افغانستان

جمعیت: د عطا محمد نور مخنیوی، پر ډيموکراسۍ پښې اېښودل دي

نن ټکی اسیا (یکشنبه، ۱۲ لیندۍ، ۱۳۹۶ل): د بهرنیو چارو وزارت د سرپرست وزیر په مشرۍ، د جمعیت اسلامي ګوند کندهار ته د عطامحمد نور د تګ مخنيوی پر ډېموکراسۍ پښې اېښودل بللي دي.

د دې ګوند له لوري په خپره شوې اعلاميه کې، د کندهار غونډې ته د عطامحمد نور او جنبش ګوند د سرپرست د تګ مخنیوی د بیان له ازادۍ سره ټکر بلل شوی دی.

اعلاميه زیاتوي، دا ډول کړنې ښکاره له قانون سره په ټکر کې دي او ثابتوي چې حکومت د ډيموکراسۍ اصولو ته ژمن نه دی او باور پرې نه لري.

که څه هم جمعیت ګوند هم پخپله اعلاميه کې د عطامحمد نور مخنیونکي ملامت کړي، خو ځينې سرچينې کاږي، نور له حکومت سره د یوې پټې معاملې پر سر د کندهار په لویه غونډه کې له ګډونه تېر شوی.

له کابله خپرېدونکې ورځپاڼې مسیر، د ځينو سرچينو په حواله یادونه کړې، چې عطامحمد نور د یوې معاملې پر سر له تګه تېر شوی.

نور، د مزار هوايي ډګر کې د رسنیو په وړاندې په نورمال حالت کې وویل، حکومت ورته د تګ اجازه نه ده ورکړې او دا چاره له قانون سره په ټکر کې ده.

عطامحمد نور، چې کله کله د حکومت د کمزوري کولو ګواښونه هم کوي، د حکومت د دې چارې په مقابل کې په غوسه نه ښکارېده او نه يې هم د انتقام کومه یادونه کړې ده.

د سرچينو په وینا حکومت د کندهار د غونډې د کمرنګه کولو لپاره ځينو نورو مشرانو ته هم امتیازات ومنل، چې په دې غونډه کې باید له ګډونه تېر شي.

د کندهار غونډه تېره ورځ ترسره شوه، چې پکې د ملي شورا د غړو په ګډون ګڼو سیاسیونو برخه اخیستې وه او حکومت ته يې د خپل پنځه ماده‌يیز پرېکړه لیک د عملي کولو لپاره دوه میاشتې وخت ورکړ.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
mha

What do these Illiterates know about democracy, the word of democracy to them means stealing, corruption and savings in foreign banks.

جمال

Yes, Democracy is stealing but not for Ata Noor and their criminal team
Democracy is the law of the Jungle< it is against Islamic law and regulations

Back to top button
2
0
Would love your thoughts, please comment.x
()
x