د حماس ډلي مشران - خالد مشعل او اسماعیل هنیه

حماس: د ټرمپ پرېکړه به پر امریکا د جهنم دروازې را خلاصي کړي

نن ټکی اسیا (پنجشنبه، ۱۶ لیندۍ، ۱۳۹۶ل): د فلسطین د جهادي مقاومت اسلامي ډلې «حماس» په یوې خبرپاڼې کې ویلي چې د امریکي ولسمشر ټرمپ وروستۍ پرېکړه به په سیمه کې د امریکا پر ګټو د جهنم دروازې را خلاصي کړي او د نوموړي اعلان یې پر فلسطیني ولس باندي ښکاره تیری بللی دی.

حماس ډلې د عربو او مسلمانانو څخه غوښتي چې په سیمه کې د امریکایانو ګټي وګواښي او د اسرائیل سره اړیکې پرې کړي او همداسي يې د فلسطین د رسمي حکومت او ولسمشر محمود عباس څخه غوښتي چې نور دې اسرائیل هیواد په رسمیت نه پيژني او د «اوسلو» معاهده دي لغوه کړي.

د حماس د سیاسي دفتر مشر «اسماعیل هنیه» ویلي چې د بیت المقدس په اړه د ټرمپ پرېکړه هیڅ تاریخي او جغرافیايي حقایق نه شي بدلولای. او زیاته کړې یې ده: د فلسطین ولس په دې ښه پوهیږي چې د خپلو دیني مقدساتو او مشاعرو څخه څرنګه دفاع وکړي.

بلخوا د حماس ډلې یوه بل مشر اسماعیل رضوان رسنیو ته وویل چې د ټرمپ پرېکړه به پر امریکايي ګټو د جهنم دروازې را خلاصي کړي، نوموړي د عربي او اسلامي هیوادونو څخه غوښتي چې د امریکې سره اقتصادي او سیاسي اړیکې پرې کړي او امریکايي سفیران له هیواده وشړي.

د حماس ډلې په نامه رسمي ویاند فوزي برهوم د فرانس پریس خبرې اژانس ته وویل چې د ټرمپ پرېکړه په بشپړه توګه د منلو نه ده، د فلسطیني حکومت، عربي او اسلامي حکومتونو څخه غوښتنه داده چې په رسمي توګه عملي ګامونه اوچت کړي او د نوموړي دغه پرېکړه عملي کېدو ته پرې نه ږدي.



یوه تبصره

  1. الجاج استاذ بیانزی

    د ایران د سپاه پاسدارانو یو مسلمان روشنفکر چه افغانستان کی یی جهادی پوسته لرله له پشاوره یی وسلی هیواد ته وړلی زمونږ دنده وه چه له پاکستانی کمیشنری ورله پرمټ واخلو ریکشا کی ورسره ناست وو کمیشنری ته تللو ما تری په داسی حالت کی پوښتنه وکړه چه (مونږ د بریالیتوب په لور وو ډیری برخی مو ازادی کړی وی ) چه مونږ مجاهدین به بریالیتوب تر لاسه کړی .
    هغه راته وویل چه هو، مګر تر هغه وخته بریالیتوب نه شی تر لاسه کولی چه د کلیمی په عملی پڼه او رشتونی معنی پوه شوی نه وی .دا خبره ماته اوله کی دیره ساده مګر ساده کی ګلداره معلومه شوه وروسته چه می ژوره ارزونه ورله کوله هغه نه یواځی د هغه وخت زما د پوښتنی د پاره بلکه د هر بل وخت او شرایطو د پاره د کانی کرښه خبره یی کړی وی زه هم وایم :
    تر هغی چه د فلسطین یا نوری اسلامی نړی مسلمانان د کلیمی طیبی په بښتونی بڼه کی معنی نه وی زده کړی او عمل یی ورباندی نه وی کړی ( چه اقرار بلسان او تصدیق بلقلب دی ) تر هغی هسی تشی لاپی کوو مونږ به تل غلامان او حتی اسلام د یو نظام په حیثیت خو یی ختم کړی اسلام منحیث دین د پاره یی هم مټی رانغښتی مګر قرار قرار مو وژنی لکه د کبابو په شان مو په اور اړوی او رااړوی زمونږ له وریتولو مزی تر لاسه کوی د ټول عمر غچ احستنو خوند تر لاسه کوی .
    همدا اوس تاسی د فلسطین د مشرانو او د اسراییلو یا د امریکا د مشرانو دریشی او فرهنګ ته وګوری تر ټرمپ او ږنیاامین په شان دوی هم قیثمتی دریشی په غاړه دی او د جهاد دروغینی دعوی کوی دوی باید لمړی اسلامی او عربی جامی وااغوندی او بیا د اروپایی ږیرو په ځای اسلامی ږیری پریږدی او بیا د بریالیتوب د پاره څه ناڅه وسلی او پلانونه ولری او بیا لاپی شاپی وکړی دوی دروغ وایی دوی په دی خبرو خبل جیبونه ډکوی او بس

تبصره وکړه

ستاسو ایمیل ادرس به هیڅ کله نشر نه شي.