دیني، سیرت او تاریخ

عیسائیت په افغانستان کي (۸)

لیکنه او څېړنه: عبدالغفار جُبیر

د پروفيسر جان سکاټ اعتراف:

اوسنی بایبل په دې د خدای کتاب نه دی چي حضرت عیسی علیه السلام په آرامي ژبه سره خبرې کولې او اوسنۍ نسخې په یوناني ژبه سره دي، لکه د بایبل تر ټولو زړه نسخه سینایي نسخه؛ د بایبل تر ټولو پخوانۍ نسخه د حضرت عیسی علیه السلام څخه (۶۰۰) کاله وروسته لیکل شوېده،که بایبل په غور سره مطالعه شي نو داسي جوتیږي چي بایبل په تدریجي ډول سره تکامل موندلی دی، بله د یادونې وړ خبره داده چي موږ د حضرت عیسی علیه السلام لیکنه او یا وینا نه لرو هغه څه چي وده ته منسوب دي هغه ټول په یوناني ژبه سره دي او حال دا چي حضرت عیسی علیه السلام په آرامي ژبه سره خبرې کولې.

(The Major Changes in the Bible,pp52-60)

د ډاکتر جوزف پارکر(Dr. Joseph Parker) اعتراف:

ده پخپل کتاب کي (Bible, What a book?) لیکلی دي چي بایبل ټوله د نوم ورکو او مبهمو نومونو څخه ډک دی، په بایبل کي د نسب پاڼو(شجرو) څخه ماسوا بل شی نشته،نه د اخرت په هکله څه پکښې تر سترګو کيږي او نه هم د مذهب په هکله،که موږ د حضرت عیسی علیه السلام شجره و څېړو نو د تعجب خبره داده چي روح القدس د څلورو انجیلونو د لیکوالانو څخه ولي و دوو لیکوالانو ته دا شجره ور و ښودل؟ او حال دا چي په دې دواړو کي هم ژور اختلاف شته، متي د عیسی څخه تر داؤد پوری (۲۶) پښته راوړي دي او لوقا د عیسی څخه تر داؤد پوری (۴۱) پښته راوړي دي نو موږ په ساده تورو داسي ویلای شوچي دا د خدای کلام نه دی؛ او دا د متي او د لوقا خپلي لیکنې دي او روح القدوس هیڅ هم نه دي ورته ویلی.

فاضل عالم ريو- پيکر(Rev. Packer) اعتراف:

فاضل عالم ریو- پیکر(Rev. Packer) تر دې سرلیک لاندي چي (ایا په بایبل کي غلطیانې شته؟ )دی وايي:

غلطیانې په بایبل کي شته،په ځانګړی ډول سره په پخوانیو نسخو کي،کلمې بدلی شوي دي، حتی مکملي لیکنې او جملې له منځه تللی دي، ځینی جملې بیا بیا تکرار شوي دي،چي د غلطیانو شتون نشو ردولای او په ځینو نسخو کي داسی شوي دي چي په غلطیا سره نوي عبارتونه ور سره یوځای شوي دي. دا منو چي دا نسخې د انسانانو په لاسونو سره نوشته شويدي او د هر بدلون امکان پکښې سته.

(Deseret News Publishing Co. 2003)

نور بیا…

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x