نظــر

په هېواد کې ولسې پاڅون که ولسې پاڅون نوم ته سپکاوی؟؟

  

اربک يا اربکيان قومي مليشو ته ویل کيږي چې زموږ په هېواد کې اوږد تاريخ لري؛څه موده وړاندې یرغلګرو د اربکيانو په نوم کوڅه ډب ، لوچک ، لنډغر ، لوطيان ، جوارګر ، زانيان …. راټول کړه ، ولس چې اربکيان ورته د ځان ساتونکي ښکارېدل هرکلی وکړ ؛ دغو کوڅه ډبو غلو د اربک په نامه داسې کارونه وکړ چې دغه سپيڅلی نوم يې په کنځلو واړوو ، زموږ په سيمه کې که څوک چاته کنځلې کوي ورته وايي اربکۍ او تر ټولو لويه کنځله همدا ده.

اربکيانو د خلکو کورونه چور ، عزت يې ورته تر پښو لاندې ، دخلکو پيغلې لوڼې و تښتولې ، د سپين ږيرو سپکاوی ،….. او دا ټول اوس هم روان دي. له اختر مخکې راته يو ملګري له کندز ولايت په ټليفون و ويل چې اربکيانو خلک دومره په تنګ راغلي چې له ژونده ورته مرګ غوره ښکاري.ويل يې : د روژې په وروستيو شپو کې په بد حالت کې چې پايزار به يې مردار جوماتونو ته ننوتل او په جوماتونو کې هغه کستان چې په اعتکاف کې و بې عزته او له جوماتونو وشړل.

ولس په زوره د طالبانو د راتګ دعاګانې کوي  خلک هره ورځ د هر دولتي او نادولتي ادارې در  وازه ټکوي ، خو څوک يې غږ نه اورې. په دې وروستيو کې د هېواد له بېلابېلو سيمو د ولسې پاڅون نوم اوريدل کيږي.داهم د ولسې پاڅون د نوم بدې کولو لپاره د یرغلګرو يوه پروسه ، څو نشه يان يې راټول کړې او دغه خوځښت ته يې د ولسې پاڅون نوم ورکړی. خپه کوونکې لا دا چې زموږ ځينې روڼ اندې او پوهه کسان په رسنيو کې د دې کوڅه ډبو په ملاتړ خپله مرۍ وچوي. دا نه یواځې د ولسې پاڅون نوم ته سپکاوی دی ، د اوسني نظام پر ضد د بهرنیان يوه اوږده پروسه ده که مخه يې و نه نيول شي همدا نظام به همداکوڅه ډبي له پښو وغورځوي.

په هېواد کې د سوچه اسلامي نظام راتګ په هېله!!

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x