افغانستان

د هند مرسته شوي غنم هلمند ته ورسېدل

نن ټکی اسیا (پنجشنبه، ۲۳ لیندۍ، ۱۳۹۶ل): د هندوستان له لوري د مرسته شویو غنمو لومړۍ جوپه هلمند ولایت ته ورسېده.

د هلمند ولایتي چارواکي وايي، چې د چاه بهار بندر له لارې ۳زره ټنه غنم دغه ولایت ته رسېدلي دي.

د هلمند د ولایت مقام څخه په خپره شوې خبرپاڼه کې ویل شوي، چې د هندوستان مرسته شوي غنم د نیمروز ولایت له لارې د هلمند مرکز لښکر ګاه ته رسېدلي دي.

دغه غنم په ۴۹ کانټینرونو او ټېلرو کې د هوايي او ځمکنیو ځواکونو په مرسته تېر ورځ مازیګر مهال لښکرګاه ته ورسېدل.

د کرنې، اوبو لګولو او مالدارۍ وزارت وايي، د هند ۱۵زره مټریک مرسته شوي غنم په ۷ ولایتونو کې زېرمه کوي او دغه غنم به د بېړنیو حالاتو پر وخت به یې اړمنو کورنیو ته مرسته کوي.

د چاه بهار بندر له لارې دغه غنم نږدې یوه میاشت مخکې نیمروز ولایت ته رسېدلي وو، چې تېره ورځ لښکرګاه ته هم ورسېدل.

د چاه بهار بندر له پرانېستو وروسته افغان سوداګر ډېری سوداګریز توکي له دې بندر له لارې افغانستان ته راوړي.

د سوداګرۍ وزارت وايي، د تېرو کلونو په پرتله یې له پاکستان سره په سوداګریزه راکړه ورکړه کې نږدې یو میلیارد کموالی راغلی دی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x