افغانستان

کندوز: اته اربکیان وژل شوي او د اردو ۵ سرتېري ټپیان شوي دي

نن ټکی اسیا (چهار شنبه، ۲۹ لیندۍ، ۱۳۹۶ل): د کندوز په دشت ارچي ولسوالۍ کې اته اربکیان وژل شوي او د ملي اردو ۵ عسکر ټپیان شوي دي.

د دشت ارچي ولسوالۍ ولسوال نصرالدین سعدي وايي، تېره شپه طالبانو د دې ولسوالۍ په «دادسي» سیمه کې پر امنیتي پوستو بریدونه کړي وو، چې ۱۳ امنیتي عسکرو ته یې مرګ ژوبله واړوله.

د سعدي په خبره، په دغو بریدونو کې دوه طالبان وژل شوي او دوه نور ټپیان شوي دي.

ځايي خلکو ویلي، چې د شویو بریدونو له امله ۳ ملکیان هم وژل شوي دي.

طالبانو د تېرې شپې د بریدونو مسوولیت منلی دی.
طالبانو ویلي، د دشت ارچي ولسوالۍ کې یې دوه پوستې نیولي او شېراغا او حامد جنګي په نامه یې د اربکیانو دوه قومندانان هم وژلي دي او ګڼ شمېر وسلې یې له ځانونو سره وړي دي.

طالبان د ۶ عسکرو او  ۱۱ اربکیانو د وژل کېدو او د پنځو تنو د ټپي کېدو ویلي دي.

طالبان خپل لوري ته د یو تن د ټپي کېدل منلي دي.

دشت ارچي د کندوز له ښاره ۴۰ کیلومتره لرې پرته ده، چې د ولسوالۍ مرکز پرته نورې سیمې د طالبانو په لاس کې دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x