دیويشتمې پېړۍ شهيد نابغه غلام الحنفي تقبله الله

ليکنه : الهام الخراساني

څه وړه هستي خونه چې ترخاورولاندې شوه دعلم او عرفان مجسم غرمو ترخاورو لاندې شو!

کله به چې دتاریخ باب ته ورغلم او دعلماء پر ژوند به مې نظر ولوید نو پر هغو علماؤ به مې ډېر تعجب کاو،چې په ډېر کم عمرکې یې داسې خدمات او کار نامې ترسره کړې وې چې خپل معاصر مشران لوی لوی محدیثین اوفقهارء ورته ګوته پرغاښ وه ددغو علماؤ له جملې یوهم، امام عبدالعزیز فرهاروي رحمه الله اوامام عبدالحی الکنوي رحمه الله اوداسې نور و…… کوم چې ددیرشو او څلویښتو کالو په منځ کې وفات شوي دي.

او له داسې هستيو پسې مې خپله مطالعه په قدیم او تېرو تاریخونو کې ستومانه کړه، اوهم مې داسې اشخاص په تېرو پېړیو کې منحصر ګڼل؛

خو زما دغه خیال وفکر محدود اوناقص و ځکه کله مې چې دشیخ صاحب تقبله الله ژوند په ويښه مطالعه وکوت نو زما دافکارو حــد او سرحد یې مات کړ، پرېکړه مې وکړه چې یو له هغو علماؤ چې ژوند لیک يې زما دتعجب سبب و ، يوهم دیویشتمې پېړۍ نابغه شیخ غلام حضرت غلام الحنفي تقبله الله دی.

شیخ غلام حضرت دمولاناخواجه محمد حضرت زوی دافغانستان دننګرهار ولایت په دپچیر اګام په سیمه دلمریزکال په( ۱۳۵۵ ) کې دې نیمګړې دنياته سترګې وغړولې.

نوموړی چې په یوه دینداره،علمي اوروحاني کورنۍ کې زېږېدلی و، له کوچني توبه يې په علمي او روحاني مجالسو کې حضور درلود.

محترم شیخ صاحب له همدغه وخت په لومړنیو زده کړو پیل وکړ، او د پاکستان تر لرې لرې سیمو یې علمي سفرونه وکړل، او دنبوي احادیثو ستره دوره یې له نامتو محدث چاته چې دخپل عصر علماءو دابن الجوزي لقب ورکړی استاذ محترم محمد ادریس دامت برکاتهم العالیه سره پای ته ورسوله، له دې روسته یې دفنونو په درس او تدریس پیل کړچې په ډېره لږ موده کې الله جل جلاله په هرفن کې داسې مهارت ورکړ چې دهرفن په دوره کې به یې سلګونو شاګردانو ګډون درلود بالاخره یې دغلماؤ او طلباؤ په زیات اصرار د احادیثو په تدریس پیل وکړ او داد نابغه صاحب ځانګړتیاوه چې په دیرش کلنۍ یې دغه سعادت په برخه شو.

نوموړي یوازې دتدریس پرمسئولیت اکتفاء نه وکړې له دې سره سره په فکري روزنې او تربیې ته ځانګړې توجه ورکړې وه ، خاصکر دامارت اسلامې مجاهدینوته یې مستقل سيمينارونه درلودل، داسلام او مذهب په دفاع کې یې ډېرې سړې تودې وګاللې او دهرې راتلونکې فتنې پروړاندې لکه سپر ولاړ و او دعلم مناظرې دمیدان هغه وتلی، اتل مبارز و چې ۵۳ځله دغه میدان ته وتلی و؛ خو مقابل لورې یې بې تیختې بله لار نده موندلې،
او دډېرو شوم فکرانو ورمېږونه یې دلایلو په توره غوڅ او درڼا په نېزو یې دتیارو سینې وڅېرلې، او دوخت ۷۲باطلو فرقوته یې سینه وهلې وه.

دنوموړی د دغو خصوصياتو سره په سیرت، تاریخ او دقران په تفسیر کې جلا مهارت درلود، اوله فصاحت څخه داسې برخمن و چې په کومه جلسه کې به یې تقریر شروع کړ په ټول مجلس په سکته خوره شوه؛ځکه خو ورته دخپل مرشد له خوا نابغه لقب ورکړ شو.

دشیخ صاحب جهادي بلنه یوازې دامارت اسلامي سپېڅلې لښکر ته وه او دامارت اسلامي تائید یې دهر بیان زینت ښکلاوه، او دخوارجو پر وړاندې لومري کس وه چې دجهاد فتوا یې پرې ورکړه او هغوی یې خوارج او واجب القتل وبلل، نوموړي ته که څه هم ډېر ګواښونه شوي وو خو له خپل کلک دریز او دحق له دفاع یوقدم هم روسته نه شو .

شیخ صاحب ته الله جل جلا له په ژوند کې، ديارلس (۱۳) ځله د حج او عمر ې سعادت هم نصیب کړی و دغسې یې د نړۍ نورولرې هېوادونو ته لکه عمان ، مسقط ، دوبئ ، متحده عربي امارات ، ايران او داسي نورو هېوادونوته سفرونه کړي و

وفات يې:

شهيد شيخ نابغه صاحب په ۱۳۹۵ لمريز کال د زمري د مياشتي ۲۹ نيټه چې د ‌2016 ميلادي کال د اګست د مياشتي 19 نيټ، سره سمون خوري د جمعي د لمانځه د ادا کولو وروسته د خپل والد محترم سره يوځاي د پيښور ښار اخون آباد په سیمه کې د خپلي مدرسي تر څنګ ظالم او ناترسه دوښمن یې په سینه بېدریغه مرمۍ وورولې، دفکري سنګر فاتح، داسلام ستر داعې ، دنبوي احادیثو خادم دعلم او عرفان مجسم غر یې، دتل لپاره دابد په خوب ویده کړ روح دې ښاد او یاد دې تل تازه وي (انا لله وانا اليه راجعون).

شهيد نابغه الحنفي په زړه ډېر ارمانونه درلودل چې تر اوسه يې دتکمیل پر امید يې شپې او ورځې صبا کولې ،چې یو يې هم دلسګونو اثارو تر څلویښت کلنۍ پورې تموکول وه خو بزدل او وحشي دوښمن یې دامیدنو څلې ونړول پاتې اثاريې لاهم مخطوط پاتې دي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
محمد حذیفه
میلمه
محمد حذیفه

تقبله الله بس نور دې نو الله پاک پري ورحمیږی او الله پاک دې ورته مغفرت وکړی او لوړ جنتونه دې ور نصیب کړي او کوم بزدله یې چی په حق کښې دا کار کړي چی د مخامخ مقابلی توان او همت یې نه ورسره درلوده نو الله دې ددنیا او آخرت ذلیله، شرمنده او رسوا کړي. د خلفی خوارجو سره د مناظرو او نورو بیځایه کشمکشونو او جګړو په اړه چی یو واقعی مسلمان ورته په ناچاره مجبوریږی باید دومره ووایم چی باید د خلفی خوارجو سره مناظره پداسې شکل ونه کړي چی هغه یو حدیث ورته تیروی او… نور لوستل »