ژباړن په توګه دنده ترسره کړې، پخپلو څرګندونو کې وايي، ورځ په ورځ د طالبانو لاس د دوی ګرېوانونو ته نږدې کېږي.

هغه له « دویچ ویله – پښتو» سره په خبرو کې ویلي، طالبان دوی «کافران او د بهرنیانو جاسوسان بولي.» چې په وژلو کې يې پوره زړورتیا ښکاره کوي.

سرچينه د بشیر له قوله لیکي: «موږ په خطر کې یوو. هیڅوک نه پوهیږي چې کله خو یوه ورځ به هغوی [طالبان] موږ ته راورسیږي، ځکه وضعیت د خرابیدو په حال کې دی. د هغوی لاس به یوه ورځ موږ ته راورسیږي».

زین الله بل هغه ژباړن دی، چې د طالبانو له وېرې يې د پولیسو ګڼې دروازې ټکولې، خو چا ورته د ساتنې سینه نه ده ډبولې.

نوموړی د کابل اوسېدونکی دی، خو وايي چې پخپل کور کې هم د خوندیتوب احساس نه کوي.

زین الله دویچ ویله ته ويلي، د پولیسو قومندان ورته ويلي، که څه هم دی تر ګواښ لاندې دی، خو ساتنه يې نه شي کولی.

وړاندې تر دې له بهرنیانو سره د افغانستان په اشغال کې مرسته کوونکو ځوانانو د طالبانو ګواښ پلمه جوړاوه او بهرنیو هېوادونو ته به تلل.

په فرانسه کې مدافع وکیله، کارولین دیکرواکس وايي، د دوی ۱۵۲ افغان همکارانو چې د ژباړونکو، اشپزانو، موټر چلوونکو او ساتونکو په حیث دندې اجرا کړې او غوښتل يې فرانسې ته ور شي، غوښتنلیکونه يې رد شوي دي.

زین الله هم سرچينې ته ویلي، چې فرانسې د تېښتې ارمان په زړه کې لري، هغه کابل هم د طالبانو لاس کې بولي.

ګڼ هغه ځوانان چې له بهرنیانو سره يې دندې ترسره کړې، د طالبانو له ګواښ پرته په ټولنه کې هم ورته په بده سترګه ورته کتل کېږي، چې دوی یو ډول د کمترۍ احساس کوي.

ټاګونه

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
Pattang

دا خد ای وهلي ، شيطان شر مولي بيننګه بي ناموسه ددالرو سپي درواغ وايي ! طالبان هغوي ته ځو څو واري نصيحت کوي او ښه لاره. ورته برابره وي او که پري لاړ نشي نو دمرګ سزا نه ورکوي او شرعي منعه دي !
خو دغه منافقان له دغي انټر وييو څخه بل هدف لري او هغه داده چي غرب ته را وتښتي او سياسي قبول شي نو په دغه عمل دوی ځانته يو سياسي سند جوړوي اوبس تف لانت پر دي فاسدينو !!!

احسان محمود

ان شاء الله له الله نه امید لرو چې د هر غلام ګریوان ته به د ملت د اصلو بچیانو لاس ورسیږي او محکمي ته به يې راکش کړي ، که دا خبره چا ته بې ځایه ښکاري لږ دي شالید ته وګوري ، بیا دي فیصله وکړي ، د جارحیت په هر تاریخ کې جارحینو له غلامانو د پیپسي د بوتلانو په څیر کار اخیستی وروسته يې کباړ ته غورځه ولي دي ، نو ان شاء الله د الله نه امید لرم چې یو ورځ مو د هغو دردمنو زړونو ارمان تر سره سي .

الجاج استاذ بیانزی

پخوا به ځان پلورلو ، بی ناموسیو ته خلکو تر اخری کچی بد کتل یعنی تر دی پورته څه نه وو مګر نن صبا همدغه چه د اشغالګرو سره هر ډول مرسته کوی ، په شتون یی خوشاله دی مقامونه او معاشونه تری تر لاسه کوی که هغه غلام جمهور ریس او که مامور دی که هغه جنرال او که هغه عسکر دی که هغه ژباړن او که وکیل دی او که هغه وزیر او که که قاضی دی هر څوک چه دی هغوی ته دا ډیره ښه وه چه له لوږی مړه وی مګر دغه کرغیړن عمل ته یی لاس نه وی غځولی .
له هیتلره چا پوشتنه وکړه چه د دومره فتوحاتو وروسته دی په مفتوحه هیوادو یا سیمو کی دی څوک دوست دشمن پیدا کړی یا خوښ کړی که دی څوک دی هغه وویل هغوی چه زمونږ سره یی د خپلی خاوری خلکو او خپلواکی د پلورلو د پاره ملتیا لرله اومونږ ورته معاشونه او مقامونه ورکول په هماغه وخت کی مو تری کرکه کیدله چه دوی د یو څو مارکو د پاره خپله خاوره ، خلک او خپلواکی پر مونږ پلوری که په مونږ یی وسه بره شی مونږ به هم وپلوری له هغو می ډیره کرکه وه او ده او هغوی چه د خپلی خاوری ځلکو او خپلواکی د دفاع د پاره زمونږ په مقابل کی جنګیدل ځانونه یی وژل هغوی راته تر اخری کچی درنښت لری که مونږ مړه هم کړی بی عزتبی به مو ونه کړی
نو زمونږ دغه پلورل شوی چه ژباړنه کوی ، عسکری او پولیسی او اربکیان دی ، وزیران او ریسان دی والیان او وکیلان دی دوی ټول هماغه دی چه د هیتلر هم تری کرکه کوله ، دا هیواد زمونږ لوی ټاټوبی دی چه د دغه ټاټوبی په پلورلو یی پروا ونه کړه د ځان او ناموس په پلورله هم اسره او صرفه نه کوی ، څوک چه کابل کی د ع او غ په شان ارت ارت ځی وایی هغه ژباړن ته وګوره یعنی خارجیان اشغلګر یی قصدا دغسی کوی چه یرغمل یی ساتلی وی مننه

Back to top button
3
0
Would love your thoughts, please comment.x
()
x
Close
Close