قاري یوسف: د زابل یو بل دیني عالم د استخباراتو له خوا ووژل شو

نن ټکی اسیا (چهارشنبه، ۲۹ لیندۍ، ۱۳۹۶ل): د زابل ولایت د سیوري ولسوالۍ اوسیدونکي دیني عالم مولوي منګل د نامعلومو کسانو له خوا وژل شوی دی.

د سیمې څخه په ورکړل شویو معلوماتو کې ویل شوي چې نوموړی وړمه شپه د قلات اړوند د شادو په کلې کې د ماښام د جماعت ورکولو وروسته کور ته پر لاره وژل شوی دی.

د طالبانو ویاند قاري محمد یوسف د نوموړي په وژنه کې د حکومت استخباراتي کړۍ ښکېلي بللي او ویلي یې دي چې نوموړی عالم وړم کال هم د زابل امنیه قومندان روغ لیوني نیولی وو او تر سختو شکنجو لاندي يې لاسونه ور مات کړي وه.

او زیاته کړې چې مولوي منګل په سیمه کې یو فعال کس وو، هغه د حکومت څخه د ولسي وګړو په خلاصون کې هم د خلکو سره مرسته کول او همداسي يې د قرآن کریم تفسیر کوی چې د نوموړي په اصطلاح د کابل حکومت ته د زغملو وړ نه وو، ځکه یې د هغه د وژلو لپاره خاص کسان ګمارلي او وړمه شپه یې بالاخیره وواژه.

باید وویل شي چې څه موده تر مخه د مولوي نعمت الله په نامه هم یو دیني عالم د نامعلومو کسانو له خوا وژل شوی وو، چې د طالبانو په وینا د هغه په وژنه کې هم استخباراتي کړۍ ښکېلې وې.

نوموړي وویل: د هیواد په مختلفو سیمو کې د با احساسه او مؤثرو دیني عالمانو ترور او شهادت د مزدور دښمن له شومو پلانونو څخه دي چې د بهرنیو اشغالګرو په لارښونه او له اسلام سره د دښمنۍ په موخه يې تررسره کوي.

avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
مولوي دیوبندي
میلمه

الله جل جلاله دي شهادت قبول کړي واقیعت زموږپه ملک کي ستري هستي همیشه له منځه وړل کیږي محترم شیخ شهیدمولوي منګل صاحب نورالله مرقده دامریکااودهغه دملګروپه مقابل کي خپل مسؤلیت په ایمان داري اداکړل اودیهودووټولوتخریب کونکوافعالوته ځیروواومظلوم اولس ته ئي په پوره ایمانداري خدمت وکړل روح دي ښادوي اونجوان زوي مولوي اولیاء صاحب ته ئي دزړه له کومي تعزیت وړاندي کووالله جل جلاله دي ورلره صیرجمیل ورکړي اوشهیدشیخ مولوي منګل صاحب داسي جهادوکړل چي دسنګرمجاهدبه ئي هم مقام ته نه ورسیږي دظالم په مخ کي حق کلمه ویل افضله جهاددي عَنْ أَبِى سَعِيدٍ الْخُدْرِىِّ أَنَّ النَّبِىَّ -صلى الله عليه… نور لوستل »

مولوي دیوبندي
میلمه

خولیکل راته ډیرمشکل وي کني دشیخ صاحب دکندهاردمحبس یوڅوسحني مي درسره شریکه ولي چي تیرکال شیخ مولوي منګل صاحب امریکایانوبندی کي اوهلته ئي هم دستي دقران شریف تفسیروبندیانوته شروع کړل اوخپل جهادي خدمت ئي له کوره ترزندانه ترقبره ورساووالله جل جلاله دي شهادت قبول کړي