دیني، سیرت او تاریخ

عیسائیت په افغانستان کي(11)

لیکنه او څېړنه: عبدالغفار جُبیر

د عیسايي نړۍ محنت او د اسلامي نړۍ غفلت:

عیسایان په مجموع کي پوره کوښښ کوي چې په ټوله نړۍ کي صلیب ځلانده کړي هم په عربو کي او هم په عجمو کي دوی په عربو کي تر دې کچې پوري کوښښ کړیدئ چې د عربو لپاره یې بایبل په یوولسو(۱۱) لهجو کي چاپ کړی دی لکه مصري لهجه، یمني لهجه، عراقي لهجه او داسی نور…

د بایبل پښتو لومړۍ ژباړه په هندوستان کي په (۱۸۵۳) میلادي کال کي وشول،او هغه یې چاپ کړ،د بلوڅې او براهوي ژبو بایبلونه ئې په (۱۹۰۷) میلادي کال کي چاپ کړل ،د دری/فارسی ژبې بایبل په (۱۸۸۴) میلادي کال خپور او چاپ شو تاسي کولای شئ ددې پوره تفصیل په لاندي کتاب وګورئ:

قاموس الکتاب پاڼه ۱۲۷
لیکوال: ایف ایس خیرالله، خپرونکي: مسیحی اشاعت خانه ۳۶ فیروزپورروډ لاهور۲۰۰۸

له دې څخه علاوه دوی بایبل په (۲۷۰۰) ژبو باندي ژباړلی دی او خپروي یې،په امریکا کي د عیسایانو یوه ډله ده د(مورمن) په نامه دوی پخپلو پوهنتونونو کي په ۳۸ ژبو باندي تدریس کوي،چې دا ټول عیسایي مبشرین دي او بیائې په نړۍ کي تقسیموي و هرې سیمي ته چي ځي د هغې سیمي د خلکو عادات، رواجونه او خویونه هم ورښودل کیږي دا مبشرین بیا هلته ځي او د عیسائیت تبلیغ کوي، دوی یوه مجله هره میاشت چاپوي په ۳۸ ژبو باندي او د هرې ژبې د ګڼو شمېر یې ۲۰۰۰۰۰۰ دوه میلونه دی، چې ټولې ۷۲۰۰۰۰۰۰ میلونه کیږي دا بیا په نړۍ کي خپروي وړیا هر څوک کولای شي دا ګڼه ولاسته راوړي.دوی د خپل ددې نسخ او فسخ شوي دین لپاره په داسی لوړه کچه سره کوښښ کوي و بل لور ته موږ (امت مسلمه) د غفلت په خوب ویده یو، او ددوی و توطیؤ ته مو هیڅ فکرنشته، هغه اسلامي داعیان چې په دې لاره کي کار کوي هغه هم د ګوتو په شمار دي، نو زه د امت مسلمه د علماء، روحانیونو، د علم او پوهې د خاوندانو او په مجموع کي د قلم د څښتنانو، د طالب علمانو، د متعلمینو او محصلینو څخه دا هیله لرم چې د عیسایي نړۍ د هر شوم پلان لپاره یو مورچل خلاص کړي تر څو دا د ټول امت لپاره د سوکالۍ سبب و ګرځي.

نور بیا…

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x