شعـــــرونه

رقیبه !

جبیر احمد مشهود

 

خزان به ختم شي بهار به راشي

تورتم به وسوځي سهار به راشي

 

ای د سرونو سوداګره واوره!

وار به دې ختم شي زموږ وار به راشي

 

در نه د هر ظلم بدل به اخلو

ختمه شېبه د انتظار به راشي

 

خیر ماځیګر که نن یتیم ښکاریږي

ګودر به ښکلی شي چینار به راشي

 

وخت به له خوبه رابیدار کړي اولس

پرې رنګینه غوندې سالار به راشي

 

د وحشتو شپې به کډه وکړي

زړونه به روغ شي پری قرار به راشي

 

تالا ګلبڼ به د بلبلو كور شي

غوټۍ به ګل شي پرې ګلزار به راشي

 

مشهوده ورک به شي بارود ورځنې

غرونه معطر به شي سینګار به راشي

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x