څړيکې/ الیاس فاتح

الیاس فاتح

دسرو لمبو توپان سوځي ښکلاوې يو مخيزې
روان مې په وطن د اور سيلاب دی څو لسيزې

دامن له سپرليو يې کړې شنې لوخړې پورته
باران باران سکروټې وروي جګړې لويديزې

چينې دي وچې شوي چنارونه لمبه شوي
وهلي په لاسو پېغلو د وينو دي نکريزې

وتلې ترې نښتر نښتر ځوانيو جنازې دي
د هرافغان په کور باندې ورګډې دي غميزې

د سرو سترګو له غچ به دغليم سينې کړي څيرې
د ځوان غازي طالب د تکبير چيغې تندريزې

دردونه دفاتح د زړه دزخم را ويښ شوي
د نيمو شپو يې غږ کې راځي څړيکې سندريزې

avatar
  ګډون وکړئ  
خبرتیا غوښتل د