افغانستان

غني: نیمايي افغان د شپې په لوږه ویده کېږي

نن ټکی اسیا (شنبه، ۱۸ لیندۍ، ۱۳۹۶ل): ولسمشر غني وايي، درېیمه برخه افغان د فقر او لاس تنګۍ له امله د شپې په وږي نس ویده کېږي او په مړه خېټه ډوډۍ نه ورسېږي.

نوموړي نن په کابل کې د کورنیو تولیداتو په یوه نندارتون کې د خبرو کولو پر مهال وویل، د فقر او غریبۍ له امله ډېری افغانان په وږي نس ویده کېږي او د دغه وضعیت د بدلولو لپاره په کار ده، چې د افغانستان په تجارتي بېلانس کې بدلون راولو.

ده وویل، د خصوصي او دولتي سکټورونو ترمنځ د همغږۍ له امله سږ کال ‍‍‍‍۱نیم میلیارد ډالرو په ارزښت سوداګریز توکي بهر ته صادر شوي.

د ولسمشر غني په ننني نندارتون کې له ټولو خلکو وغوښتل چې کورني تولیدات واخلي.

ده یو ځل بیا ډاډ ورکړ، چې په راتلونکو څو کلونو به د برېښنا ستونزه حل کړي.

ولسمشر غني د درېیمه برخو افغانانو په وږي نس د ویده کېدو اعتراف داسې مهال کوي، چې د ولسمشرۍ ټولټاکنو په وخت کې یې ویلي وو، چې په سل ورځو کې به د افغانانو په دسترخوان کې بدلون راولي.

د ولسمشر غني د واک څه کم دوه کاله پاتې دي؛ خو په تېرو درېیو کلونو کې یې نږدې دوه میلیونه افغانان بې کاره کړل او کاري فرصتونه یې له منځه یوړل.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
ابودجانه خوستوال

لوږه، بیکاری، غمونه، دردونه، جنګونه، بمبارونه همدغو پکو امریکیانو د دی لپاره راوستلی تر څو افغان ولس غلامۍ قبلولو ته مجبور کړی.
له دوی څحه د خیر تمه هیڅکله نشو کولی بغیر له شر نا.

Back to top button
1
0
Would love your thoughts, please comment.x
()
x