افغانستان

محقق د خپلې دندې د ځنډېدو خبر رد کړ

نن ټکی اسیا (سه شنبه، ۱۴ لیندۍ، ۱۳۹۶ل): د اجراییه ریاست مرستیال محمد محقق وايي، د نوموړي د دندې د ځنډولو خبرونه بې اساسه دي.

د محقق له دفتره خپره شوې خبرپاڼه کاږي، دا کار یوازې د مغرضو رسنیو له لورې شوی دی.

د افق په نامه خبري بنسټ په ایران کې د محمد محقق د څرګندونو له امله په امنیت شورا کې د هغه د غړیتوب د له منځه تلو خبر ورکړ.

سرچينې ویلي و، افغان کابینې محقق په سوریه کې د جنګېدونکو افغانانو په ستایلو د امنیت شورا له غړیتوبه ویستلی او د هغه د دفتر رییس عبدالوهاب عزیزي يې پر ځای ټاکل شوی دی.

د محمد محقق له دفتره خپرې شوې خبر پاڼې دا د «څو تنو مغرضانه څرګندونې» بللې دي.

محمد محقق په ایران کې د «محبان اهلبیت» په نوم ناسته کې، په سوریه کې د ایران په ګټه جنګېدونکي افغانان ستایلي و، چې دغه څرګندونې يې له توندو غبرګونونو سره مخ شوي.

نوموړی د اجراییه ریاست دویم مرستیال دی، چې امنیت شورا کې هم غړیتوب لري.

 

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
mha

Why doesn’t he go and live in Iran, he has enough money to live like king.

Back to top button
1
0
Would love your thoughts, please comment.x
()
x