رقیبه !

جبیر احمد مشهود

خزان به ختم شي بهار به راشي

تورتم به وسوځي سهار به راشي

ای د سرونو سوداګره واوره!

وار به دې ختم شي زموږ وار به راشي

در نه د هر ظلم بدل به اخلو

ختمه شېبه د انتظار به راشي

خیر ماځیګر که نن یتیم ښکاریږي

ګودر به ښکلی شي چینار به راشي

وخت به له خوبه رابیدار کړي اولس

پرې رنګینه غوندې سالار به راشي

د وحشتو شپې به کډه وکړي

زړونه به روغ شي پری قرار به راشي

تالا ګلبڼ به د بلبلو كور شي

غوټۍ به ګل شي پرې ګلزار به راشي

مشهوده ورک به شي بارود ورځنې

غرونه معطر به شي سینګار به راشي